Azaya 6:2 - Ika

² Ndị mmọn-ozi w'a kpọ Sẹrafụ rịsọnmẹ elu ibe isi ẹ; wẹ nwọnsọnmẹ nku isin-isin: wẹ gi ẹbụọ-ẹbụọ kpumẹ ihun wẹ, gi ẹbụọ-ẹbụọ kpumẹ ụkụ wẹ, gizi ẹbụọ-ẹbụọ e fe.

Azaya 6:2 ပူးပေါင်းရင်းမြစ်များ

Jẹnẹsisi 17:3

Ya kẹ Ebram nọ gbuni Chuku osekpu. Chuku nọ sị a,

Ndị-nze Nke Ibuzọ 19:13

Ẹlaịja a nụ olu hụ, ọ nọ dọ ẹwuru ẹ kpumẹ ihun, jẹn d'e wuzo ọnụ okporo hụ. Idẹnmizi, olu ohu nọ sị a, “Ẹlaịja, k'ị rị ebeni e mẹ?”

Ndị-nze Nke Ibuzọ 22:19

Ya Maịkaya nọ kumẹzi, sị, “Gọn nwan ntịn n'ị nụ ihiẹn Osolobuẹ ku. M hụn kẹ Osolobuẹ nọdị elu ukpo eze ẹ, ndị mmọn-ozi ile rị elu-igwee turuhunmẹ ẹ ẹka-ihiẹn lẹ ẹka-ekpẹn.

Ndị-nze Nke Ibuzọ 6:24

Usue ẹka-nku ẹbụọ chẹrobu ibuzọ imẹ wẹ wụsọnmẹ ụbụkụ ẹsa lẹ mkpikpi, ụbụkụ ẹsa lẹ mkpikpi; gha ọnụnụ ẹka-nku ẹ ohu d'e ru ọnụnụ nku ẹ hụn ẹbọ wụ ụbụkụ mmisẹn.

Ndị-nze Nke Ibuzọ 6:27

Mmughẹ hụ rịchanrịn imẹ-imẹ Ụlọ-nsọ hụ k'o buche chẹrobu ẹbụbụọ hụ; wẹ ẹbụbụọ shịapụ ẹka-nku. Nku chẹrobu ohu mẹtụ ẹhụ-ụlọ azụụn ohu, nku chẹrobu hụn ẹbọ mẹtụ ẹhụ-ụlọ azụụn hụn ẹbọ, nku wẹ ẹbụbụọ a nọ ahanmahan mmughẹ hụ mẹtụ.

Ndị-nze Nke Ibuzọ 8:7

Nku chẹrobu ndị hụ shịapụ elu Ẹkpẹti hụ, Ẹkpẹti hụ lẹ ẹgbe ndị wẹ gi e bu ẹ hụ okpuru nku ndị hụ.

Nehemiah 9:6

“Ịyụ sụọ wụ Osolobuẹ: Ịyụ ke elu-igwere, k'o jẹnhanlẹ elu — ya lẹ kokisẹ ile rịn'a; ịyụ kezikwọ ụwa lẹ ihiẹn ile rị imẹ ẹ lẹ ohimin ile lẹ ihiẹn ile rị imẹ wẹ. Ịyụ ye wẹ ile ndụn; ndị ile rị elu-igwee e fe i efe.

Jobu 1:6

Ụhụọhịn ohu, ndị mmọn-ozi pụha ihun Osolobuẹ, Ekwensụ nkẹ nọ bịa imẹ igunrun wẹ.

Jobu 15:15

Omẹni Chuku egini ndị mmọn-ozi nsọ a dọn ẹnya; omẹni igwere lẹ enwẹn ẹ enwundẹni ẹnya a,

Jobu 4:18

Omẹni Chuku egini idibo ẹ dọn ẹnya; omẹni ndị mmọn-ozi ezun'ẹ oke ẹnya —

Ẹbụ-ọma 103:20

Ja nị Osolobuẹ mma, ụnụ ndị mmọn-ozi ẹ wụ ndị dikẹn, hụn e mẹ ihiẹn ọwụlẹ o ku, ihiẹn ọwụlẹ wẹ nụ ọnụ a.

Ẹbụ-ọma 104:4

Y'e gi ufere e họnrin ndị-ozi i, e gi ọkụn rị e nwunni e họnrin ndị-ọrụn ị.

Ẹbụ-ọma 18:10

Chẹrobu k'o nyin, fehẹ, ufere buhẹ ẹ ozigbo-ozigbo lekẹ ẹka-nku.

Ẹbụ-ọma 89:7

Chuku w'a tụ egun ẹ imẹ ozuzu ndị mmọn-ozi k'ọ wụ, ịya ka ndị ile nọhunmẹn'ẹ mgbaye e nwọn.

Ọpụpụ 25:20

Nku chẹrobu ndị ahụn k'e shi elu, shịakpu okun ẹkpẹti ahụn. Wẹ k'e chetarị ihun, wezi ihun kọma okun ahụn.

Ọpụpụ 3:6

Ọ nọzị sị Mozizi, “Mmẹ wụ Chuku nẹdi i fe, Chuku Ebraham, Chuku Aziki lẹ Chuku Jekọpụ.” Ogẹn Mozizi gi nụ ihiẹnni, ọ nọ kpukin ihun ẹ, makẹni egun anịn'a bu ẹnya zinmẹ Osolobuẹ.

