Azaya 60:6 - Ika

⁶ Anyịnyan mkpukpuke k'e jun alị ị, okoro Anyịnyan mkpukpuke hụn ghasọnmẹ alị Midianị lẹ alị Efa bịa. Kẹ ndị hụn k'a gha alị Shẹba bịa bukọ goru lẹ nsẹnsi — a ja ẹfan Osolobuẹ mma wẹ lalanị.

Azaya 60:6 ပူးပေါင်းရင်းမြစ်များ

Jẹnẹsisi 10:7

Ụmụ Kushi wụ Sẹba lẹ Havila lẹ Sabta lẹ Raama lẹ Sab'tẹka. Ụmụ Raama wụ Shẹba lẹ Dedanị.

Jẹnẹsisi 25:13

Lee ẹfan ụmụ Ishmẹlụ lẹ usọnrọn wẹ gi mụ wẹ: nwa ibuzọ Ishmẹlụ wụ Nẹbayọtụ; ndị e sọnn'ẹ wụ Kẹda, Ad'bilu, Mibsam,

Ndị-nze Nke Ibuzọ 10:2

Ọ nọ bịa Jerusalẹm, ya lẹ igunrun sọnkọn'a; o gi anyịnyan-mkpukpuke ndị busọnmẹ ihiẹn bu ọda e shin ọhụnma lẹ goru bugbu enwẹn ẹ ọda lẹ ihiẹn-mma ṅanrannị w'a chọ achọ bịa. Ọ nọ bịa d'e kunrun Solomọnụ d'e du ẹ ku; wẹ nọ kuchanrịn ihiẹn ile okpoho hụ chọ nị wẹ ku oku ẹ.

Ndị-nze Nke Ẹbụọ 8:9

Ya Hazaẹlụ nọ jẹnmẹ d'e kunrun Ẹlaịsha, o buhụ ihiẹn ichẹn-ichẹn rị mma rị alị Damaskọsụ o bujẹnkọn'a; anyịnyan mkpukpuke ọgụnnaị k'o gi bu wẹ. Ọ nọ banye, sị a, “Nwa ị wụ Bẹn-Hadadị eze Aram zi m d'a jụ kẹ n'ọ dịnhịn emuni rị a kụn'a ra ọ dịnhịnkọ?”

Ihiẹn Mẹni Nke Ibuzọ 1:33

Ikẹnnyẹ Midianị mụ wụ Efa, Ẹfẹ, Hanọkụ, Abida lẹ Ẹl'daa. Kẹtura mụ uwẹ ile.

Ihiẹn Mẹni Nke Ẹbụọ 9:1

Ogẹn okpoho wụ eze Shẹba gi nụ otiti Solomọnụ, ọ nọ bịa Jerusalẹm d'e gi ajụjụ zeni lele Solomọnụ. O gi okẹn ọghọ bịa, ya lẹ anyịnyan-mkpukpuke o gi buhẹ ihiẹn ichẹn-ichẹn e shin ọhụnma, goru bugbu enwẹn ẹ ọda lẹ ọmụma e gbukeni rị ichẹn-ichẹn w'a chọ achọ. O ru ebahụn, ya lẹ Solomọnụ nọ kuchanrịn oku ihiẹn ile rị a obi.

Ẹbụ-ọma 67:4

Alị ichẹn-ichẹn wẹ ghọghọma, wẹ yimẹ oro ịghọghọ, makẹni y'e kin alị ile ikpe kụrụ ọtọ, e du alị ile rị elu-ụwa. Sẹla

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Ẹbụ-ọma 72:15

Eze ya tọ. Wẹ ye ẹ goru alị Shẹba; wẹ mẹmẹn'ẹ ekpere ogẹn ile; wẹ gọzimẹ ẹ uhinhin lẹ efinaị.

