Azaya 60:9 - Ika

⁹ Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Azaya 60:9 ပူးပေါင်းရင်းမြစ်များ

Jẹnẹsisi 9:27

Chuku ya mẹ Jafẹtị gha ihun; Jafẹtị ya sọn Shẹm ri ihiẹn ẹ. Kenaanị ya wụrụ igbọn Jafẹtị.”

Ndị-nze Nke Ibuzọ 10:1

Ogẹn okpoho wụ eze Shẹba gi nụ otiti Solomọnụ lẹ ẹfan Osolobuẹ ọ rị e ye ọghọ, ọ nọ bịa d'e gi ajụjụ ndị zeni lele ẹ.

Ndị-nze Nke Ibuzọ 10:22

Eze nwọnsọnmẹ igunrun ụgbọ-mirin wẹ gi a zụ afịa imẹ ohimin; wẹ lẹ ndị nke Hiram gba a wị. Ahụa ẹtọ-ẹtọ kẹ wẹ gi e bulụa goru, siliva, eze-enyi lẹ ọzọ lẹ adaka.

Ndị-nze Nke Ibuzọ 22:48

Jehoshẹfatị nọ rụn ụgbọ ndị a gba okẹn-ohimin ye azụụn hụ, nị wẹ e gi wẹ e jẹn alị Ofiri d'e buhẹ goru, kanị ụgbọ-mirin ndị ahụn agbanị, Eziọnụ-Gẹba rị alị Ẹdọm kẹ wẹ ruhụ, wẹ nọ kpu.

Ndị-nze Nke Ibuzọ 8:41

“Omẹzini onyẹ alị ọzọ rịlẹni imẹ ndị Izrẹlụ hụn wụ ndị nke i e gi ufiri ọghọ Ẹfan ị gha alị teni bịa —

Ẹbụ-ọma 48:7

Y'e gi okẹn ẹbi ẹbamịn ọwụwa-ẹnyanwụn e gungwọnpụdẹ okẹn ụgbọ-mirin Tashishi!

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Ẹbụ-ọma 97:1

Osolobuẹ wụ eze; elu-ụwa ya ghọghọma! Alị ndị rịkwọrị mkpẹnrẹn-ohimin wẹ ghọghọma!

Ọpụpụ 33:19

Osolobuẹ nọ sị a, “M sikọ nwan d'a ghafe ihun i, ghọsị ị mma m ile, kpọ ẹfan m wụ Osolobuẹ idẹnya ị: onyẹ m chọ nị m mẹni ọhụnma kẹ m k'e mẹni ọhụnma, onyẹ m chọ nị m mẹni omikẹn kẹ m k'e mẹni omikẹn.

Itẹn 18:20

Ihiẹn gha ọnụ ịhịan pụha k'o gi e rijun ẹfọ; ihiẹn ụgb'ọnụ a rụnpụha kẹ ẹfọ gi e jun ẹ.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 2:16

kẹ ụgbọ-mirin uku wẹ gi a zụ afịa kẹ ụgbọ-mirin ile ma mma.

Azaya 24:15

Ndị rị ẹbamịn ọwụwa-ẹnyanwụn yemẹ ni nwan Osolobuẹ ọghọ; ja nị ẹfan Osolobuẹ wụ Chuku Izrẹlụ mma imẹ alị ndị hụ tegbu enwẹn ẹ rị mkpẹnrẹn ohimin.

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 42:4

ẹhụ arọkọ a, ndụn agụkọ a — d'e ru n'o yegụ ezioku ọnọdị a elu-ụwa. Alị ndị rịdẹ nfetu ohimin k'a gha e che iwu ẹ.

Azaya 43:4

Ebe o mẹni ị rị m mkpa lẹni m'a ra gi i gu egu, lẹzini ihiẹn i sụọ m a sụọ, m k'e gi ịhịan gbarị isi i, m k'e gi ndị alị ọzọ gbarị isi i.

Azaya 43:6

M k'a sịzịkwọ ẹbamịn ọwụwa-ẹnyanwụn, ‘Hapụ wẹ nị wẹ la!’ sị ndịdan-mirin, ‘Egbọndọnkwọlẹ wẹ!’ Welụa nị ụmụ m ikẹnnyẹ rị ebe teni, lẹ ụmụ m ikpoho rị ebe ụwa ru —

Azaya 46:13

M wela nwan ihiẹn ahụn rị mma; ọ rịgụọ nsue; nzụọpụha m rọ, o biekọ d'a bịa. M k'e ye Zayọnụ nzụọpụha; bu ọghọ m che Izrẹlụ ẹhụ.

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Azaya 49:22

Di-nwọnni-ẹnyi wụ Osolobuẹ sị, “Lee ẹ, m jẹnkọ d'e fe ndị alị ọzọ ẹka; m k'e weshini ndị alị ichẹn-ichẹn ẹkwa-ahịma m; wẹ k'a palụa ụmụ-ị-ikẹnnyẹ, parị ụmụ-ị-ikpoho uvun palụa.