Ọpụpụ 37:9

Ihiẹn ndị ahụn nwọn nku kishi nku elu, shịakpu okun ahụn w'a nọ a gbarị isi. Wẹ ẹbụbụọ chetarị ihun, we ihun kọma okun Ẹkpẹti-nkwerigbama hụ.

Azaya 6:6

Ya mmọn-ozi ohu imẹ wẹ nọ fehẹ, o gihụ ikeke-ọkụn o gi akpa weri elu ukpo nchụn-ẹjan.

Izikẹlụ 1:11

Ẹrịra kẹ ihun wẹ nọsọnmẹ. Ẹka-nku wẹ ile shi elu. Onyẹ-onyẹ nwọn ẹka-nku ẹbụọ-ẹbụọ rị e mẹtụ nke ibe ẹ lẹ ẹbụọ-ẹbụọ kpumẹ ẹ ẹhụ.

Izikẹlụ 1:24

Wẹ ghakọnị, m hụ a nụ kẹ ẹka-nku wẹ rị a zụn ụzụn lekẹ okẹn mirin rị e huni, nọkẹ olu Onyẹ Ahụn Nwọn ikẹn ile, rịkẹ ụzụn ndị-agha zụnghafekọnị. Ihiẹn ndị hụ rị ndụn kụsị, e shikpumẹ wẹ ẹka-nku wẹ.

Izikẹlụ 1:4

E lee m ẹnya, m nọ hụn okẹn ufere gha ẹbamịn-ugu kpọla lẹ okẹn orukpu. Ọkụn hụ a gha imẹ orukpu hụ e nwunpụha, ukpẹ hụ e nwunhunmẹ ẹ. Ihiẹn nọ kẹ igwe rị e be nwanran-nwanran hụ etintinnaị ọkụn hụ.

Izikẹlụ 1:6

kanị wẹ ẹnịnọ nwọnsọnmẹ ihun ẹnọ-ẹnọ lẹ ẹka-nku ẹnọ-ẹnọ.

Izikẹlụ 1:9

Ẹka-nku onyẹ-onyẹ hụ e mẹtụ nke ibe ẹ. W'a ra hutọ, makẹni ihun rị onyẹ-onyẹ azụụn ọwụlẹ wẹ jẹnkọ.

Izikẹlụ 10:16

Kẹ chẹrobu ndị hụ buli, wili ndị ahụn rị wẹ ụsụọ e buli elu; kẹ chẹrobu ndị hụ shịapụ ẹka-nku nị wẹ gha akpakalị shi elu, wili ndị hụ aghakwọnị wẹ ụsụọ pụ;

Izikẹlụ 10:21

Wẹ ẹnịnọ nwọnsọnmẹ ihun ẹnọ-ẹnọ lẹ ẹka-nku ẹnọ-ẹnọ; ihiẹn nọkẹ ẹka ịhịan rịchanrịn wẹ ile okpuru ẹka-nku.

Daniẹlụ 7:10

Iyi nọ kẹ ọkụn hụ e hu — a gha ebe onyẹ hụ dịnọ ukpo hụ rị a pụha. Mmadụ nnụ-uku ole-lẹ-ole hụ e jẹnn'ẹ ozi; ijẹri ole-lẹ-ole rị ihun ẹ e che. Ọgwa e zugụọ nị wẹ kinmẹ ikpe, wẹ nọ shịapụsọnmẹ ẹkụkwọ.

Daniẹlụ 9:21

hụn ahụn m rịkwọ e mẹ ekpere, Gebrẹlụ, okẹnnyẹ ahụn m hụn imẹ ọhụn m isi ibuzọ nọ pụha ọpụha a tụ egun; ibẹka ogẹn wẹ gi a chụn ẹjan ẹnyasị k'o gi pụha.

Zẹkaraya 3:4

Mmọn-ozi ahụn nọ sị ndị turu ihun ẹ, “Gbụpụ n'a ẹkwa ndị hụ ru unyin.” Ọ sị Joshụa, “Lee ẹ, e wepụgụọ m njọ ị; m jẹnkọ nwan d'e yimẹ i ẹwuru rị mma.”

Luku 1:10

Ndị hụ ile bịa d'e fe ofufe rị ihun-ezi e mẹ ekpere ogẹnni wẹ gi a mụ nsẹnsi.

Hibru 1:7

Nke ndị mmọn-ozi, ihiẹn Osolobuẹ ku wụ nị “Chuku e mẹ ndị mmọn-ozi ẹ e họnrin ufere; o mẹ idibo ẹ e họnrin ọkụn rị e nwunni.”

Rẹvẹleshọnụ 14:6

M nọzị hụn mmọn-ozi ọzọ k'o fekọ imẹ elu. O gi oziọma itẹbitẹ hụn o k'e zi ndị ile bi elu-ụwa — ndị alị ile lẹ ebọn ile lẹ asụsụ ile lẹ ndị ile.

Rẹvẹleshọnụ 4:8

Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”

Rẹvẹleshọnụ 7:11

Ndị mmọn-ozi ile turusọnmẹ ebẹhụ, fihunmẹ ukpo hụ lẹ ndị-isi hụ lẹ ihiẹn ẹnọ hụ rị ndụn; wẹ nọ kụ isi alị, fe Osolobuẹ,

Rẹvẹleshọnụ 8:13

M nọ lee ẹnya elu, hụn ugọn ohu k'o fekọ imẹ elu, yikọ, “Nsọngbu! Nsọngbu! Okẹn nsọngbu jẹnkọ d'a rịnị ndị ile bi elu-ụwa ogẹn ndị mmọn-ozi ẹtọ họdụnị e gi gbu opi ndị họdụnị!”