Azaya 60:1 - Ika

¹ Lihi ọtọ n'i nwunmẹ, nị ukpẹ i a bịagụọ — ọghọ Osolobuẹ a pụhaọlẹ ebe ị rị.

Azaya 60:1 ပူးပေါင်းရင်းမြစ်များ

Ẹbụ-ọma 102:16

Makẹni, Osolobuẹ k'a tụndọnzi Zayọnụ; o k'a ghọsị ọghọ a.

Ẹbụ-ọma 87:3

Obodo Chuku, Chuku e kugụọ ihiẹn rịgbu enwẹn ẹ mma banyen'i! Sẹla

Azaya 2:5

Izrẹlụ wụ ikpụlọ Jekọpụ, nị ẹnyi gi ni ukpẹ Osolobuẹ e bi.

Azaya 24:23

Ifẹnrẹn anịkọ ifọn ti, ụya anịkọ anwụn mụ; makẹni Osolobuẹ nwọn ikẹn ile k'a rị a kị; Ugu-Zayọnụ, imẹ Jerusalẹm, k'o k'a nọ kị ọkịkị hụn k'a ghọsị ọghọ a idẹnya ndị-isi Jerusalẹm.

Azaya 28:5

Ogẹn hụ, Osolobuẹ ihiẹn ile rị okpuru ẹ jẹnkọ d'a wụ okpu-eze nwọn ọghọ — ihiẹn-mma hụn wẹ gi tu ndị nke ẹ k'a họdụnị ugọn.

Azaya 35:2

O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi.

Azaya 4:5

Ogẹn ahụn, Osolobuẹ k'a rị e gi orukpu lọtọ kẹ ẹnwụnrụn e kpumẹ Ugu Zayọnụ ebe eki rị elu, ya lẹ ndị ile zu ebahụn, e gi ọkụn rị e nwunni e kpumẹ wẹ imẹ uhinhin. Ọghọ wẹ ile sikọ d'e nwọn okpukpu.

Azaya 42:6

ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 58:8

I mẹ ẹrịra, ukpẹ i e nwunrun kẹ eki-ụtụntụn, y'a dịnhịnkẹnrin emu i; ezi-omumẹ i e buruni i ụzọ, ọghọ rị Osolobuẹ ẹhụ a kpanrịnn'ị azụụn e che i nche.

Azaya 62:1

Makẹ Ọrịrịmma Zayọnụ, agbakọ m nkịtịn; makẹ Ọrịrịmma Jerusalẹm, ekpumẹkọ m ọnụ — d'e runi ihiẹn a rịn'a mma hụn pụha ifọn; d'e runi nzụọpụha a e nwunrun kẹ ukpẹ-ọwa.

Azaya 62:2

Alị ndị ọzọ k'a hụn n'ọ rịgụọn'ị mma; ndị-nze ile k'a hụn ọghọ ị. Wẹ k'a kpọma ị ẹfan ọhụn hụn Osolobuẹ k'e gi ọnụ a gụn ị.

Azaya 66:11

Makẹni ụnụ k'a ra ẹran, rajun ẹfọ, ẹran a hụn wẹ gi a hụhụ ịhịan kẹ nwa; ụnụ k'a ra a ọda-ọda, ẹran a hụn a gba ọda-ọda a sụọgbu ụnụ.”

Azaya 9:2

ndị hụn rị a gha imẹ ishi k'a hụn okẹn ukpẹ; ukpẹ k'e nwunkpu ndị bi alị onyinyọn ọnwụn.

Izikẹlụ 43:4

Ọghọ Osolobuẹ nọ gha ọnụ-mgbọn bu ihun zinmẹ ẹbamịn ọwụwa-ẹnyanwụn banhan ụlọ-nsọ.

Malakaị 4:2

“Kanị, anwụn ihiẹn gi a rị mma sikọ d'a wanị ụnụ ile hụn a gbayeni m; o k'e bu nzụọrị ẹka-nku fehẹ, ụnụ a pụha, tụshimẹ elu nọkẹ ụmụ-efin wẹ kpọpụnị ụzọ!

