Azaya 59:6 - Ika

⁶ Ntan-akpụkpa wẹ ara nị gi kpa ẹkwa — ihiẹn w'a kpa ara rudẹ wẹ fụrụ oyi. Eje-ihiẹn eje-ihiẹn kẹ wẹ e mẹ, e gi ẹka-ikẹn e sọn ibe wẹ.

Azaya 59:6 ပူးပေါင်းရင်းမြစ်များ

Jẹnẹsisi 6:11

Ogẹn ahụn, ụwa a rụọlẹ ẹnya Osolobuẹ, ẹka-ikẹn ẹka-ikẹn jun imẹ ụwa.

Jobu 16:17

bụ onwọnni eje-ihiẹn rị m ẹka, m hụzịkwọ e gichanrịn obi m ile e mẹ ekpere.

Ẹbụ-ọma 55:11

Ntikpọ jun imẹ ẹ; Mbịangbu lẹ ntụ ara kọ ọgbara-ogbe lẹ ọgwa a!!

Ẹbụ-ọma 58:2

Mba! Mmẹgbu-mmẹgbu kẹ ụnụ e ro, ẹka-ikẹn ẹka-ikẹn kẹ ụnụ gi e sọn ndị alịnị.

Azaya 30:1

“Nsọngbu rị e che ụmụ rị e bu isi-ikẹn.” Ịya kẹ Osolobuẹ ku — “ụmụ rị e mẹ ihiẹn ẹka m rịlẹni; wẹ lẹ ndị ọzọ a kịgbamagụọ bụ ẹlẹ Mmọn m zi wẹ. Wẹ rị e gi ẹ e kpọn njọ a kwasị njọ.

Azaya 5:7

Alị vaịnị Osolobuẹ, Onyẹ ihiẹn ile rị okpuru ẹ, wụ ikpụlọ Izrẹlụ; ndị alị Juda rịn'a wụ ugbo-nta a hụn rị a obi. Ọ tụ ẹnya ezigbo-eṅẹn, kanị igbu-ọchụn k'ọ hụn; ọ tụ ẹnya ezi-omumẹ, kanị ẹkwan ndị wẹ rị a bịangbu k'ọ nụ.

Azaya 57:12

M jẹnkọ d'e wepụha ‘ezigbo ihiẹn’ i ahụn ifọn ya lẹ ihiẹn ị rị a rụn; abankọnị wẹ i erere.

Azaya 58:4

Ibu-ọnụ ụnụ wụ ibu-ọnụ oku lẹ ikpe, lẹ imẹ ibe ụnụ eje-ihiẹn. Ụnụ ebukọkwọ ụdị ọnụnị a tụ ẹnya nị wẹ k'a nụ olu ụnụ elu-igwee.

Azaya 64:6

Ẹnyi ile nọ nwan kẹ onyẹ rụnị, ezi-omumẹ ile ẹnyi rị e mẹ nọhụ kẹ nkanka ẹkwa wẹ gi sọ ezi; ẹnyi ile hụ e shinwụn nọkẹ ẹhụhụọ; njọ ẹnyi e buhuhu ẹnyi kẹ ufere.

Jerimaya 6:7

Kẹ isi-mirin dọn e hupụha mirin kẹ obodoni dọn e hupụha eje-ihiẹn rị imẹ ẹ. Egbu-lẹ-egbu lẹ ntikpọ-ntikpọ kẹ w'a nụ imẹ ẹ; emu lẹ ẹhụ wẹ rụsọnmẹ kẹ m'a hụn ogẹn ile.

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Izikẹlụ 7:11

Ẹka-ikẹn e werigụọ ọnọdị; eje-ọkpọ e werigụọdẹ ọkịkị. Onwọnni onyẹ ọwụlẹ imẹ wẹ mọbụ ihiẹn ahụn ile wẹ nwọn mọbụ ụzụn wẹ ile mọbụ ọghọ wẹ hụn k'a rịzịnị.

Izikẹlụ 7:23

“Mẹmẹ ẹgan, makẹni ẹdeke e jungụọ alịnị, ẹka-ikẹn e jun imẹ isi-obodoni.

Izikẹlụ 9:9

Ọ nọ sị m, “Njọ ndị Izrẹlụ Ẹbamịn-ugu lẹ ndị Juda a karịgụọ ẹka ọda-ọda; ogbugbu-ogbugbu e jungụọ alịnị, eje-obibi e jun isi-alịnị wụ Jerusalẹm — makẹni wẹ rị a sị enwẹn wẹ, ‘Osolobuẹ a jụgụọ alịnị! Osolobuẹ arị a hụn ihiẹn rị e mẹni!’

Emọsụ 3:10

Osolobuẹ sị: “Ama wẹ mẹ ihiẹn rị mma, ihiẹn junsọnmẹ okẹn ụlọ wẹ gichanrịn egbu-lẹ-egbu lẹ ohin bịa.”

Emọsụ 6:3

Euu! Ndị rị a sị nị nsọngbu eke bịakọ, a kwadọn ọkịkị-nkịgbu!

Maịka 2:8

Ikpanzụụnnị, ụnụ rị e mẹ ndị nke m kẹ eṅẹnrẹn: a napụ ịhịan ẹwuru o yi ẹhụ, nwa ịhịan ghafekọ nke ẹ rịlẹni e ro oku, nọkẹ ndị gha agha lala.

Maịka 6:12

Ndị mmẹgbu lẹ ẹka-ikẹn kẹ ndị ịdanfịn ụnụ wụ; ntụ a mụmarịngụọ ndị obodo ụnụ; ntụ-ntụ jun wẹ ọnụ.

Zẹfanaya 1:9

Osolobuẹ sị, “O ru ogẹn ahụn, m k'e mẹshi wẹ ikẹn ndị ile e ṅọnghafe ụzọ kẹ ndị a rụa mmọn, lẹ ndị a tụnarịn, a zụọnarịn ndị ọzọ ihiẹn wẹ, e kpọnjun ụlọ onyẹ wẹ rị e fe.”

Zẹfanaya 3:1

O k'a jọ ị njọ, onyẹ nnupụ-isi rụgụnị! Eje obodo mmẹgbu-mmẹgbu!

Malakaị 2:16

Osolobuẹ wụ Chuku Izrẹlụ sị mkpechan e ze ẹ ize, nị onyẹ mẹn'ẹ rị e gi eje-ihiẹn e kpumẹ ẹwuru ẹ. Ya kẹ Osolobuẹ wụ Chuku Izrẹlụ ku. Kpachanpụ nị nwan ẹnya ihiẹn ụnụ rị e ro — alatọkwọlẹ ni nkwa hụ ụnụ gi lụ.