Azaya 66:19 - Ika

¹⁹ M k'a kpaghọsị wẹ ikẹn m, e zi m ndị k'a nwụnhọdụnị shi alị ichẹn-ichẹn — alị Tashishi lẹ alị Pulu lẹ alị Ludu (ndị wẹ gi ịgba-ụta marịn) lẹ alị Tubalụ lẹ alị Javanị wụ Grisi lẹ alị ichẹn-ichẹn tegbu enwẹn wẹ, hụn kelẹni nụ otiti m mọbụ hụn ọghọ m. Uwẹ sikọ d'a gwa ndị alị ichẹn-ichẹn oku ọghọ m.

Azaya 66:19 ပူးပေါင်းရင်းမြစ်များ

Jẹnẹsisi 10:13

Mizraim wụ Ijiptu nọ mụ ndị Ludu lẹ ndị Anam lẹ ndị Lehabụ lẹ ndị Naf'tu lẹ

Jẹnẹsisi 10:2

Ụmụ Jafẹtị wụ Goma lẹ Magọgụ lẹ Mẹdịa lẹ Javanị lẹ Tubalụ lẹ Mẹshẹki lẹzi Tirasị.

Jẹnẹsisi 10:22

Ụmụ Shẹm wụ Ẹlam lẹ Ashuru lẹ Afakishadị lẹ Ludu lẹzi Aram.

Jẹnẹsisi 10:4

Ụmụ Javanị wụ Ẹlisha lẹ Tashishi lẹ Kitim lẹ Rodu hụn wụzị Dodu.

Jẹnẹsisi 9:27

Chuku ya mẹ Jafẹtị gha ihun; Jafẹtị ya sọn Shẹm ri ihiẹn ẹ. Kenaanị ya wụrụ igbọn Jafẹtị.”

Ihiẹn Mẹni Nke Ibuzọ 1:11

Mizraim hụn wụ Ijiptu wụ nẹdi ndị Ludu, ndị Anam, ndị Lehabụ, ndị Naf'tu,

Ihiẹn Mẹni Nke Ibuzọ 1:7

Ikẹnnyẹ Javanị nwa Jafẹtị mụ wụ Ẹlisha, Tashishi, Kitim lẹ Rodanim.

Ihiẹn Mẹni Nke Ibuzọ 16:24

Gwa nị alị ichẹn-ichẹn oku ọghọ a, gwa nị ndị alị ile ihiẹn rịgbu enwẹn ẹ mma o mẹsọnmẹ.

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Azaya 11:12

O k'e weshi ahịma elu zinmẹni alị ichẹn-ichẹn, gi wegbama ndị Izrẹlụ wẹ kpụnrụn, welụa wẹ; o k'a gha ẹbamịn ẹnọ ụwa wegbama ndị Juda feyịyanị.

Azaya 18:3

Ụnụ ile rị ụwa, ụnụ ndị bi elu-ụwa! Ụnụ k'a hụn a kẹ w'a hụn flagị-ahịma rị elu ugu; Ụnụ jẹnkọ d'a nụ a kẹ w'a nụ opi.

Azaya 18:7

O ru ogẹn ahụn, ndị ahụn e wẹhẹmẹni Osolobuẹ ihiẹn ile rị okpuru ẹ ihiẹn, ndị hụ sue usue, nwọnkẹlẹni ẹṅẹnrẹn ẹhụ; ndị ahụn w'a tụ egun wẹ — kẹ ẹhụ-nsue kẹ ebe teni; ndị zegbu enwẹn wẹ hụn a zọgbusọnmẹ ndị ọzọ; ndị hụn iyi kebesọnmẹ alị wẹ. Ugu Zayọnụ, ebẹhụ ẹfan Osolobuẹ ihiẹn ile rị okpuru ẹ rị kẹ wẹ k'e wẹhẹ oyiye ndị hụ.

Azaya 2:16

kẹ ụgbọ-mirin uku wẹ gi a zụ afịa kẹ ụgbọ-mirin ile ma mma.

Azaya 29:24

Ndị e bi mpụ k'e nwọn nghọta, ndị e dẹnnwịnwịnnị a nụma ihiẹn wẹ rị a gwa wẹ.”

Azaya 42:12

Wẹ ile wẹ ye Osolobuẹ ọghọ, wẹ ku ihiẹn o mẹ — kẹ alị ndị teni rị mkpẹnrẹn ohimin.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 43:6

M k'a sịzịkwọ ẹbamịn ọwụwa-ẹnyanwụn, ‘Hapụ wẹ nị wẹ la!’ sị ndịdan-mirin, ‘Egbọndọnkwọlẹ wẹ!’ Welụa nị ụmụ m ikẹnnyẹ rị ebe teni, lẹ ụmụ m ikpoho rị ebe ụwa ru —

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Azaya 49:12

Lee ẹ, ndị nke m k'a ghasọnmẹ ebe teni kinhẹn: ụfọdụ k'a gha ẹbamịn-ugu kinhẹn, ụfọdụ a gha ẹbamịn ọdịdan-ẹnyanwụn, ụfọdụ a ghaha ẹgbẹrẹ Aswanị rị alị Ijiptu.

Azaya 49:22

Di-nwọnni-ẹnyi wụ Osolobuẹ sị, “Lee ẹ, m jẹnkọ d'e fe ndị alị ọzọ ẹka; m k'e weshini ndị alị ichẹn-ichẹn ẹkwa-ahịma m; wẹ k'a palụa ụmụ-ị-ikẹnnyẹ, parị ụmụ-ị-ikpoho uvun palụa.

