Azaya 6:4 - Ika

⁴ Olu ẹ hụ e mẹhunmẹ Ọnụmụzọ Ụlọ-nsọ hụ; ẹnwụnrụn e jun imẹ Ụlọ-nsọ.

Azaya 6:4 ပူးပေါင်းရင်းမြစ်များ

Ihiẹn Mẹni Nke Ẹbụọ 5:13

Ndị rị e gbu opi lẹ ndị ọkụ-ẹbụ nọgbama, e gi olu ohu a ja Osolobuẹ mma, a kpanmịn a, e gi opi lẹ kpajaị lẹ ihiẹn-egu ndị ọzọ a kpọ egu, e weshi olu elu a ja Osolobuẹ mma, a bụ ẹbụnị: “Ọ rịka mma; ihiẹn-ọsụsụọ a rị jẹnrin ejẹn.” Ogẹn hụ kẹ orukpu gi jun Ụlọ-nsọ Osolobuẹ,

Ẹbụ-ọma 18:8

Ẹnwụnrụn hụ a gha a oghoro imi a lọpụha; ọkụn hụn a dụnnị hụ a gha a ọnụ a pụha; ikeke-ọkụn hụ a gha a tụpụha.

Ọpụpụ 40:34

Ya kẹ orukpu nọ kpumẹ Ọdụ-ozuzu, ọghọ rị Osolobuẹ ẹhụ e jun Ọdụ nsọ.

Izikẹlụ 1:24

Wẹ ghakọnị, m hụ a nụ kẹ ẹka-nku wẹ rị a zụn ụzụn lekẹ okẹn mirin rị e huni, nọkẹ olu Onyẹ Ahụn Nwọn ikẹn ile, rịkẹ ụzụn ndị-agha zụnghafekọnị. Ihiẹn ndị hụ rị ndụn kụsị, e shikpumẹ wẹ ẹka-nku wẹ.

Izikẹlụ 10:5

Nku ndị chẹrobu hụ a han ọda-ọda, hụn w'a nụdẹ ezi-ọgwa ibuzọ — ọ nọ kẹ olu hụn Chuku nwọn ikẹn ile gi e ku oku.

Izikẹlụ 41:16

kẹ amanran-ụzọ lẹ windo kẹ ẹhụ-ụlọ ile, osisi kẹ wẹ gi makwama wẹ. Oghe arị windo ndị ahụn, uvun kẹ wẹ wụ.

Izikẹlụ 44:4

Ya okẹnnyẹ hụ nọ we m gha ọnụ-mgbọn bu ihun zinmẹ ẹbamịn-ugu, ẹnyi nọ ghahunmẹ, pụha ihun Ụlọ-nsọ. E lee m ẹnya, m nọ hụn a nị ọghọ Osolobuẹ e jungụọ Ụlọ Osolobuẹ! M nọ bu ẹfọ mama alị.

Emọsụ 9:1

M hụn Osolobuẹ ebe o wuzo ẹhụ ukpo nchụn-ẹjan. Ọ nọ sị, “Gi ihiẹn fịansọnmẹ isi-adansụn ndị rị ihun Ụlọ-nsọ, d'e ru ni ọnụmụzọ e mẹhunmẹ. Mẹ wẹ dankpọsọnmẹ isi ndị alịnị ile; e gi m ọpịa-agha gbu ndị họdụnị; onwọnni onyẹ m k'a nị gbapụ, onwọnni onyẹ m k'a nị wanahịn.

Rẹvẹleshọnụ 11:19

Ya kẹ Ụlọ-NSỌ Osolobuẹ nọ gụnpụ imẹ elu-igwee: e lee Ẹkpẹti-nkwerigbama Osolobuẹ ebẹhụ. Amụma nọ besọnmẹ, igwere nọ dẹnsọnmẹ, akpara nọ hansọnmẹ; alị nọ zinzin, ẹkwan-igwere nọ dan ọda-ọda.

Rẹvẹleshọnụ 15:8

Ẹnwụnrụn e jun ụlọ-nsọ hụ yeni ọghọ rị Osolobuẹ ẹhụ lẹ ikẹn Osolobuẹ; onwọnzini onyẹ saẹka banye Ụlọ-nsọ hụ d'e ru nị eje-afụnfụn ẹsa ahụn ndị mmọn-ozi ẹsa ahụn gi e bi.