Azaya 6:13 - Ika

¹³ Ọsụọkwọn'a ohu imẹ iri sụọ họdụ alịnị, wẹ k'a dụn wẹ ọkụn. “Kanị, kẹ okẹn-osisi dọn a latọ mkpọgụn alị wẹ gbutugụ wẹ, ẹrịra kẹ mkpụrụ rị nsọ k'a dọn họdụ alịnị, wụrụ mkpọgụn hụ wẹ latọ.”

Azaya 6:13 ပူးပေါင်းရင်းမြစ်များ

Jẹnẹsisi 22:18

ẹka ụmụ ị kẹ alị ile rị elu-ụwa k'a gha nwọnrin ngọzi wẹ; o k'a rị ẹrịra makẹni y'e mẹọlẹ ihiẹn m ku.”

Ẹzra 9:2

A lụrụgụọdẹ wẹ ikpoho wẹ, lụyezikwọ ụmụ wẹ ikẹnnyẹ — gwọgbama ebọnni rị nsọ lẹ alị ndị ọzọ. Hụn kadẹ njọ wụ nị ndị-ndu lẹ ndị gi ọkwa kadẹ e mẹ eje-ihiẹnni.”

Ẹzra 9:8

“Kanị, Osolobuẹ wụ Chuku ẹnyi e mẹgụọnị ẹnyi nwan ọhụnma ẹkẹrẹ: ebe ọ nọ nị ẹnyi họdụ, mẹ ẹnyi gba mkpọgụn alị ọhụnma-ọhụnma imẹ Ụlọ-nsọ a. Wẹ ile kẹ Chuku ẹnyi gi ye ẹnya ẹnyi ukpẹ legha, mẹ ẹnyi zu ikẹn ẹkẹrẹ imẹ igbọn ẹnyi rị.

Azaya 1:9

Omẹni Osolobuẹ ihiẹn ile rị okpuru ẹ ete latọnịnị ẹnyi ndị ọ latọnị ẹnyi, nkẹ ẹnyi a rịgụọ kẹ obodo Sodọm, nkẹ ẹnyi a nọgụọ kẹ obodo Gomora.

Azaya 11:1

Mkpọgụn Jese họdụ alị k'a gbọrị, mkpọgụn a họdụ alị k'a gbọrị, wapụha agalaba; agalaba hụ k'a mị mkpụrụ.

Azaya 4:3

Wẹ k'a kpọ ndị k'a họdụ imẹ Zayọnụ, imẹ Jerusalẹm, “Ndị rị nsọ”, ndị hụ ile Osolobuẹ detu ẹfan wẹ nị wẹ k'a rị ndụn imẹ Jerusalẹm.

Izikẹlụ 6:8

“Kanị, o nwọnghọ ndị m k'e dọnmẹ ndụn. Ogẹn hụ, ndị ọpịa-agha k'e gbuhọdụ imẹ ụnụ k'a rị alị ndị ọzọ m k'e feyịya ụnụ ye.

Emọsụ 5:3

Di-nwọnni ẹnyi Osolobuẹ e kuọl'a, sị, “Imẹ Izrẹlụ, obodo k'a kịrị ndị-agha nnụ-uku jẹn agha, kanị madụ ọgụn-isẹn sụọ k'a lụaha; hụn kị ndị-agha ọgụn isẹn jẹn agha, madụ iri sụọ k'a lụaha.”

Maịka 5:6

Wẹ k'e gi ọpịa-agha du alị Asiria, alị Nimrọdụ, d'e rudẹ ọnụ-mgbọn ẹ. Eze ẹnyi hụ lalanị jẹnkọ d'a gbapụha ẹnyi ẹka ndị Asiria, omẹni ndị Asiria a banhan alị ẹnyi mọbụ zọdẹ ụkụ ye ẹ.

Zẹfanaya 3:12

M k'a latọnị ụnụ ndị nwọnlẹni ihiẹn wẹ kpọ wẹ lẹ ndị w'e legberi; wẹ k'e gi ẹfan Osolobuẹ dọn ẹnya.

Zẹkaraya 13:8

Osolobuẹ sị: wẹ k'e gbupụ ụzọ ẹbụọ imẹ ụzọ ẹtọ ndị rị alịnị, la ụzọ ohu tọ;

Malakaị 2:15

Ẹlẹ ẹhụ ohu kẹ Osolobuẹ mẹ wẹ wụrụ — o mẹ mmọn a nọdị imẹ ẹ? Kị Osolobuẹ chọkọ o gi mẹ ẹ? O mẹ ẹ kẹni ụmụ ụnụ wụrụ nke Osolobuẹ nkesi. Kpachanpụ nwan ẹnya, amamgbe y'a latọ nwunyẹ-ụtụntụn ị.

Matiu 24:22

Omẹni ebelụanị wẹ ogẹn hụ, onwọnni onyẹ k'a wanahịnnị; kanị, Osolobuẹ k'e gi ufiri ndị Osolobuẹ họrị belụa ogẹn nsọngbu ahụn.

Makị 13:20

Omẹni Di-nwọnni-ẹnyi e te belụanị ogẹn hụ, onwọnni onyẹ sikọ d'a s'ẹka wanahịn. Kanị, o belụagụọ ogẹn hụ makẹ ufiri ndị ọ họrị, ndị nke ẹ.

Ndị Rom 9:5

Ebraham lẹ ndị nẹdi mbụ hụ wẹ marịn amarịn wụ ndị nke wẹ; ebọn wẹ kẹ wẹ mụye Kraịstị nọkẹ ịhịan — Kraịstị hụn wụ Osolobuẹ hụn ịhịan ile lẹ ihiẹn ile rị okpuru ẹ, ịja-mma ya rịn'a jẹnrin ejẹn! Isẹẹ.

Ditrọnọmi 28:62

Ẹkẹrẹ sụọ k'a họdụ imẹ ụnụ ile bu nwan ọda kẹ kokisẹ igwere, makẹni ụnụ egọnni Osolobuẹ wụ Chuku ụnụ ntịn.

Ditrọnọmi 7:6

Makẹni ụnụ wụ ndị rị nsọ ẹnya Osolobuẹ wụ Chuku ụnụ. Imẹ ndị ile rị elu-ụwa, ụnụ kẹ Osolobuẹ họrị nị ụnụ wụrụ ndị nke ẹ pụ-ichẹn.