Azaya 59:9 - Ika

⁹ Ya haịn Osolobuẹ gilẹni a tụnị ẹnyi ụya; ya haịn ihiẹn te furu n'o ru ẹnyi ẹka gilẹni e ru ẹnyi ẹka. Ẹnyi hụ a chọ ukpẹ, kanị ishi kẹ ẹnyi rị nwan a hụn; ẹnyi hụ e lee ẹnya nị eki fọnni ẹnyi, kanị imẹ ẹkpa-ishi kẹ ẹnyi rịkwọ nwan a gha.

Azaya 59:9 ပူးပေါင်းရင်းမြစ်များ

Jobu 19:8

O gbukingụọ m ụzọ makẹ m'a s'ẹka gha; o mẹgụọ ụzọ m gba ishi.

Jobu 30:26

Kanị a tụ m ẹnya ihiẹn rị ọma, eje-ihiẹn a bịa; e lee m ẹnya nị ukpẹ bịa, ya kẹ ishi nọ bịa.

Ẹbụ-ọma 82:5

Ụnụ amarịn ihiẹn, ụnụ enwọn nghọta, ụnụ rị a wahunmẹ imẹ ishi, elu-ụwa e mẹ zizizi.

Itẹn 4:19

Ụzọ ndị njọ nọ kẹ ẹkpa-ishi; w'a ra marịn ihiẹn ụkụ wẹ kpọgburu.

Azaya 5:30

Ụhụọhịn hụ, wẹ k'e yi Jerusalẹm oro kẹ ẹwọrọ, oro hụn nọ kẹ ebe ohimin rị a zụn ụzụn. Onyẹ lee alịnị ẹnya ogẹn ahụn, ọ hụn ishi lẹ ụya; igwere k'e gitọ, kpumẹdẹ ukpẹ.

Azaya 59:11

Ẹnyi hụ e dẹn kẹ eje-anụ, e yi oro kẹ nduru; ẹnyi hụ e che nị Osolobuẹ tụnị ẹnyi ụya, ọ tụnịnị ẹnyi; ẹnyi hụ e che nzụọpụha ẹnyi, kanị nzụọpụha aridẹni nsue.

Azaya 59:14

Wẹ ile kẹ ẹnyi gi chụkin ezigbo eṅẹn azụụn, a chụzụka ezi-omumẹ; ezioku nkẹ hụ a lụ ọnwụn ọgbara-ogbe, ihiẹn kụrụ ọtọ ara s'ẹka banhandẹ ọgwa.

Azaya 59:8

Amarịn wẹ ihiẹn udọn wụ; mmẹgbu kẹ wẹ gi marịn wẹ; ụzọ nkikọn kẹ w'a gha — onwọnni onyẹ a gha ụzọ wẹ obi e ru alị.

Azaya 8:21

Wẹ k'a rị imẹ afụnfụn lẹ ẹgụn, a wahunmẹ imẹ alịnị; ẹgụn gụnbe wẹ, e weshi wẹ ẹnya elu, kpọ eze wẹ lẹ Chuku wẹ iyi.

Azaya 8:22

Wẹ lee ẹnya alị, a hụn wẹ nsọngbu lẹ ishi lẹ eje-ụya sụọ — a tụ wẹ wẹ ye imẹ ụya hụ.

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Jerimaya 14:19

Y'a jụchanrịngụọdẹ nwan alị Juda ra ize Zayọnụ rị e zen'i agụkọdẹ? K'ị rụnị ẹnyi eje-ẹhụnị jẹnkọlẹni d'a nị zụọ? Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi a hụn.

Jerimaya 8:15

Ẹnyi hụ a tụ ẹnya nị ihiẹn rị mma, kanị ihiẹn rị mma abịanị; ẹnyi hụ a tụ ẹnya nzụọrị, kanị ihiẹn-egun kẹ ẹnyi rị a hụn.

Ẹkwan 3:2

O chụpụgụọ m, mẹ ghasọnmẹ imẹ ishi ẹlẹzi imẹ ukpẹ;

Ẹkwan 4:14

Wẹ rị nwan ọgbara ogbe a sụọ ishi nọkẹ ndị ẹnya-ishi. Ẹdeke ndị wẹ gbu e mẹrụchanrịngụọ wẹ, onwọnni onyẹ egun a nị mẹtụdẹ ẹwuru wẹ ẹka.

Emọsụ 8:9

Di-nwọnni-ẹnyi wụ Osolobuẹ sị, “O ru ogẹn hụ, m k'e mẹ anwụn dan ogẹn efinaị, mẹ ọhịhị gba elu-ụwa ebe eki rị elu.

Maịka 1:12

Uhue e d'e huegbu ndị bi Marọtụ, ebe wẹ rị e ro kẹ w'a dọn hụn isi, yeni nsọngbu Osolobuẹ zila ọnụ-mgbọn Jerusalẹm!

Habakọkụ 1:13

Ịyụ, hụn rịkẹnmẹ ọchan, hụn ghalẹni e gi ẹnya e legha eje-ihiẹn, onyẹ ghalẹni e gi ihiẹn furulẹni e mẹ ẹhụ. K'ị shịapụnị nwan ẹnya e lee ndị ghẹrẹ-ghẹrẹ-ghẹrẹ? K'ị gbanị nwan nkịtịn eje-ndị hụ e luepụ ndị ka wẹ mma?

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!