Azaya 59:4 - Ika

⁴ Onwọnni onyẹ a chọ ezioku; onwọnni onyẹ e kinchanrịn ihiẹn mẹni. Ikpe wẹ rị e kin ghalẹni e ru alị kẹ wẹ gi e dọn ẹnya, a tụsọnmẹ ntụ; w'e rotọsọnmẹ eje-ihiẹn e mẹ.

Azaya 59:4 ပူးပေါင်းရင်းမြစ်များ

Jobu 15:31

Ya atụkwọlẹ enwẹn ẹ ntụ, ghahanị igi ihiẹn nwọnlẹni ihiẹn ọ wụ dọn ẹnya; makẹni onwọnni erere o k'a bann'a.

Jobu 15:35

Wẹ tụrụ nsọngbu lekẹ imẹ, a mụ wẹ eje-ihiẹn nọkẹ nwa; ndufie rị wẹ ẹfọ a hama kẹ nwa.”

Ẹbụ-ọma 12:3

Osolobuẹ ya bepụ ụgb'ọnụ ile wẹ gi e ku oku ọnụnụ-ire lẹ ire ile wẹ gi a nyan isi;

Ẹbụ-ọma 62:10

Egilẹ mmẹgbu dọn ẹnya; egilẹ ihiẹn wẹ zu dọn ẹnya, makẹni o k'e kpuye i, akụ-lẹ-ụba bawaye, egikwọl'a dọn ẹnya.

Ẹbụ-ọma 62:4

Wẹ hụ e zu ni wẹ dọtu okẹn-ịhịan! Ịtụ-ntụ hụ a sụọ wẹ ụsụọ. Ọnụ wẹ hụ e ku oku i ọhụnma, obi wẹ hụ a bụ ị ọnụ. Sẹla

Ẹbụ-ọma 7:15

O gutọ mgbugbu mini, kanị ịya danye imẹ mgbugbu nwẹn o gu.

Itẹn 4:16

Makẹni wẹ ara s'ẹka ranhịn mmanị wẹ mẹgụ eje-ihiẹn; ụran ara tụ wẹ mmanị wẹ mẹgụ ịhịan dan.

Azaya 10:1

Nsọngbu rị e che ndị hụn e ti iwu mmẹgbu, ndị e tumẹ iwu wẹ gi a bịangbu ibe wẹ,

Azaya 26:18

Imẹ e te mẹghọ ẹnyi, ẹnyi a fịkọ, kanị ufere mmaka kẹ ẹnyi mụ. Ẹnyi ewẹhẹnini alị nzụọpụha, ẹnyi amụpụhanịnị alị ịhịan.

Azaya 28:15

Ụnụ hụn a nyan isi, a sị, “Ẹnyi lẹ ọnwụn e kwerigbamagụọ n'o gbukọ ẹnyi, ẹnyi lẹ alị-mmọn e kwerigbamagụọ n'o nwọnni ihiẹn o k'e mẹ ẹnyi. Ogẹn okẹn nsọngbu hụ k'e gi bịa, o rukọ ẹnyi ẹhụ, makẹni ẹnyi a gbaburugụọ ntụ, makẹni ẹnyi a warịgụọ imẹ ihiẹn wụlẹni ezigbo ẹ.”

Azaya 29:20

Ndị ẹfọ jọ arịkọzị a, ndị a mụ ịhịan ẹmụ arịkọzị a; wẹ k'e gbupụ ndị ile ẹnya wẹ rị eje-ihiẹn —

Azaya 30:12

Ya kẹ Onyẹ-nsọ Izrẹlụ gi nwan sị, “Ebe o mẹni ụnụ a jụgụọ ozini, tụkwasị mmẹgbu obi, gi ndufie dọn ẹnya,

Azaya 30:9

Makẹni, ndị nnupụ-isi kẹ ndịnị wụ — ụmụ hụn a tụ ntụ, ụmụ chọlẹni nị wẹ nụ ihiẹn Osolobuẹ rị a gwa wẹ.

Azaya 33:11

Iroro ụnụ tụ wụhụ ẹfịfịa mmaka, o jẹnkọ d'a mụnị ụnụ ẹfịfịa ọkpọ-nkụn sụọ — umẹrẹn ụnụ wụ ọkụn rịn'a hụn e bu ụnụ e ri.

Azaya 44:20

Hụnyẹ rịhụ e ri ntụn! Uche ẹ hụn gbayịyagụnị e dufiegụọ a. Ọ sakọ ẹka zụọpụha enwẹn ẹ mọbụ sị enwẹn ẹ, “Ẹlẹ ihiẹn nwọnlẹni isi kẹ m kwọndọn ẹka-nni m ihiẹnni?”