Matiu 4:16

Ndị bi imẹ ishi a hụnọlẹ okẹn ukpẹ; ukpẹ e nwunmẹgụọnị ndị bi ebe ọnwụn nọ a kpọ wẹ ihun.”

Matiu 5:16

Ẹrịra kẹ ụnụ k'a nịzị ukpẹ ụnụ e nwun hụn ịhịan e legha, kẹni wẹ a hụn ọrụn-ọma ụnụ, e gi ẹ a ja Nẹdi ụnụ rị elu-igwee mma.

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Jọnụ 1:9

Onyẹ hụn wụ Ezigbo Ukpẹ hụn e ye ịhịan ile ukpẹ lala imẹ ụwa ogẹn ahụn.

Jọnụ 12:46

M bịa imẹ ụwa d'a wụ ukpẹ kẹni, onyẹ kwerinini m, ọ rịkọ imẹ ishi.

Jọnụ 3:19

Ọnwan kẹ wẹ gi hangbu wẹ eṅẹn: nị ukpẹ a bịagụọ imẹ ụwa, kalẹ ishi a ka ịhịan a sụọ karị ukpẹ, makẹni eje-ihiẹn kẹ w'e mẹ.

Jọnụ 8:12

Ya kẹ Jizọsị nọ sịzị ndị ahụn o te rị a kuzi, “Mmẹ wụ ukpẹ ụwa. Onyẹ rị e sọnni m aghakọ imẹ ishi, kama, o sikọ d'e nwọn ukpẹ ahụn e ye ndụn.”

Ndị Ẹfẹsọsụ 5:14

makẹni ukpẹ nwunkpuhụ ihiẹn, o họnrin ukpẹ. Ya haịn Ẹkụkwọ-nsọ gi sị, “Onyẹ-ụran, tẹnhin! Gha ọnwụn lihi, kẹni Kraịstị nwunkpu i.”

Ndị Ẹfẹsọsụ 5:8

Makẹni, ụnụ te rị imẹ ishi, kanị hụnnị ụnụ rị imẹ Di-nwọnni-ẹnyi, ụnụ wụ ukpẹ; e bi ni nwan kẹ ụmụ ukpẹ,

Ndị Filipi 2:15

kẹni ụnụ wụrụ ndị nwọnlẹni nkọrịanị, ndị ẹka wẹ rị ọchan; ụmụ Osolobuẹ obibi wẹ nwọnlẹni ntụpọ hụn bi imẹ eje-agbọ zinrinlẹni, e nwun, e ke, imẹ ụwanị kẹ kokisẹ.

Pita Ibuzọ 4:14

Wẹ kpari ụnụ makẹni ụnụ rị a za ẹfan Kraịstị, ngọzi rọ: ya wụ nị ọghọ Mmọn nsọ Osolobuẹ rị ụnụ ẹhụ.

Rẹvẹleshọnụ 21:11

Ọghọ Osolobuẹ rị a ẹhụ, ọ hụ e be nwaịn-nwaịn kẹ ihiẹn-mma ndị ahụn a kọnị, lekẹ akpụrụ jaspa, ọ hụ e nwun zaị.

Rẹvẹleshọnụ 21:23

Obodo hụ achọnị ukpẹ ẹnyanwụn mọbụ ifọn, makẹni ọghọ Osolobuẹ wụ ukpẹ ẹ, Nwa-ebulu ahụn wụ ukpẹ-ẹka a.

Rẹvẹleshọnụ 22:5

Eki egikọzị; achọkọzị wẹ ukpẹ-ẹka mọbụ ukpẹ ẹnyanwụn, makẹni Di-nwọnni-ẹnyi wụ Osolobuẹ jẹnkọ d'a wụ ukpẹ wẹ. Wẹ k'a kị jẹnrin ejẹn.