Azaya 61:2 - Ika

² o zi m d'a hị nị ahụa Osolobuẹ e gi mẹni ndị nke ẹ ọhụnma e rugụọ, nị ụhụọhịn Chuku ẹnyi e gi mẹgwarị ndị kwọndọnni wẹ e rugụọ; o zi m d'a rọkọ ndị ile rị a kwannị obi,

Azaya 61:2 ပူးပေါင်းရင်းမြစ်များ

Azaya 1:24

Ufiri ẹ, Onyẹ hụn nwọn ihiẹn ile, Osolobuẹ ihiẹn ile rị okpuru ẹ, Dikẹn Izrẹlụ, sị nwan, “Hmm! Ndị-iṅẹnrẹn m k'a kụrịrị ụgwọ ihiẹn wẹ mẹ; m k'e mẹgwarị ndị-iṅẹnrẹn m!

Azaya 13:6

Kwanmanị ụya, makẹni Ụhụọhịn Osolobuẹ e d'e ru; o k'a bịa nọkẹ ntikpọ, ntikpọ Onyẹ hụ nwọn ikẹn ile.

Azaya 2:12

Osolobuẹ ihiẹn ile rị okpuru ẹ a kayegụọ ụhụọhịn, ụhụọhịn o k'e gi mẹshi ndị mpache ile lẹ ndị ile kpọ enwẹn wẹ ihiẹn ikẹn, ndị ile e bọnmẹni; wẹ jẹnkọ d'e budan wẹ;

Azaya 25:8

o k'e luepụ ọnwụn, ọnwụn arịkọzị. Osolobuẹ ihiẹn ile rị okpuru ẹ jẹnkọ d'e finchanpụ ịhịan ile ẹnya-mirin; o k'e wepụ ndị nke ẹ ifẹnrẹn ẹnya elu-ụwa ile. Ya kẹ Osolobuẹ ku.

Azaya 34:2

Osolobuẹ rị e busọn ndị alị ile okẹn olulu — o gi ọnụma e sọn ndị-agha wẹ ile; o k'e tikpọpụchanrịn wẹ, o wegụọ wẹ ye ni wẹ gbu wẹ.

Azaya 34:8

Makẹni Osolobuẹ a kayegụọ ụhụọhịn o k'e mẹgwarị; ọ kayegụọ ahụa o k'e gi mẹshi alị Ẹdọm ikẹn, makẹ ufiri Zayọnụ rị alị Izrẹlụ.

Azaya 35:4

Sị nị ndị obi wẹ zelẹni, “Kwọnkẹnmẹ ni enwẹn ụnụ, atụlẹ ni egun, Chuku ụnụ lala — ọ lala d'e mẹgwarịnị ụnụ, ọ lala d'e mẹgwarị wẹ kẹ Chuku; ọ lala d'a zụọpụha ụnụ.”

Azaya 40:1

“Kasị nị ndị nke m obi; rọkọ nị wẹ obi!” Ya kẹ Chuku ụnụ ku.

Azaya 49:8

Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 57:18

A hụngụọ m eje-agụngụn a, kanị m sikọ d'a zụọ a emu; m k'e du ẹ, mẹzi ẹhụ fu ẹ,

Azaya 58:5

Ọnwan wụ ụdị ọnụ m sị ụnụ e bu? Ụhụọhịn ịhịan gihụ e ye enwẹn ẹ afụnfụn sụọ rọ? Ụhụọhịn wẹ gihụ e bu ihun a kọma alị kẹ achara lẹ iyihụ ẹkwa-achọ lekẹ onyẹ ihiẹn mẹ, e dinẹ ikpọn ntụn? Ọhụn kẹ ụnụ a kpọ ibu-ọnụ — ụhụọhịn ibu-ọnụ hụn rị mma ẹnya Osolobuẹ?

