Azaya 65:9 - Ika

⁹ M k'a gha imẹ ebọn Jekọpụ wepụha ndị k'e bikin alị m; m k'a gha Juda wepụha ndị k'e weri ugu m ile. Ndị nke m k'e nwọnrin wẹ; idibo m k'e biri ebẹhụ.

Azaya 65:9 ပူးပေါင်းရင်းမြစ်များ

Azaya 27:6

O ru ihun, ebọn Jekọpụ jẹnkọ d'a gba mkpọgụn; Izrẹlụ jẹnkọ d'a kpụkpụma, mị obobo, mị mkpụrụ jun ụwa ile.

Azaya 30:19

Ụnụ ndị Zayọnụ, ndị bi Jerusalẹm, ụnụ akwankọzị ẹkwan. O jẹnkọ d'e mẹni ụnụ omikẹn ọda-ọda ụnụ kwanghọsị a! Hụn o gihụ nụ ẹkwan ụnụ, o k'a za ụnụ.

Azaya 32:18

Ẹhụ k'e fu ndị nke m ebe wẹ bisọnmẹ, fu wẹ iwe wẹ rị ichẹn-ichẹn.

Azaya 45:19

Ekuni m'ẹ nzuzue, anọnị m ebe tegbu enwẹn ẹ gba ishi ku ẹ — asịnị m ebọn Jekọpụ ‘femẹ m mmaka’, Ezioku k'e mmẹ wụ Osolobuẹ e ku; ntụ arị oku m.

Azaya 45:25

Osolobuẹ k'a tụnị ụmụ Izrẹlụ ile ụya, a nyanma wẹ isi.”

Azaya 49:8

Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Azaya 57:13

Ogẹn ụnụ e gi kwanma, a chọ eyemẹka, mmọn lẹ iyi ndị hụ ụnụ kpọntọ wẹ bịakwọ d'a zụọ ụnụ! Ufere k'e bupụ wẹ, uzun mmaka kẹ wẹ e gi buhuhudẹ wẹ. Kanị, onyẹ hụn gbaburuni m k'e nwọnrin alịnị, nwọnrinzikwọ Ugu nsọ m.”

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Azaya 65:15

Ọnyanhan wẹ k'a nyanhan ẹfan ụnụ wụ nị ndị nke m k'a gha e gi ẹfan ụnụ a bụ ọnụ! Di-nwọnni-ẹnyi wụ Osolobuẹ k'e gbuchanrịn ụnụ, kanị o jẹnkọ d'e ye idibo ẹ ẹfan ọzọ.

Azaya 65:22

Atụngụkọzị wẹ ụlọ ndị ọzọ e biri; akụngụkọzị wẹ ihiẹn-ugbo, ndị ọzọ e ri ẹ. Kẹ osisi dọn a tọ ẹrịra kẹ ndị nke m k'a gha a tọ; ndị m họrị k'e ri ihiẹn wẹ rụn, ribie ẹ.

Izikẹlụ 36:24

“M sikọ nwan d'e weri ụnụ imẹ alị ndị ọzọ, e wegbama m ụnụ welụa alị ụnụ.

Zẹfanaya 3:20

O ru ogẹn ahụn, m k'e welụa ụnụ, ogẹn ahụn m'e gi wegbama ụnụ. M k'e ye ụnụ ọghọ imẹ alị ile rị elu ụwa. Wẹ k'a gha a ja ụnụ mma Ogẹn m'e gi mẹ n'ọ rịzịnị ụnụ mma.” Ya kẹ Osolobuẹ ku.

Matiu 24:22

Omẹni ebelụanị wẹ ogẹn hụ, onwọnni onyẹ k'a wanahịnnị; kanị, Osolobuẹ k'e gi ufiri ndị Osolobuẹ họrị belụa ogẹn nsọngbu ahụn.

Ndị Rom 11:28

Kẹ oziọma nọ, wẹ wụ nwan ndị-iṅẹnrẹn ẹnya Osolobuẹ makẹ ufiri ụnụ; kanị, kẹ Osolobuẹ dọn a họrị ihiẹn, Osolobuẹ nwọnkwọ ihiẹn-ọsụsụọ wẹ makẹ ufiri nẹdi wẹ.