Azaya 66:12 - Ika

¹² Makẹni Osolobuẹ sị, “Lee n'ẹ, m k'e mẹ ihiẹn rịchanrịnnị Jerusalẹm mma kẹ mirin dọn e jun iyi; e mẹ m ẹfe (akụ-lẹ-ụba) alị ichẹn-ichẹn jun ẹ nọkẹ okẹn-mirin. Ụnụ k'a ra ẹran a, ọ parị ụnụ ẹka, pa ụnụ che ọgbọdọgbọ.

Azaya 66:12 ပူးပေါင်းရင်းမြစ်များ

Azaya 14:2

Ndị alị ichẹn-ichẹn k'e duru wẹ, dulụa wẹ alị wẹ. Ndị Izrẹlụ e nwọnrin ndị alị ichẹn-ichẹn, awụrụnị wẹ wẹ igbọn ikẹnnyẹ lẹ ikpoho imẹ alị Osolobuẹ. Wẹ k'e kwọndọn ndị te gini wẹ, a kịma wẹ ndị te rị a kịgbuni wẹ.

Azaya 26:3

Udọn zu oke kẹ y'e ye onyẹ hụn kwọnkẹnmẹ okukwe, makẹni o gi i dọn ẹnya.

Azaya 33:21

makẹni Osolobuẹ k'e gi ọghọ a nọdị ebẹhụ, wụrụ Dikẹn ẹnyi, wụrụnị ẹnyi iyi uku lẹ iyi nta; ụgbọ-amaran ndị-iṅẹnrẹn asakọ ẹka a banhan a, okẹn ụgbọ wẹ hi-ogbe a ghakọ a.

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 48:18

Omẹni ụnụ te gi oku m dọn, nkẹ udọn hụ e huni ụnụ kẹ mirin iyi, nkẹ ezi-omumẹ ụnụ hụ a kpọshi elu kẹ mirin ohimin.

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 54:3

makẹni, i jẹnkọ d'a bashi ẹka-nni, bashi ẹka-ekpẹn; ụmụ ị k'e mẹrisọnmẹ ndị alị ọzọ weri obodo ndị wẹ gbatọsọnmẹ biri.

Azaya 59:19

Ịhịan ile a gbaye Osolobuẹ — kẹ ndị rị ẹbamịn ọdịdan-ẹnyanwụn ịhịan ile e ye ẹ ọghọ — kẹ ndị rị ẹbamịn ọwụwa-ẹnyanwụn, makẹni Osolobuẹ k'a bịa nọkẹ okẹn iyi rị e huni, okẹn iyi hụn ufere Osolobuẹ buhẹ.

Azaya 60:16

Alị-eze ichẹn-ichẹn k'e mẹdẹ ụnụ kẹ ụmụ wẹ rị e ye ẹran; ndị-nze k'e mẹni ụnụ kẹ ụmụ rị a ra ẹran, ụnụ e gi ẹ marịn nị mmẹ, Osolobuẹ, wụ Onyẹ hụn a zụọpụhanị ụnụ, Onyẹ mgbapụha ụnụ, Dikẹn ebọn Jekọpụ.

Azaya 61:6

Wẹ k'a kpọ ụnụ ndị nchụn-ẹjan Osolobuẹ, kpọ ụnụ ndị-ọrụn Chuku ẹnyi. Ụnụ k'a gha e ri akụ-lẹ-ụba alị ichẹn-ichẹn, e gidẹ akụ-lẹ-ụba wẹ a nyan isi.

Azaya 66:11

Makẹni ụnụ k'a ra ẹran, rajun ẹfọ, ẹran a hụn wẹ gi a hụhụ ịhịan kẹ nwa; ụnụ k'a ra a ọda-ọda, ẹran a hụn a gba ọda-ọda a sụọgbu ụnụ.”

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Jerimaya 33:6

“ ‘Kanị, m jẹnkọ d'e dọnzi obodoni; m k'a zụọ wẹ, a dịnhịn wẹ, e mẹ m ihiẹn rịnị wẹ mma ọhụnma-ọhụnma, mẹsọnmẹ wẹ kẹ ndị nke m.

Hagaị 2:9

Ọghọ hụn k'a rị Ụlọnị k'a ka hụn te rị nke mbụ ahụn wẹ tikpọ. Mmẹ wụ Osolobuẹ ihiẹn ile rị okpuru ẹ ku ẹ. M k'e mẹ n'ọ rịnị ụnụ mma ebeni.’ Ya kẹ Osolobuẹ ihiẹn ile rị okpuru ẹ ku.”