Azaya 51:5

M lala d'e mẹni ụnụ ihiẹn furuni, nzụọpụha m lala alala, ẹka m k'a kị alị ile. Alị ndị teni rị ohimin k'a rịzịdẹ e lee ẹnya m; wẹ k'a rị e che m nị m d'a tụnị wẹ ụya.

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Azaya 52:15

ẹrịra kẹ ọghọ a k'a tụzị alị ichẹn-ichẹn ẹnya — ndị-nze k'a nụdẹ oku ẹ kpumẹ ọnụ. Makẹni, wẹ k'e gi ẹnya wẹ hụn ihiẹn wẹ gwatulẹni wẹ oku ẹ; wẹ k'a ghọta ihiẹn wẹ nụtulẹni ukwere ẹ.

Azaya 55:5

Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Azaya 60:9

Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Azaya 62:10

Pụha nị! Ghashi ni ọnụ-mgbọn hụ pụha!! Kwa nị nị ndị alị ụzọ! Rụn n'a! Rụntọ nị ụwaya! Wepụsọnmẹ ni ọmụma ndị hụ! Weshi ni ahịma elu nị ndị alị ichẹn-ichẹn bịa.

Azaya 65:1

“E wegụọ m enwẹn m ghọsị ndị jụlẹni ukwere m; a nịgụọ m ndị chọlẹni m hụn m. A sịgụọ m alị kpọkulẹni ẹfan m, ‘E lee m! E lee m!’

Jerimaya 46:9

“Ẹshin-agha, zụnban nị ọgbọ-agha! Ndị ụgbọ-anyịnyan, nyin ni ọnwụn-ọnwụn! Ndị odogun-agha, wẹ shi ihun — ndị Kushi lẹ Putu rịn'a hụn e bu akpaịn lẹ ndị Ludu hụn a gba ụta!

Izikẹlụ 27:10

“ ‘Kẹ ndị alị Pẹshịa kẹ ndị alị Ludu kẹ ndị Putu te rị ndị-agha ị. W'e kọnmẹsọnmẹ akpaịn lẹ okpu-agha wẹ imẹ i, e wẹhẹni i mgbaye.

Izikẹlụ 27:13

“ ‘Ndị Griki, ndị Tubalụ lẹ ndị Mẹshẹki te wụzị ndị-afịa ị, igbọn lẹ ihiẹn igwe-bronzu kẹ wẹ gi e ṅọnnarịn ị ihiẹn.

Izikẹlụ 30:5

“Ndị Ẹtiopịa, ndị Putu, ndị Ludu lẹ ndị Arebịa ile lẹ ndị Libia lẹzi ndị ile wẹ ile gba kịgbama kẹ ọpịa-agha sikọ d'e gbu.

Izikẹlụ 32:26

“Mẹshẹki lẹ Tubalụ hụzị ili, ya lẹ igwerigwe ndị agha a ile fihunmẹn'ẹ ebẹhụ. Wẹ ile wụ ndị felẹni Osolobuẹ. Ọpịa-agha e gbuchanrịngụọ wẹ. Wẹ te e rọn ndị rị elu-ụwa egun.

Izikẹlụ 39:1

“Nwa-ịhịan, bu amụma ihiẹn k'e mẹ Gọgụ. Sị, Osolobuẹ Nwọn Ihiẹn Ile sị, ‘Gọgụ eze Roshi lẹ Tubalụ-Mẹshẹki, mmẹ lẹ yụ rọ!

Izikẹlụ 39:6

M k'e zi ọkụn ye alị Magọgụ lẹ alị ndị hụ ẹhụ fu rị mkpẹnrẹn ohimin ibẹka hụ, e gi w'ẹ marịn nị mmẹ wụ Osolobuẹ.

Daniẹlụ 11:18

“O bunụmanị alị ndị rị mkpẹnrẹn Ohimin, weri ndị bu ọda imẹ wẹ, kanị ọkị-agha ohu jẹnkọ d'a kụsị ụya ahụn ọ rị e ye wẹ e ri, we ẹ ye ya nwẹn ri.

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹfanaya 3:10

Ghakwọrị alị ndị teghafe Iyi ndị rị alị Kushi kẹ ndị nke m — ụmụ ndị nke m te feyịyanị k'a gha e wẹhẹni m oyiye.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Makị 16:15

Ọ nọ sị wẹ, “Ghagbama nị ụwa ile d'e zi ihiẹn ile Chuku ke oziọma.

Luku 2:34

Simiọnụ nọ gọzi wẹ; ya k'ọ nọ sị nnẹ ẹ wụ Meri, “Gọn ntịn, wẹ tumẹ nwatanị n'ọ wụrụ onyẹ wẹ sikọ d'e gi budan ndị bu ọda imẹ Izrẹlụ, bushi ndị bu ọda elu, lẹzi n'ọ wụrụ ahịma wẹ k'a jụ;

Ndị Rom 15:21

Kama, m'e mẹ kẹ Ẹkụkwọ-nsọ dọn kụ, nị, “Ndị wẹ gwatulẹni banyen'ẹ k'a hụn; ndị nụtulẹni ukwere ẹ k'a ghọta.”

Ndị Ẹfẹsọsụ 3:8

Ọsụọn'a nị mmẹ kachanrịndẹ ntịn imẹ ndị nke Osolobuẹ, o ye m oyiyeni kẹni m zi ndị alị ọzọ oziọmanị, gwa wẹ ezigbo ihiẹn nwọnlẹni ọgụgụ hụn jun imẹ Kraịstị,