Azaya 60:3 - Ika

³ Ndị alị ichẹn-ichẹn k'a bịa d'e kunrun ụnụ yeni ukpẹ ụnụ; ndị-nze k'a bịa d'e kunrun ụnụ makẹni eki e fọnpụgụọnị ụnụ.

Azaya 60:3 ပူးပေါင်းရင်းမြစ်များ

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 102:16

Makẹni, Osolobuẹ k'a tụndọnzi Zayọnụ; o k'a ghọsị ọghọ a.

Ẹbụ-ọma 102:22

ogẹn hụ ndị alị ichẹn-ichẹn lẹ alị-eze ichẹn-ichẹn k'e gi bịagbama d'e fe Osolobuẹ ofufe.

Ẹbụ-ọma 138:4

Euu Osolobuẹ, ndị-nze ile rị elu-ụwa wẹ ja ẹfan ị mma, makẹni a nụgụọ wẹ ihiẹn i gi ọnụ ị ku.

Ẹbụ-ọma 2:10

Ụnụ ndị-nze, nwọnrinkwọ nị nwan uche; ụnụ ndị ọkịkị rị elu-ụwa, a gwagụọkwọ wẹ ụnụ!

Ẹbụ-ọma 22:27

Ndị rị ebe ile rị elu-ụwa jẹnkọ d'a nyanhan, femẹ Osolobuẹ; ndị alị ile rị ichẹn-ichẹn k'e fe ẹ.

Ẹbụ-ọma 68:29

Ndị-nze k'e buhẹn'i oyiye wẹ gi a gbaye i imẹ Ụnọ-NSỌ ị rị Jerusalẹm,

Ẹbụ-ọma 72:11

Ndị-nze ile wẹ kpọn'a isi alị; alị ile wẹ fe ẹ.

Azaya 11:10

Ogẹn hụ, Mkpọgụn Jese ahụn jẹnkọ d'e suepụhanị k'a wụrụnị alị ichẹn-ichẹn ahịma wẹ tumẹni wẹ hụn w'e gi e dọn ẹnya; ndị alị ichẹn-ichẹn jẹnkọ d'e buruhẹ ẹ, ebe o bi jẹnkọ d'e nwọn ọghọ ọda-ọda.

Azaya 42:6

ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Azaya 49:12

Lee ẹ, ndị nke m k'a ghasọnmẹ ebe teni kinhẹn: ụfọdụ k'a gha ẹbamịn-ugu kinhẹn, ụfọdụ a gha ẹbamịn ọdịdan-ẹnyanwụn, ụfọdụ a ghaha ẹgbẹrẹ Aswanị rị alị Ijiptu.

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 56:8

Di-nwọnni-ẹnyi wụ Osolobuẹ, onyẹ hụn rị e welụa ndị Izrẹlụ wẹ kpụnshi alị ndị ọzọ, sị, “M k'e welụazị ndị ọzọ cheni wẹ, cheni ndị m welụagụ.

Azaya 60:10

Itumunyẹ k'a tụndọnzidẹ mgbọn ụnụ; ndị-nze wẹ k'a wụ ndị ọrụn ụnụ. E te giọlẹ m olulu mẹ ụnụ ihiẹn, kanị, m jẹnkọ nwan d'e lee ụnụ ẹnya rị mma, mẹ omikẹn ụnụ.

Azaya 60:16

Alị-eze ichẹn-ichẹn k'e mẹdẹ ụnụ kẹ ụmụ wẹ rị e ye ẹran; ndị-nze k'e mẹni ụnụ kẹ ụmụ rị a ra ẹran, ụnụ e gi ẹ marịn nị mmẹ, Osolobuẹ, wụ Onyẹ hụn a zụọpụhanị ụnụ, Onyẹ mgbapụha ụnụ, Dikẹn ebọn Jekọpụ.

Azaya 62:2

Alị ndị ọzọ k'a hụn n'ọ rịgụọn'ị mma; ndị-nze ile k'a hụn ọghọ ị. Wẹ k'a kpọma ị ẹfan ọhụn hụn Osolobuẹ k'e gi ọnụ a gụn ị.

Azaya 66:12

Makẹni Osolobuẹ sị, “Lee n'ẹ, m k'e mẹ ihiẹn rịchanrịnnị Jerusalẹm mma kẹ mirin dọn e jun iyi; e mẹ m ẹfe (akụ-lẹ-ụba) alị ichẹn-ichẹn jun ẹ nọkẹ okẹn-mirin. Ụnụ k'a ra ẹran a, ọ parị ụnụ ẹka, pa ụnụ che ọgbọdọgbọ.

Emọsụ 9:12

kẹni wẹ nwọnrin ndị ile họdụ imẹ alị Ẹdọm lẹ alị ndị ọzọ ile k'a za ẹfan m.” Osolobuẹ hụn k'e mẹ ihiẹnni e kugụọ a.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Matiu 28:19

Jẹnmẹ ni nwan d'e mẹ ndị alị ile rị ichẹn-ichẹn wụrụ ndị e sọnni m; e gi ni ẹfan Nẹdi lẹ Nwa lẹ Mmọn-nsọ e mẹ wẹ mirin-Chuku.

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Jọnụ 12:32

Mmẹ nwẹn, ogẹn w'e gi gha alị weshi m elu, m jẹnkọ d'a dọrị ịhịan ile.”

Ọrụn Ndị-ozi 13:47

Makẹni ya kẹ Di-nwọnni-ẹnyi sị ẹnyi mẹ: ọ sị, ‘E tumẹgụọ m ụnụ nị ụnụ wụrụ ukpẹ ndị alị ọzọ, kẹni ụnụ wẹhẹ nzụọpụha ebe ile rị elu ụwa.’ ”

Ọrụn Ndị-ozi 15:17

kẹni ndị ile họdụnị hụn ụzọ bịa d'e kunrun Di-nwọnni-ẹnyi — kẹ ndị alị ọzọ ile m k'a kpọ d'a za ẹfan m. Ya kẹ Di-nwọnni-ẹnyi hụn mẹ wẹ

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 21:24

Ukpẹ obodo ahụn kẹ alị ile k'a rị e gi e legha ụzọ, ndị-nze ụwa k'e wẹhẹsọnmẹ ihiẹn wẹ gi nwọn ọghọ imẹ obodo ahụn.