Azaya 64:8 - Ika

⁸ Kanị Osolobuẹ, ịyụ wụ nẹdi ẹnyi. Ụrụa kẹ ẹnyi wụhụ, ịyụ wụ ọkpụ-ite; ẹnyi ile wụ ọrụn-ẹka ị.

Azaya 64:8 ပူးပေါင်းရင်းမြစ်များ

Jobu 10:3

Ọ sụọdẹ i nwan asụọ n'ị bịangbu ịhịan ra, e lelịa ihiẹn hụn i ke — bụ ị hụ a mụyeni eje-ndị lẹ eje ihiẹn wẹ rị e ro ẹmụ?

Ẹbụ-ọma 100:3

Marịn nị nị Osolobuẹ wụ Chuku. Ịya ke ẹnyi; ịya nwọn ẹnyi; ndị nke ẹ kẹ ẹnyi wụ, lẹ atụnrụn ọ rị a zụn.

Ẹbụ-ọma 119:73

Ịyụ ke m, buchesọnmẹ m ụkụ lẹ ẹka, dodo, ye m nghọta, kẹni m mụnrụn iwu i.

Ẹbụ-ọma 138:8

Osolobuẹ k'a rụnzuchanrịnnị m ihiẹn o bu obi. Euu Osolobuẹ, ihiẹn-ọsụsụọ ị rị jẹnrin-ejẹn. Dodo, alatọkwọlẹ ndị i ke.

Ẹbụ-ọma 74:1

Euu Chuku k'ị jụnị ẹnyi jẹnrin ejẹn? K'ị tọnị e buni atụnrụn ị olulu?

Ẹbụ-ọma 95:6

Bịa nị nị ẹnyi kpọ isi alị fe ẹ; nị ẹnyi gbuni ni Osolobuẹ keni ẹnyi osekpu!

Ọpụpụ 32:12

O ru ndị Ijiptu e sị, ‘O wepụha wẹ n'o mẹ wẹ eje-ihiẹn, n'o gbu wẹ tọ elu ugu ndịnị, kẹn'o kpọnchanpụ wẹ elu-ụwa.’ Dodo, bubehi nwan olulu; etikpọlẹ ndị nke i.

Ọpụpụ 4:22

Ogẹn hụ, y'a sị a, ‘Lee ihiẹn Osolobuẹ ku: Izrẹlụ wụ okẹnnyẹ ibuzọ m.’

Azaya 19:25

makẹni Osolobuẹ nwọn ikẹn ile k'a sị, “Ngọzi ya rịnị Ijiptu hụn wụ ndị nke m, Asiria hụn wụ ẹka-ọrụn m lẹ Izrẹlụ hụn wụ ihiẹn-ẹka m.”

Azaya 29:16

Ụnụ e bu ihiẹn isi a kpọma alị — lekẹsị ọkpụ-ite lẹ ụrụa han! Ihiẹn wẹ mẹmẹ a sịdẹ nwan onyẹ mẹmẹn'ẹ, “Ẹlẹkwọ yụ mẹmẹ m”? Ite a sịdẹ nwan onyẹ kpụn'a, “Onwọnni ihiẹn ị marịn”?

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Azaya 43:7

ndị ile wẹ gi ẹfan m marịn, ndị ile hụn m ke nị m gi nwọnrin ọghọ, ndị ile m mẹmẹ.”

Azaya 44:21

Nyanhan nị ihiẹn ndịnị, ebọn Jekọpụ, makẹni ịyụ wụ Izrẹlụ wụ odibo m; mmẹ ke i; odibo m kẹ ị wụ. Azọkọ m'ị, Izrẹlụ.

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 45:11

Lee ihiẹn Osolobuẹ ku, Osolobuẹ, Onyẹ-nsọ Izrẹlụ lẹ onyẹ hụn ken'ẹ, ọ sị: ‘N'i gidẹ nwan oku ihiẹn lalanị jụma m njụ banyeni ụmụ m, ra n'ị gwamadẹ m ihiẹn m k'e gi ihiẹn m ke mẹ?