Azaya 47:10

Y'e gigụọ eje-omumẹ i dọn ẹnya, a sị enwẹn i, ‘Onwọnni onyẹ a hụnnị m.’ Uche lẹ amamihiẹn i nwọn e dufiegụọ ị — ebe i nọ sị enwẹn i, ‘Mmẹ rọ, onyẹ ọzọ arịa.’

Azaya 5:18

Nsọngbu rị e che ndị gi ntụ wẹ rị a tụ a dọkpụn njọ nọkẹ eriri, ndị dọkpụnkọ eje-omumẹ wẹ nọkẹ ibu wẹ gi eriri dọkpụnkọ,

Azaya 5:7

Alị vaịnị Osolobuẹ, Onyẹ ihiẹn ile rị okpuru ẹ, wụ ikpụlọ Izrẹlụ; ndị alị Juda rịn'a wụ ugbo-nta a hụn rị a obi. Ọ tụ ẹnya ezigbo-eṅẹn, kanị igbu-ọchụn k'ọ hụn; ọ tụ ẹnya ezi-omumẹ, kanị ẹkwan ndị wẹ rị a bịangbu k'ọ nụ.

Azaya 59:15

Ezioku arịzị; onyẹ jụ eje-ihiẹn, a chọma wẹ isi ẹ. Osolobuẹ e lee ẹnya, ọ fụ a — nị ezigbo eṅẹn arịa.

Azaya 59:16

Ọ hụn a nị onwọnni onyẹ rịn'a, ọ tụ a ẹnya ọda-ọda nị onwọnni onyẹ e buche ọnụ nị wẹ dọnzi ihiẹn. Ya kẹ ọ nọ gi ẹka a wẹhẹ nzụọpụha. Ezi-omumẹ ẹ ye ẹ ndụn o gi mẹ ẹ.

Azaya 59:3

Ẹdeke ndị ụnụ gbu rịsọnmẹ ụnụ ẹka; eje-ihiẹn ụnụ mẹ a ghagbarịgụọ ụnụ mkpịnsịn-ẹka ile. Ọnụ ụnụ a tụnsọnmẹ ntụ; ire ụnụ e kusọnmẹ eje-ihiẹn.

Azaya 64:7

Onwọnni onyẹ a kpọku i mọbụ a takẹnmẹdẹ n'o kwọnkẹnmẹ i; makẹni y'e bupụgụọ ẹnyi ihun, la ẹnyi tọ kẹni njọ ẹnyi mẹ ẹnyi ihiẹn.

Azaya 9:15

ndị-ichẹn lẹ ndị-ndu wụ isi, ndị-amụma rị a kuzi ntụ wụ ọdụndụn.

Jerimaya 48:7

“Makẹni ụnụ gi ihiẹn ụnụ rụn e dọn ẹnya, ya lẹ akụ-lẹ-ụba ụnụ, wẹ k'a nwụnrụnzịkwọ ụnụ nwẹn. Wẹ k'e weridẹ mmọn ụnụ wụ Kẹmọshi pụ, ya lẹ ohẹn-Kemọshi lẹ ndị-ọrụn Kẹmọshi.

Jerimaya 5:1

Osolobuẹ sị, “Ghasọnmẹ ọgbara-ogbe ile rị imẹ Jerusalẹm; lehunmẹdẹlẹ ẹnya, n'ị hụn; jẹn ẹbụ ile d'e lelehunmẹ; omẹni y'a hụn akpụ onyẹ ohu hụn gi ezioku e mẹ ihiẹn ẹ, e kwọnkẹnmẹ ezioku: e gi m ufiri ẹ gbagharị obodoni.

Jerimaya 7:4

Ebukwọlẹ ni obi ụnụ che ntụ ahụn ụnụ rị a tụ enwẹn ụnụ, nị ‘Ụlọ-NSỌ Osolobuẹ hụ ebeni! Ụlọ-NSỌ Osolobuẹ hụ ebeni! Ụlọ-NSỌ Osolobuẹ hụ ebeni!’

Jerimaya 7:8

Ka lee ẹ nwan, ụnụ hụ e gi ntụ hụn jẹnkọlẹni d'a bannị ụnụ erere e dọn ẹnya.

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Maịka 2:1

Ọ rịkọnị ụnụ mma, ụnụ ndị e chu ụran elu-ukpo, e rotọ eje-ihiẹn, eki fọn, e mẹ w'ẹ makẹni ọ rị wẹ ẹka.

Ọrụn Ndị-ozi 24:9

Ndị Ju ya lẹ wẹ wị nọ kwadọn Tẹtulọsụ, a sị ihiẹn ile o ku wụ ezioku.

Jemisi 1:15

Ihiẹn-ọlịlẹnya kẹnrẹngụ, ọ mụ njọ; njọ karagụ, ọ mụ ọnwụn.