Azaya 66:15 - Ika

¹⁵ Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Azaya 66:15 ပူးပေါင်းရင်းမြစ်များ

Ẹbụ-ọma 11:6

O k'e hu ikeke-ọkụn lẹ nsịn ẹnyanwụn rị e rẹn ọkụn kpu ndị-njọ; ufere rị e bi ọkụn wụ nke wẹ.

Ẹbụ-ọma 18:9

Ọ nọ kewa igwere k'o hidanla; ọ hụ e gi ụkụ e kpọn orukpu kẹ uzunzun.

Ẹbụ-ọma 21:9

Ị pụha, y'e mẹ wẹ ihiẹn okẹn ọkụn e mẹ ihiẹn. Osolobuẹ k'e gi olulu luepụ wẹ; ọkụn a k'e bu wẹ ri.

Ẹbụ-ọma 50:3

Osolobuẹ ẹnyi lala, kanị o tukọ udọn: ọkụn e bu ihiẹn e ri rị a ihun, okẹn ẹbi rị a kpọnị fihunmẹ ẹ!

Ẹbụ-ọma 68:17

Chuku gi ụgbọ-ẹshin ẹ nnụ-uku ole-lẹ-ole gha Ugu Saịnaị banhan Ụlọ-nsọ a.

Ẹbụ-ọma 97:3

Ọkụn e burun'ẹ ụzọ o jẹnkọnị, a dụngbu ndị-iṅẹnrẹn ẹ.

Azaya 10:17

Ukpẹ Izrẹlụ hụn wụ Osolobuẹ k'a wụrụ ọkụn; Onyẹ-nsọ wẹ hụn wụ Osolobuẹ k'a wụrụ ọkụn rị e nwunni; o k'e gi akpọhịn ohu dụnpụchanrịn kẹ ogun ẹ kẹ ọkịnkan a.

Azaya 26:11

Osolobuẹ, y'e weshigụọ ẹka elu n'i mẹ wẹ ihiẹn, kanị w'a ra hụnd'a. Nị wẹ hụn a nwan nị y'a ra gi ndị nke i gu egun, kẹni ifẹnrẹn mẹgbu wẹ; ọkụn hụn i kwademẹni ndị-iṅẹnrẹn i ya bu wẹ ri.

Azaya 30:30

Osolobuẹ jẹnkọ d'e mẹ ịhịan nụ okẹn olu ẹ, mẹ wẹ hụn ẹka a k'ọ gha elu lala d'e mẹ wẹ ihiẹn — eje-ọnụma lẹ ọkụn rị a dụnnị lẹ ẹbi lẹ akpara lẹ ẹkwan-igwere k'o k'e gi bịa.

Azaya 30:33

O tekẹmẹkẹ wẹ kwademẹ Tofẹtị ebe wẹ nọ a dụn ihiẹn ọkụn; a kwademẹgụọ w'a tọnị eze. E mẹgụọ wẹ mgbugbu ọkụn a miwaye, shịawaye, ọkụn lẹ nkụn e jun ẹ; umẹrẹn Osolobuẹ hụn rị e hupụha lekẹ nsịn-ẹnyanwụn rị e nwun ọkụn, e d'a mụ ọkụn ye ẹ.

Azaya 31:9

Ọmụma Asiria k'e gi egun la, Ndị ọkị-agha a k'e gi egun gbapụ, hụn wẹ gihụ hụn ahịma-agha eṅẹnrẹn.” Ịya kẹ Osolobuẹ ku, Osolobuẹ hụn ọkụn a rị Zayọnụ; Onyẹ hụn ẹnya-ọkụn a rị Jerusalẹm.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Azaya 5:28

Ọbara-ụta wẹ tụ nkọ, e kwọnchanrịngụọ wẹ ụta wẹ ile; akpụkụ ẹshin-agha wẹ ze kẹ ọmụma, ụkụ ụgbọ-ẹshin agha wẹ a gba fịafịafịa nọkẹ ufere.

Azaya 51:20

Ụmụ ị ikẹnnyẹ a sọhịgụọ, fiẹnrinsọnmẹ ọgbara-ogbe ile, nọkẹ mgbadan ọnyan nwụndọn. A ragụọ wẹ ọnụma Osolobuẹ, rajun ẹfọ — ya lẹ ọjụgbọ Chuku i jụgbọ wẹ.

Jerimaya 25:37

Osolobuẹ k'e tikpọdẹ alị ile te mẹ jụụ — makẹ olulu Osolobuẹ hụn rị a dụn kẹ ọkụn.

Jerimaya 4:13

Ledẹ k'ọ lala kẹ orukpu igwere, ụgbọ-anyịnyan a ile zụnla kẹ okẹn ufere. Ẹshin ẹ ile benahịn ugọn nkanran. Ijẹn e gbuẹ ẹnyi! Ẹnyi a laọlẹ iwi!