Azaya 45:9

“Nsọngbu rị e che onyẹ ya lẹ onyẹ ken'ẹ rị e kpe, mpekele-ite mmaka rị alị kẹ ibe ẹ. Ụrụa a jụdẹ nwan ọkpụ-ite, ‘K'ị rịdẹ nwan e gi m a kpụ’ ra ihiẹn wẹ rị a kpụ a sịdẹ, ‘Ihiẹn ị rị a kpụ enwọnkwọ ẹka’?!

Azaya 57:16

Esọnkọ m ịhịan kpe jẹnrin ejẹn, atọkọ m olulu e bu, makẹni o ru ndụn m a gụchanrịn ịhịan — umẹ-ndụn ịhịan hụn m ke.

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Azaya 63:16

Kanị, yụ wụ nẹdi ẹnyi, ọsụọn'a Ebraham amarịn ẹnyi, ọsụọn'a Izrẹlụ sị ọ marịnzị onyẹ ẹnyi wụ — yụ wụ Osolobuẹ wụkwọ nẹdi ẹnyi; Onyẹ-mgbapụha ẹnyi wụ ẹfan ị ẹdẹi.

Azaya 63:8

O te sị, “Eziẹ, ndị nke m kẹ wẹ wụ, ụmụ m hụn jẹnkọlẹni d'e mẹ m ẹro.” Ya k'ọ nọ wụrụ Onyẹ-nzụọpụha wẹ.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 31:9

Wẹ k'e gi ẹkwan lụaha; wẹ k'a rị a rịọ m m welụakọnị wẹ. M k'e wejẹnsọnmẹ wẹ mkpẹnrẹn mirin rị mma, we wẹ ghasọnmẹ ụzọ riẹnni makẹ wẹ gha a kpọgburu, makẹni mmẹ wụ nẹdi Izrẹlụ; Ifrem wụ nwa ibuzọ m.”

Hosia 1:10

“K'osilẹrị, o ru ihun, ndị Izrẹlụ k'a barahị kẹ ẹjan rị ohimin, hụn wẹ ghalẹni a s'ẹka a gụnmarịn mọbụ a ma. Ezioku-ezioku, uwẹ kẹ Osolobuẹ rị nwan a sị, ‘ụnụ ẹlẹ ndị nke m.’ Kanị o ru ogẹn ahụn, uwẹ k'o k'a sịzị, ‘Ụmụ Osolobuẹ, Chuku hụn rị ndụn, kẹ ụnụ wụ!’

Malakaị 2:10

Ẹlẹ nẹdi ohu mụ ẹnyi ile? Ẹlẹ Osolobuẹ ohu ke ẹnyi ile? Kị haịn nwan ẹnyi gi a tụ ibe ẹnyi ntụ, e tikpọ iwu Osolobuẹ ye ndị nẹdi ẹnyi?

Jọnụ 8:41

Ihiẹn nẹdi ụnụ e mẹ kẹ ụnụ rịhụ e mẹ.” Ya wẹ nọ sị a, “Ẹnyi ẹlẹ ụmụ ọwụ, Osolobuẹ sụọ wụ Nẹdi ẹnyi.”

Ndị Galeshịa 3:26

Ụnụ ile wụ ụmụ Osolobuẹ ghahanị okweri ụnụ kwerini Kraịstị wụ Jizọsị,

Ndị Galeshịa 3:29

O mẹ nwan nị ẹnyi wụ nke Kraịstị, ụmụ Ebraham kẹ ẹnyi wụ, ndị sikọ nwan d'e nwọnhẹn ihiẹn Osolobuẹ kwe nkwa a.

Ndị Ẹfẹsọsụ 2:10

Ọrụn-ẹka Osolobuẹ kẹ ẹnyi wụ, ndị o ke imẹ Kraịstị wụ Jizọsị, kẹni ẹnyi hụn ụzọ e mẹ ihiẹn rị mma o ketọnị ẹnyi.

Ditrọnọmi 32:6

Ẹnịna kẹ ụnụ gi a kụ Osolobuẹ ụgwọ, ndị nzuzuni marịnlẹni ihiẹn?! Ẹlẹ ịya wụ Nẹdi ụnụ, Onyẹ hụn ke ụnụ, mẹmẹ ụnụ, kpụ ụnụ?

Ditrọnọmi 9:29

Ndị nke i kẹ wẹ wụ, ukuu i hụn i gi ikẹn i hi-ogbe lẹ ikẹn i kpa wepụha.”