Azaya 60:10

Itumunyẹ k'a tụndọnzidẹ mgbọn ụnụ; ndị-nze wẹ k'a wụ ndị ọrụn ụnụ. E te giọlẹ m olulu mẹ ụnụ ihiẹn, kanị, m jẹnkọ nwan d'e lee ụnụ ẹnya rị mma, mẹ omikẹn ụnụ.

Azaya 66:14

Ogẹn ụnụ e gi hụn ihiẹnni, ẹfọ k'a sụọ ụnụ ụsụọ, ụnụ a tụlụa kẹ irurue pupụhazị alị. Osolobuẹ k'a ghọsị ndị idibo ẹ ikẹn ẹ, ghọsị ndị-iṅẹnrẹn ẹ olulu ẹ.

Jerimaya 31:13

“Ịgbagba k'a rị e tẹn egu, a ghọghọ; ẹrịra kẹ ikorọbịa lẹ ndị-ichẹn k'e mẹzikwọ. M jẹnkọ d'a napụ wẹ ẹkwan, ye wẹ ịghọghọ. M jẹnkọ d'a napụ wẹ ụya wẹ rị e ri, rọkọ wẹ obi, mẹ ẹfọ sụọ wẹ ụsụọ.

Jerimaya 46:10

“Kanị Di-nwọnni-ẹnyi, Osolobuẹ ihiẹn ile rị okpuru ẹ, nwọn ụhụọhịn hụ — ụhụọhịn mmẹgwarị rọ, ụhụọhịn o gi e mẹgwarị ndị-iṅẹnrẹn ẹ. Ọpịa-agha k'e gburi, rijun ẹfọ, ra ẹdeke rajun ẹfọ. Makẹni Di-nwọnni-ẹnyi, Osolobuẹ ihiẹn ile rị okpuru ẹ, k'e gbu wẹ, lekẹ sị wẹ wụ anụ o gi chụn ẹjan imẹ alị hụ rị ẹbamịn-ugu, mkpẹnrẹn Iyi-Yufretisi.

Maịka 3:8

Kanị, o mẹ nke m, m nwọn ikẹn ọda-ọda, ịya lẹ Mmọn Osolobuẹ lẹ ezioku lẹ ndụn, hụn m gi a gwapụ ebọn Jekọpụ nị wẹ rị a dan iwu, hụn m gi a gwa ndị Izrẹlụ nị wẹ rị e mẹ njọ.

Matiu 5:4

Ngọzi wụ nke ndị hụn rị a kwannị, makẹni wẹ jẹnkọ d'a rọkọ wẹ obi.

Luku 4:19

d'a ma ọkwa nị ahụa hụ e ruọlẹ hụn Di-nwọnni-ẹnyi e gi mẹni ndị nke ẹ ọhụnma.”

Luku 6:21

Ngọzi wụ nke ụnụ, ndị ẹgụn rị a gụn ogẹnni, makẹni ẹfọ k'e jun ụnụ! Ngọzi wụ nke ụnụ ndị rị a kwan ẹkwan ogẹnni, makẹni ụnụ sikọ d'a mụ ẹmụ.

Ndị Kọrẹntị Nke Ẹbụọ 6:2

Makẹni Osolobuẹ sị, “K'o ru ogẹn furuni, e gọnghọ m ụnụ ntịn; k'o ru ụhụọhịn nzụọpụha, m yeni ụnụ ẹka.” Lee n'ẹ, kikẹnni wụ ogẹn hụ furuni! Lee n'ẹ, tannị wụ ụhụọhịn nzụọpụha!

Ndị Tẹsalonika Ibuzọ 2:16

e gbọndọn ẹnyi ezilẹ ndị alị ọzọ ozi wẹ k'e gi nwọn nzụọpụha! Ẹrịra kẹ w'e mẹ ogẹn ile hụn wẹ gi e mẹjun mkpu njọ wẹ ile. Kanị, iwe-lẹ-ọnụma Osolobuẹ e kunrungụọ wẹ nwan ikpanzụụnnị.