Jerimaya 4:3

Lee ni ihiẹn Osolobuẹ rị a gwa ndị alị Juda lẹ obodo Jerusalẹm: “Dụkpọ nị alị ụnụ kelẹni dụkpọ, ụnụ e wepụchanrịn ogun ụnụ kebe kụn ihiẹn.

Jerimaya 46:15

Kị haịn ndị odogun-agha ụnụ gi fiẹnrin mọmọmọ? Ẹghẹẹ, asakọ wẹ ẹka turu, makẹni mmẹ wụ Osolobuẹ nutu wẹ.

Izikẹlụ 38:17

“ ‘Osolobuẹ Nwọn Ihiẹn Ile sị: Ẹlẹ yụ kẹ m ku oku ẹ mbụ ghahanị idibo m ndị-amụma Izrẹlụ hụn busọnmẹ amụma ahụa ndị hụ ile nị m k'e wẹhẹ i d'a maye wẹ?

Izikẹlụ 5:15

Ị k'a wụrụ ihiẹn-ifẹnrẹn lẹ ihiẹn-ẹmụ lẹ ihiẹn w'e gi a dọ ẹka-ntịn lẹ ihiẹn-egun ẹnya alị ndị nọkunmẹn'i, ogẹn m'e gi gi olulu lẹ ọnụma ye i afụnfụn. Mmẹ wụ Osolobuẹ e kuọl'a.

Daniẹlụ 11:40

“O ru ogẹn njẹndemẹ, eze alị rị ẹbamịn-ndịdan k'e buli d'a lụsọn ẹ agha, kanị eze alị rị ẹbamịn-ugu nkẹ k'e kpọnrin igunrun ụgbọ-ẹshin lẹ ndị-agha e gi ẹshin a lụ lẹ ụgbọ-mirin zụnburu ẹ, tikpọkọ alị bu ọda nọkẹ okẹn mirin rị e huni.

Daniẹlụ 7:10

Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.

Hosia 8:7

“A kụngụọ wẹ ufere, ẹbi kẹ w'a ghọrị! Ọka wẹ kụn ebuni mban, o wepụhakọnị wẹ ihiẹn-oriri; o wepụhadẹ, itunmuye k'e ripụ a.

Emọsụ 7:4

Ọnwan wụ ihiẹn Di-nwọnni-ẹnyi wụ Osolobuẹ ghọsị m: M hụn Di-nwọnni-ẹnyi wụ Osolobuẹ k'ọ rị a hị wẹ wẹhẹ ọkụn d'e ye ndị nke ẹ afụnfụn. Ọkụn nọ rapụ okẹn ohimin, rimẹ akpakalị.

Nahum 1:6

Ọ kpọma ọnụma, onyẹ k'a saẹka turu? Onyẹ k'a saẹka dingbu uwowo olulu ẹ? Iwe lẹ ọnụma a e hupụha rịkẹ ọkụn — Osolobuẹ e tikpọchanrịn ọmụma.

Habakọkụ 3:8

“Euu Osolobuẹ, iyi ndị hụ kẹ ị rị e buni olulu ogẹn hụ? Ra iyi k'i rị e weni iwe hụ? Ra ohimin k'ị rị a kpọnị ọnụma hụ? Uwẹ k'i nyinkọnị ẹshin-agha ị ọkụn-ọkụn, ra wẹ k'i nyinkọnị ụgbọ-ẹshin agha i gi a zụọpụha?!

Zẹkaraya 6:1

E lezi m ẹnya elu, m nọ hụn ụgbọ-anyịnyan ẹnọ kẹ wẹ gha ẹgbata ugu ẹbụọ pụla. Ugu ndị hụ wụ igwe-bronzu.

Matiu 22:7

Eze hụ nọ gi olulu zijẹn ndị-agha a, wẹ nọ gbupụ ndị izighẹ hụ, dụn obodo wẹ ọkụn.

Ditrọnọmi 28:20

Osolobuẹ lẹ enwẹn ẹ k'e zi ọnụ-ẹsọn lẹ isusu lẹ ụya ye imẹ ihiẹn ile ụnụ buche ẹka, d'e ru n'e tikpọ wẹ ụnụ ru alị, makẹ eje-ihiẹn ụnụ mẹ ebe ụnụ nọ jụ m.

Pita Nke Ẹbụọ 3:7

Nke igwere lẹ ụwa rị ogẹnni, Osolobuẹ e gigụọzị oku-ọnụ a hụ bu wẹ dọnmẹ n'o k'a dụn wẹ ọkụn; ọ rị e che Ụhụọhịn ahụn o k'e kin ndị-njọ ikpe, tikpọ wẹ.