Azaya 30:6

Lee ihiẹn Osolobuẹ ku banyeni anụmanụ ndị rị alị-ọkpọnkụn Nẹgẹvụ: Alị ọkpọ-nkụn hụ afụnfụn lẹ nsọngbu rị, alị okẹn-ẹwọrọ lẹ onyẹnnyẹ-ẹwọrọ rị, alị ẹjụ-alị lẹ eje-agwọ ichẹn-ichẹn jun — ịya kẹ ndị ụkọ wẹ zi fetuchanrịn — wẹ lẹ ihiẹn bugbu enwẹn ẹ ọda wẹ bu elu jaki lẹ ihiẹn ndị rị mkpa wẹ bu elu anyịnyan-mkpukpuke, hụn wẹ bujẹnkọnị ndị alị ahụn nwọnlẹni erere o k'a bannị wẹ,

Azaya 42:10

Bụnị nị Osolobuẹ ẹbụ ọhụn, gi ni ẹbụ ja a mma ebe ile ụwa ru — kẹ ụnụ ile a gha ohimin kẹ ihiẹn ile rị imẹ ẹ, kẹ alị ndị teni rị mkpẹnrẹn ohimin lẹ ndị ile bi imẹ wẹ.

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 60:9

Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Azaya 61:6

Wẹ k'a kpọ ụnụ ndị nchụn-ẹjan Osolobuẹ, kpọ ụnụ ndị-ọrụn Chuku ẹnyi. Ụnụ k'a gha e ri akụ-lẹ-ụba alị ichẹn-ichẹn, e gidẹ akụ-lẹ-ụba wẹ a nyan isi.

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Izikẹlụ 27:22

“ ‘Ndị-afịa alị Shẹba lẹ Raama te e ṅọnnarịnzịkwọ ị ihiẹn, e gi ihiẹn ile w'e gi e mẹ ihiẹn-oriri a sụọ a kụ ị ụgwọ, lẹ ihiẹn ndị ọzọ nọ kẹ goru lẹzi goru lẹ enwẹn ẹ.

Zẹfanaya 3:10

Ghakwọrị alị ndị teghafe Iyi ndị rị alị Kushi kẹ ndị nke m — ụmụ ndị nke m te feyịyanị k'a gha e wẹhẹni m oyiye.

Zẹkaraya 14:16

Omẹgụ, ndị wẹ gbuhọdụ imẹ alị ile lụsọn Jerusalẹm agha e jẹnmẹ Jerusalẹm ahụa-ahụa d'e fe Eze, Osolobuẹ ihiẹn ile rị okpuru ẹ, lẹni wẹ d'e mẹ mmẹmmẹ Ibi-imẹ-ọdụ.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Matiu 2:11

A banye wẹ imẹ ụlọ ahụn, hụn nwata hụ lẹ nnẹ ẹ wụ Meri, wẹ nọ kụnị nwata hụ isi-alị. Ya wẹ nọ kpọpụ ẹkpẹti wẹ buche ihiẹn rị mma, ye ẹ goru lẹ frankisẹnsị lẹ maa.

Ndị Rom 15:9

ọ bịazị d'a wụrụ odibo ndị wụlẹni ndị Ju kẹni ọ ghọsị wẹ omikẹn Osolobuẹ, gi ẹ wẹhẹni Osolobuẹ ọjịja-mma. Ẹrịra kẹ Ẹkụkwọ-nsọ ku ẹ, sị, “Makẹ ufiri ẹ, m k'a ja ị mma imẹ igunrun ndị alị ọzọ; m k'e gi ẹbụ ja ẹfan ị mma.”

Ditrọnọmi 32:43

Alị ndị ọzọ rị ichẹn-ichẹn, sọn ni ndị nke ẹ ghọghọ, makẹni o jẹnkọ d'e mẹgwarị ndị gbu idibo ẹ; o jẹnkọ d'e mẹgwarị ndị-iṅẹnrẹn ẹ, mẹ ihiẹn gi gbarị alị a lẹ ndị nke ẹ.

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Ndị Han Eṅẹn 6:5

Wẹ lalanị, e kpọnhẹn wẹ anụ wẹ lẹ ụlọ w'a kpụkpọrị, e ruhẹ wẹ kẹ igurube. Kẹ wẹ kẹ anyịnyan-mkpukpuke wẹ onwọnni hụn w'a s'ẹka a gụn; wẹ banhan alị hụ, e ripụ wẹ ihiẹn ile rịn'a.

Ndị Han Eṅẹn 7:12

Ogẹnni ndị Midianị lẹ ndị Amalẹki lẹ ndị ọzọ ile bizi ibe ọwụwa-ẹnyanwụn kpụjun imẹ ọdanmgbugbu hụ rịkẹ igurube; anyịnyan-mkpukpuke wẹ e jun kẹ ẹjan rị mkpẹnrẹn ohimin — ẹlẹ hụn w'a a gụn.