Azaya 64:3 - Ika

³ Ogẹn i gi rụn okẹn-ihiẹn ndị hụ ẹnyi tụlẹni ẹnya a, y'e hidanghọ hụn ugu gi mẹhunmẹ.

Azaya 64:3 ပူးပေါင်းရင်းမြစ်များ

Samuẹlụ Nke Ẹbụọ 7:23

Elee ndị nọ kẹ ndị nke ị wụ Izrẹlụ — alị ohu hụ ị hụn Chuku jẹn d'a gbapụha gi, wẹ họnrin ndị nke ẹ, gi ẹ nwọnrin ẹfan, rụnsọnmẹ okẹn ihiẹn a tụ ẹnya ghahanị ịchụpụsọnmẹ ndị alị ichẹn-ichẹn lẹ mmọn ndị wẹ rị e fe, buche ndị nke i hụn ị gha alị Ijiptu gbapụha?

Ẹbụ-ọma 106:22

onyẹ hụn rụn ọrụn-atụmẹnya ndị hụ imẹ alị ụmụ Ham hụ, rụn ihiẹn ndị hụ a tụ egun imẹ Ohimin Ufie!

Ẹbụ-ọma 66:3

Sị nị Chuku, “Y'a rụnka ọrụn a tụ egun! Makẹni ikẹn i e hikẹ ogbe ya haịn ndị-iṅẹnrẹn i gi a man'ị piripiri.

Ẹbụ-ọma 66:5

Bịa nị d'e lee ihiẹn Osolobuẹ rụn; ọrụn a tụ egun ọ rụnnị ịhịan!

Ẹbụ-ọma 68:8

alị e mẹhunmẹ, igwere e zue okẹn mirin, makẹni Chuku Saịnaị a pụha, makẹni Chuku Izrẹlụ a pụha!!

Ẹbụ-ọma 76:12

Onyẹ hụn e welụa ndị ọkịkị alị, hụn ndị-nze ụwa gi a tụ egun ẹ.

Ọpụpụ 34:10

Osolobuẹ nọ sị a, “M jẹnkọ nwan d'e tumẹ nkwerigbama ẹgbata mmẹ lẹ ndị nke i ile. M jẹnkọ d'e mẹsọnmẹ ihiẹn atụmẹnya m mẹtulẹni imẹ alị ọwụlẹ rị ụwa. Ndị alị ndịnị ụnụ bi imẹ wẹ sikọ d'a hụn ẹka-ọrụn Osolobuẹ, makẹni m jẹnkọ d'a rụnnị ọnụ okẹn ihiẹn a tụ egun.

Azaya 5:25

Ịya haịn Osolobuẹ gi gi olulu sọn ndị nke ẹ; o weshi ẹka, titu wẹ: ugu e mẹhunmẹ, ozun e jun rịkẹ ẹfịfịa rị ụwaya. Kanị, ihiẹnni ile arọkwọn'a nwan olulu, echẹn kẹ ẹka a rịkwọ elu n'o tizi wẹ.

Azaya 64:1

K'o furu y'a dọwapụ igwere, hidan — nkẹ ugu ile e mẹhunmẹ ihun i,

Habakọkụ 3:3

Osolobuẹ gha alị Tẹmanị pụha; Onyẹ hụ rị nsọ gha Ugu Paranị bịa! Ọghọ a jun igwere ile, ụwa ile a ja a mma. Sẹla

Habakọkụ 3:6

Ọ kụsị, alị nọ mahihie; o lee ẹnya, ndị alị ile a mama piripiri. Ugu ndị rị kete-kete e tiyịya, òke ndị rị ẹdẹi e ziẹntu, makẹni wẹ ile rị okpuru ẹ.

Ditrọnọmi 10:21

Ịya kẹ ụnụ k'a gha a ja mma; ịya wụ Chuku ụnụ — Onyẹ hụn rụn okẹn ọrụn atụmẹnya ndị ahụn a tụ egun ụnụ gi ẹnya ụnụ hụn.

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?