Azaya 59:7 - Ika

⁷ Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Azaya 59:7 ပူးပေါင်းရင်းမြစ်များ

Itẹn 1:16

makẹni eje-ihiẹn kẹ ụkụ wẹ a hụhụ d'e mẹ, nkanran igbu-ịhịan kẹ w'e be.

Itẹn 15:26

Iroro onyẹ eje-omumẹ e ze Osolobuẹ ize, kanị ọnụ-ọma a sụọ a ụsụọ.

Itẹn 24:9

Ihiẹn hụn onyẹ-ẹwobi romẹ wụ njọ; onyẹ hụn e lelịanị e ze ịhịan ize.

Itẹn 6:17

Ẹnya onyẹ mpache, ire hụn a tụ ntụ; ẹka hụn e gbu ndị nwọnlẹni ihiẹn wẹ mẹ;

Itẹn 6:18

obi hụn e rotọ eje-ihiẹn, ụkụ hụn imẹ eje-ihiẹn a kẹrẹ;

Azaya 15:5

Omikẹn Mụabụ e mẹgbu m; wẹ hụ a gbarukwọrị Zụa, a gbaruzi Ẹglatị-Shẹlishiya. E nyinrin wẹ elu òke shi Luhiti, kwankọ jẹnkọ; wẹ hụzị ụzọ Horonaim, a kwan, makẹni e tikpọgụọ wẹ wẹ.

Azaya 32:6

Makẹni, onyẹ nzuzu marịnlẹni Chuku e ku eje-oku, e ro eje-ihiẹn, e mẹ eje-ihiẹn, e kuja oku Osolobuẹ. O yekọ ndị ẹgụn rị a gụn ihiẹn-oriri, o yekọ ndị ẹgụn mirin rị a gụn mirin.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Azaya 59:3

Ẹdeke ndị ụnụ gbu rịsọnmẹ ụnụ ẹka; eje-ihiẹn ụnụ mẹ a ghagbarịgụọ ụnụ mkpịnsịn-ẹka ile. Ọnụ ụnụ a tụnsọnmẹ ntụ; ire ụnụ e kusọnmẹ eje-ihiẹn.

Azaya 60:18

Anụkọzị wẹ ukwere egbu-lẹ-egbu imẹ alị ụnụ; ahụnkọzịkwọ wẹ ntikpọ lẹ owiwi ebe ọwụlẹ wụ nke ụnụ. Nzụọpụha k'e fihunmẹ ụnụ lekẹ mgbọn; ọnụ-mgbọn ụnụ a zama Ịja-mma Osolobuẹ.

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Azaya 66:18

“Mmẹ nwẹn, ufiri omumẹ wẹ lẹ ihiẹn wẹ rị e ro, m lala d'e wegbama ndị alị ile lẹ ndị asụsụ ile, a bịa wẹ d'a hụn ọghọ m.

Azaya 66:4

Mmẹ nwẹn sikọ d'e mẹshi wẹ ikẹn; m k'e mẹ ihiẹn w'a tụ egun ẹ kunrun wẹ. Makẹni, kẹ m kpọ oku, onwọnni onyẹ zanị; kẹ m ku oku, onwọnni onyẹ gi ẹ dọn. Ihiẹn rịlẹni mma ẹnya m kẹ wẹ e mẹ, ihiẹn e ze m ize kẹ wẹ a họrịsọnmẹ.

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 41:7

Kanị, hụn wẹ gihụ banye imẹ obodo hụ, Ishmẹlụ nwa Nẹtanịa lẹ ikẹnnyẹ ndị ahụn ya lẹ wẹ wị nọ gbu wẹ, tụ ozun wẹ ye ọmị.

Ẹkwan 4:13

Kanị, o mẹghọ — makẹ njọ ndị-amụma a lẹ ụrụ ndị nchụn-ẹjan a, hụn nọsọnmẹ imẹ ẹ gbu ndị ezi-omumẹ.

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Izikẹlụ 22:6

“Lee ndị-isi Izrẹlụ, onyẹ-onyẹ imẹ wẹ hụ e gi ọkwa a a kpa ikẹn imẹ i, e gbu ịhịan.

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Maịka 7:2

Ndị e mẹ uche Osolobuẹ arịzị alịnị; onwọnzini onyẹ kụrụ ọtọ. Onyẹ ọwụlẹ hụ e che n'o gbu ibe ẹ; onyẹ-onyẹ hụ e shitọnị ibe ẹ ọnyan.

Matiu 2:16

Ogẹn Hẹrọdụ gi hụn nị ndị hụ marịn ẹnya kokisẹ e mẹọlẹ ẹ ẹro, eje-olulu nọ bu ẹ. Ọ nọ zi ndị o zi, wẹ nọ jẹn d'e gbupụ ụmụẹka ikẹnnyẹ ile rị Bẹtilẹhẹm lẹ ẹgbẹrẹ hụ ile, ikẹnnyẹ ndị hụn rị gha ahụa ẹbụọ lụa alị. Ogẹn hụn ndị hụ marịn ẹnya kokisẹ gwa a k'o kwọndọn ẹka mẹ ihiẹnni o mẹ.

Rẹvẹleshọnụ 17:6

M nọ hụn a nị ẹdeke okpoho hụ ra, ẹdeke ndị-nsọ lẹ ndị wẹ gbu makẹ oku Jizọsị, rị a tụ a kẹ manya. Okpoho hụ m hụn a tụka m ẹnya!