Azaya 64:7 - Ika

⁷ Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn.

Azaya 64:7 ပူးပေါင်းရင်းမြစ်များ

Jobu 10:9

Nyanhan n'ị kpụ m kẹ w'a kpụ ụrụa. N'i gizi m nwan họnrin uzunzun?

Jobu 8:4

Omẹni ụmụ ị mẹ ẹ njọ, ya wụ nị o mẹgụọ wẹ gi isi buru njọ wẹ.

Ẹbụ-ọma 100:3

Marịn nị nị Osolobuẹ wụ Chuku. Ịya ke ẹnyi; ịya nwọn ẹnyi; ndị nke ẹ kẹ ẹnyi wụ, lẹ atụnrụn ọ rị a zụn.

Ẹbụ-ọma 14:4

Ndị-njọnị aghọtakọdẹ? Ndịnị hụn e bu ndị nke m e ri kẹ brẹdi, ndịnị ghalẹni a kpọku Osolobuẹ.

Ọpụpụ 32:12

O ru ndị Ijiptu e sị, ‘O wepụha wẹ n'o mẹ wẹ eje-ihiẹn, n'o gbu wẹ tọ elu ugu ndịnị, kẹn'o kpọnchanpụ wẹ elu-ụwa.’ Dodo, bubehi nwan olulu; etikpọlẹ ndị nke i.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Azaya 27:5

Omẹni achọnị wẹ nsọngbu, wẹ bịakwọ d'e gbọnni m; wẹ bịa d'a rịọ m; wẹ bịakwọ d'a rịọ m.”

Azaya 45:9

“Nsọngbu rị e che onyẹ ya lẹ onyẹ ken'ẹ rị e kpe, mpekele-ite mmaka rị alị kẹ ibe ẹ. Ụrụa a jụdẹ nwan ọkpụ-ite, ‘K'ị rịdẹ nwan e gi m a kpụ’ ra ihiẹn wẹ rị a kpụ a sịdẹ, ‘Ihiẹn ị rị a kpụ enwọnkwọ ẹka’?!

Azaya 50:2

Kẹ m bịa, kị haịn o gilẹni nwọn onyẹ rịn'a? Kẹ m kpọ oku, kị haịn o gilẹni nwọn onyẹ zanị? Ẹka m e mẹkẹ nkpụrụ nị asa m ẹka zụọpụha ụnụ ra enwọn m ndụn m'e gi zụọpụha ụnụ? Bụ ọjụgbọ mmaka kẹ m gi e mẹ ohimin a tahị, e mẹ iyi ichẹn-ichẹn e họnrin alị ọkpọ-nkụn azụn rị imẹ wẹ a nwụnhụn, shinkpo, makẹni mirin arịa; ẹgụn-mirin e gbu wẹ!

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Azaya 56:4

Makẹni, Osolobuẹ sị, ‘Ndị ahụn rị e feni m hụn gilẹni nwunyẹ lẹ ụmụ bụ wẹ hụ e dọnmẹ iwu Ezumikẹn m rị ichẹn-ichẹn, a họrị ihiẹn a sụọnị m e mẹ, e kwọnkẹnmẹ iwu m,

Azaya 57:17

Iwe te we m makẹ njọ ẹnya-uku ẹ, e ye m'ẹ afụnfụn, gi olulu bupụ ihun, kanị ọ tọkwọ isi-ikẹn e bu.

Azaya 59:16

Ọ hụn a nị onwọnni onyẹ rịn'a, ọ tụ a ẹnya ọda-ọda nị onwọnni onyẹ e buche ọnụ nị wẹ dọnzi ihiẹn. Ya kẹ ọ nọ gi ẹka a wẹhẹ nzụọpụha. Ezi-omumẹ ẹ ye ẹ ndụn o gi mẹ ẹ.

Azaya 59:2

Njọ ụnụ e kebegụọ ụnụ lẹ Chuku ụnụ; njọ ụnụ haịn o gi bupụ ụnụ ẹnya, ya haịn o gilẹni e gọn ụnụ ntịn.

Azaya 59:4

Onwọnni onyẹ a chọ ezioku; onwọnni onyẹ e kinchanrịn ihiẹn mẹni. Ikpe wẹ rị e kin ghalẹni e ru alị kẹ wẹ gi e dọn ẹnya, a tụsọnmẹ ntụ; w'e rotọsọnmẹ eje-ihiẹn e mẹ.

Azaya 63:16

Kanị, yụ wụ nẹdi ẹnyi, ọsụọn'a Ebraham amarịn ẹnyi, ọsụọn'a Izrẹlụ sị ọ marịnzị onyẹ ẹnyi wụ — yụ wụ Osolobuẹ wụkwọ nẹdi ẹnyi; Onyẹ-mgbapụha ẹnyi wụ ẹfan ị ẹdẹi.

Jerimaya 9:7

Osolobuẹ ihiẹn ile rị okpuru ẹ sị nwan, “Lee ẹ, m k'e gi ọkụn chanchan wẹ, lele wẹ. Kị m'e mẹzi nwan banyeni ndị nke m?

Izikẹlụ 22:30

“A chọgbamagụọ m imẹ wẹ nị m hụn akpụ onyẹ ohu, hụn nkẹ a tụnkin mgbọnni, hụn nkẹ e wuzoni alị ihun m dọnzi ihiẹn makẹ m gha e tikpọ a, onwọnni onyẹ m hụn.

Izikẹlụ 24:11

Dọ nwan okpokoro ite hụ ye elu ikeke-ọkụn ahụn n'ọ nụ ọkụn, chan, unyin rịn'a a rịnranpụ, nchara ọ gba a pụ.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”

Hosia 7:14

W'a ra gi obi wẹ kpọku m ụya kẹ w'a kwan elu bẹdi wẹ; w'e bekikadẹ enwẹn wẹ, nị wẹ rị a rịọ mmọn ọka lẹ manya; E nupụọlẹ wẹ isi okpuru m!

Hosia 7:7

Wẹ ile nọ kẹ ọkụn rị ẹnya-mgba, e bu ndị ọkịkị wẹ e ri. E gbugụọ wẹ ndị-nze wẹ ohu-ohu; onwọnni onyẹ a kpọkuni m.

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Malakaị 2:10

Ẹlẹ nẹdi ohu mụ ẹnyi ile? Ẹlẹ Osolobuẹ ohu ke ẹnyi ile? Kị haịn nwan ẹnyi gi a tụ ibe ẹnyi ntụ, e tikpọ iwu Osolobuẹ ye ndị nẹdi ẹnyi?