Azaya 66:16 - Ika

¹⁶ Makẹni Osolobuẹ sikọ d'e gi ọkụn lẹ ọpịa-agha a ye ụwa ile afụnfụn; Osolobuẹ k'e gbu ndị bu ọda.

Azaya 66:16 ပူးပေါင်းရင်းမြစ်များ

Azaya 10:4

Onwọnzini ihiẹn k'a họdụnị ụnụ wezụka ịma-piripiri imẹ ndị wẹ kpụnshikọ alị ọzọ, mọbụ ịrị imẹ ndị wẹ gbu. Kanị, ihiẹnni ile arọkwọnị Osolobuẹ olulu, o wetukwọnị ẹka o gi rị e mẹshi ndị nke ẹ ikẹn.

Azaya 27:1

O ru ụhụọhịn ahụn, Osolobuẹ k'e gi okẹn ọpịa a hụn a tụ egun ye Lẹvịatanị afụnfụn, Lẹvịatanị, eje-agwọ ahụn a gba okẹn-ọsọ, Lẹvịatanị ahụn a fịkọsọnmẹni; Osolobuẹ k'e gbu eje-anụ ohimin hụ.

Azaya 3:13

Osolobuẹ e werigụọ ọnọdị a imẹ ọgwa; ọ chọ n'o kin ndị nke ẹ ikpe.

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 31:8

“Ogẹn hụ, ọpịa-agha k'e gbu ndị Asiria, kanị ẹlẹ ọpịa-agha ịhịan; ọpịa-agha Osolobuẹ k'e gbu wẹ, ẹlẹ nke ịhịan, a gbanị wẹ ọpịa-agha hụ ọsọ; wẹ k'a nwụndọn ikorọbịa wẹ, gi wẹ họnrin igbọn.

Azaya 34:2

Osolobuẹ rị e busọn ndị alị ile okẹn olulu — o gi ọnụma e sọn ndị-agha wẹ ile; o k'e tikpọpụchanrịn wẹ, o wegụọ wẹ ye ni wẹ gbu wẹ.

Azaya 65:12

Okeri m k'e ye ụnụ wụnị wẹ k'e gi ọpịa gbu ụnụ, ụnụ ile k'e welụa isi, a mabepụ wẹ ụnụ olu — makẹni kẹ m kpọ ụnụ, ụnụ azanị; a gwa m ụnụ oku, ụnụ egini dọn. Ụnụ nọ mẹ ihiẹn rịlẹni mma ẹnya m, ụnụ a hanrịn ihiẹn ghalẹni a sụọ m.”

Jerimaya 25:31

Wẹ k'a nụdẹ ụzụn a ụwa ile, makẹni Osolobuẹ sikọ d'a ma alị ile ikpe. O sikọ d'e ye ndị ile rị ụwa afụnfụn, gi ọpịa-agha gbupụ ndị eje-omumẹ.” Osolobuẹ e kugụọ a.

Jerimaya 25:33

O ru ogẹn hụ, ndị Osolobuẹ gi ọpịa-agha gbu jẹnkọ d'e jun ụwa ile — gha isini d'e ru isini. Akwankọ wẹ wẹ, ekpọngbamakọ wẹ wẹ, elikọ wẹ wẹ — wẹ k'e jun alị kẹ nsịn anụ.

Jerimaya 45:5

Yụ nwẹn, ị rị a chọ okẹn ihiẹn. Chọbehi wẹ. Makẹni mmẹ wụ Osolobuẹ rị nwan a gwa ị nị m jẹnkọ d'e tikpọ ịhịan ile, kanị m jẹnkọ d'a n'ị wanahịn ebe ọwụlẹ i jẹn.’ ”

Jerimaya 46:15

Kị haịn ndị odogun-agha ụnụ gi fiẹnrin mọmọmọ? Ẹghẹẹ, asakọ wẹ ẹka turu, makẹni mmẹ wụ Osolobuẹ nutu wẹ.

Izikẹlụ 28:18

Y'e gigụọ njọ ị bu ọda lẹ ịzụ afịa rịlẹni mma, mẹrụ ebe rị ichẹn-ichẹn ị nọ e fe ofufe. Ya m nọ mẹ ọkụn gha imẹ i pụha, ọ nọ ripụ ị, e mẹ m'i họnrin ntụn rị alị, idẹnya ndị ile hụn ị mbụ.

Izikẹlụ 38:17

“ ‘Osolobuẹ Nwọn Ihiẹn Ile sị: Ẹlẹ yụ kẹ m ku oku ẹ mbụ ghahanị idibo m ndị-amụma Izrẹlụ hụn busọnmẹ amụma ahụa ndị hụ ile nị m k'e wẹhẹ i d'a maye wẹ?

Izikẹlụ 5:15

Ị k'a wụrụ ihiẹn-ifẹnrẹn lẹ ihiẹn-ẹmụ lẹ ihiẹn w'e gi a dọ ẹka-ntịn lẹ ihiẹn-egun ẹnya alị ndị nọkunmẹn'i, ogẹn m'e gi gi olulu lẹ ọnụma ye i afụnfụn. Mmẹ wụ Osolobuẹ e kuọl'a.

Juwẹlụ 3:2

m k'e wegbama alị ile, e wẹhẹ m wẹ Ọdanmgbugbu Jehoshẹfatị, nọ ebahụn hangbu wẹ eṅẹn yeni ihiẹn ile wẹ mẹ ndị nke m, hụn wụ ukuu m: e kpọnyịyagụọ wẹ Izrẹlụ ye alị ndị-ọzọ, keri alị m;

Emọsụ 7:4

Ọnwan wụ ihiẹn Di-nwọnni-ẹnyi wụ Osolobuẹ ghọsị m: M hụn Di-nwọnni-ẹnyi wụ Osolobuẹ k'ọ rị a hị wẹ wẹhẹ ọkụn d'e ye ndị nke ẹ afụnfụn. Ọkụn nọ rapụ okẹn ohimin, rimẹ akpakalị.

Nahum 3:15

Ọ napụkọ ọkụn a dụnpụlẹ ụnụ! Ọpịa-agha jẹnkọ d'e gbu ụnụ. O k'e mẹ ụnụ ihiẹn igurube mẹ ẹhụhụọ-oyiyi. Ọsụọn'a nị ụnụ e buwayedẹ ọda kẹ igurube, ọsụọn'a nị ụnụ a barahị kẹ igurube!

Nahum 3:3

E lee ndị-agha gi ẹshin zụnbankọ ọgbọ-agha! Ọpịa-agha hụ e fehunmẹ, obo wẹ hụ e gbuke. Ozun e jun alị, a dankwasị ibe wẹ. Onyẹ k'a saẹka gụn wẹ? Wẹ hụ a kpọgburu wẹ!

Zẹkaraya 14:5

ụnụ a gha ọdanmgbugbu ahụn pụhanị gbapụ, makẹni ọdanmgbugbu hụ k'e rukwọrị Azalụ. Ọsọ ụnụ k'a gba ụhụọhịn ahụn sikọ k'a nọ kẹ hụn ndị nke ụnụ gba kẹ alị mẹhunmẹ ogẹn Uzịa eze Juda. Ogẹn hụ kẹ Osolobuẹ wụ Chuku m k'e gi bịa — ịya lẹ ndị-nsọ a.