Azaya 51:5

M lala d'e mẹni ụnụ ihiẹn furuni, nzụọpụha m lala alala, ẹka m k'a kị alị ile. Alị ndị teni rị ohimin k'a rịzịdẹ e lee ẹnya m; wẹ k'a rị e che m nị m d'a tụnị wẹ ụya.

Azaya 55:5

Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Azaya 57:17

Iwe te we m makẹ njọ ẹnya-uku ẹ, e ye m'ẹ afụnfụn, gi olulu bupụ ihun, kanị ọ tọkwọ isi-ikẹn e bu.

Azaya 60:4

Weshi ẹnya elu, n'i lehunmẹ: lee wẹ ile kẹ wẹ zu, lala d'e kunrun i! Ụmụ-ị-ikẹnnyẹ k'a gha ebe teni kinhẹn; ndị k'e welụa ụmụ-ị-ikpoho k'a padẹ wẹ ẹka lụa.

Azaya 60:6

Anyịnyan mkpukpuke k'e jun alị ị, okoro Anyịnyan mkpukpuke hụn ghasọnmẹ alị Midianị lẹ alị Efa bịa. Kẹ ndị hụn k'a gha alị Shẹba bịa bukọ goru lẹ nsẹnsi — a ja ẹfan Osolobuẹ mma wẹ lalanị.

Azaya 66:12

Makẹni Osolobuẹ sị, “Lee n'ẹ, m k'e mẹ ihiẹn rịchanrịnnị Jerusalẹm mma kẹ mirin dọn e jun iyi; e mẹ m ẹfe (akụ-lẹ-ụba) alị ichẹn-ichẹn jun ẹ nọkẹ okẹn-mirin. Ụnụ k'a ra ẹran a, ọ parị ụnụ ẹka, pa ụnụ che ọgbọdọgbọ.

Jerimaya 3:17

O ru ogẹn ahụn, wẹ k'a kpọ Jerusalẹm Ukpo-eze Osolobuẹ, alị ile k'a gha e zu imẹ Jerusalẹm ebẹhụ d'e ye ẹfan Osolobuẹ ọghọ. Esọnkọzị wẹ eje-obi wẹ hụn wẹ gi a gba isi-akwanran.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Izikẹlụ 39:7

M k'e gi ẹ mẹ ndị nke m wụ Izrẹlụ marịn nị ẹfan m rị nsọ. Anịkọzị m ịhịan legberi ẹfan-nsọ m. Alị ndị ọzọ k'e gi ẹ marịn nị mmẹ, Osolobuẹ, wụ Onyẹ-nsọ Izrẹlụ.

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Maịka 7:12

O ru ogẹn hụ, a gha wẹ Asiria lẹ obodo rịsọnmẹ Ijiptu lụaburu i, gha Ijiptu d'e ru Iyi Yufretisi lụaburu i, gha ebe ile ohimin ru lẹ ugu ile lụaburu i.

Zẹfanaya 2:11

Osolobuẹ jẹnkọ d'e mẹshi wẹ ikẹn ọhụnma-ọhụnma; o k'a napụ mmọn ile ikẹn lẹ ọghọ wẹ; alị ndị tegbudẹ enwẹn wẹ rị mkpẹnrẹn ohimin k'a nọ alị wẹ e fe Osolobuẹ.

Zẹkaraya 14:14

Juda k'a lụdẹni Jerusalẹm agha. Ndị nke Osolobuẹ k'e kpọnrin akụ-lẹ-ụba alị nọkunmẹni wẹ ọhụnma-ọhụnma, kẹ goru kẹ siliva kẹ ẹwuru.

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Jọnụ 17:26

E mẹgụọ m wẹ marịn ị; m k'a gha e mẹ wẹ a marịn ị, kẹni ihiẹn-ọsụsụọ m i nwọn hụn ụzọ rị imẹ wẹ lẹni mmẹ nwẹn rịzị imẹ wẹ.”

Ọrụn Ndị-ozi 9:15

Kanị Di-nwọnni-ẹnyi nọ sị a, “Jẹnmẹ, makẹni okẹnnyẹni kẹ m họrị n'ọ wụrụ ihiẹn-ọrụn m hụn k'e we ẹfan m jẹnni alị ndị ọzọ lẹ ndị-nze lẹ ndị Izrẹlụ;

Ndị Galeshịa 3:26

Ụnụ ile wụ ụmụ Osolobuẹ ghahanị okweri ụnụ kwerini Kraịstị wụ Jizọsị,

Ndị Galeshịa 4:26

Kanị Jerusalẹm rị elu-igwee ẹlẹ igbọn; ịya wụ nnẹ ẹnyi.

Joshụa 9:9

Wẹ nọ sị a, “Ẹnyi ndị idibo i gha alị tegbu enwẹn ẹ bịa ebeni makẹni ẹnyi a nụgụọ otiti Osolobuẹ wụ Chuku ụnụ, ihiẹn ile o mẹ imẹ alị Ijiptu