Azaya 57:5 - Ika

⁵ Ụnụ ile hụn rị a kpasu enwẹn ụnụ lekẹ ịgbaraja ebe lẹ ebe osisi okuu duni jun lẹ okpuru osisi ọwụlẹ duni — ebe ụnụ rị a rụa mmọn; ụnụ ndị rị e gi mmụ ụnụ a chụn ẹjan imẹ ọdanmgbugbu lẹ oghe rịsọnmẹ mkpọnụnụ ugu.

Azaya 57:5 ပူးပေါင်းရင်းမြစ်များ

Ndị-nze Nke Ibuzọ 14:23

Makẹni wẹ nwẹn tụnsọnmẹzikwọ ụlọ-mmọn, kọmasọnmẹ ọmụma-nsọ lẹ osisi w'e zumẹni mmọn Ashẹra — yesọnmẹ elu òke ile jẹn elu lẹ okpuru osisi ile duni.

Ndị-nze Nke Ẹbụọ 17:10

A kọmasọnmẹ wẹ ọmụma-nsọ, zumẹsọnmẹ ihiẹn wẹ gi e rụa Ashẹra ye ugu ile jẹn elu lẹ okpuru osisi ọwụlẹ duni.

Ndị-nze Nke Ẹbụọ 17:7

Ihiẹn ndịnị ile mẹ makẹ njọ ndị Izrẹlụ mẹ Osolobuẹ wụ Chuku wẹ hụn gha alị Ijiptu, ẹka Fẹro eze Ijiptu, wepụha wẹ, lẹzi makẹni wẹ fe mmọn-lẹ-iyi;

Ndị-nze Nke Ẹbụọ 23:10

Josaya e mẹrụzịghọ Tofẹtị hụn rị Ọdanmgbugbu Bẹn-Hinọm, makẹ wẹ ghazị e gi ụmụ wẹ ikẹnnyẹ lẹ ikpoho a chụnnị Molẹkị ẹjan w'a dụn ọkụn.

Ihiẹn Mẹni Nke Ẹbụọ 28:3

Ọ chụn ẹjan wẹ dụn ọkụn imẹ Ọdanmgbugbu Bẹn-Hinọm, gi ụmụ a ikẹnnyẹ chụn ẹjan w'a dụn ọkụn. O mẹsọnmẹ ihiẹn rụnị, hụn alị ndị hụ Osolobuẹ chụpụ buche ndị Izrẹlụ e mẹ.

Ọpụpụ 32:6

Eki e fọn, wẹ ile nọ zọtẹnhin, chụn ẹjan w'a dụn ọkụn, ye oyiye ekele. O mẹgụ, wẹ nọ dịnọ alị ri, ra; e lihi wẹ, gbama ikiri.

Azaya 1:29

Ifẹnrẹn k'e mẹ ụnụ makẹ osisi ndị hụ ụnụ a rụa, hụn a sụọ ụnụ ụsụọ; ụnụ k'a fa makẹ ugbo-nta ndị hụ ụnụ nọ a rụa mmọn hụn ụnụ sị nị ịya ka ụnụ mma.

Jerimaya 17:2

Kẹ ụmụ wẹ ara zọdẹ ijẹn ukpo nchụn-ẹjan lẹ osisi mmọn Ashẹra wẹ hụn rịsọnmẹ ukun osisi ile duni lẹ elu òke ile jẹn elu.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 32:35

A tụnsọnmẹ wẹ ukpo wẹ nọ a rụa Baalụ ye imẹ Ọdanmgbugbu Bẹn-Hinọm, a nọ ebẹhụ e gi ụmụ wẹ ikẹnnyẹ lẹ ikpoho a chụnyeni mmọn wụ Molẹkị ẹjan — bụ ezini m wẹ, obi m eshitudẹni izi wẹ d'e mẹ arụ nọ ẹnịna; wẹ nọ gi ẹ dọ Juda ye imẹ njọ.

Jerimaya 50:38

Mirin ile rịn'a ya tahị! Wẹ k'a kọrọhị! Makẹni, alị wẹ wụ mmọn-mmọn, mmọn ndị jọgbu enwẹn wẹ hụn rị nwan a pụ wẹ ẹra.

Jerimaya 51:7

“Babilọnụ te wụ mkpu goru ẹka Osolobuẹ hụn wẹ mẹjun afụnfụn; Babilọnụ e mẹgụọ ụwa ile rarị afụnfụn hụ. Alị ile a rarịgụọ a, mẹmẹ kẹ ndị ẹra.

Jerimaya 7:31

A tụngụọ wẹ ụlọ-mmọn ndị ahụn w'a tụn elu-ugu yesọnmẹ Tofẹtị hụn rị Ọdanmgbugbu Bẹn-Hinọm, a nọ ebahụn a kpọ ụmụ wẹ ikẹnnyẹ lẹ ikpoho ọkụn — ihiẹn m gwatulẹni wẹ mẹ, ihiẹn rịtulẹni m obi!

Izikẹlụ 16:20

“ ‘Y'e weridẹ ụmụ ị ikẹnnyẹ lẹ ikpoho hụn ị mụnị m, gi wẹ chụnyeni mmọn ndị hụ ị rị e fe ẹjan nị wẹ ri. Ịgbaraja ị gba ehini i?

Izikẹlụ 20:26

e mẹ m wẹ gi oyiye ndị hụ wẹ rị e ye mmọn rụ — ẹjan ndị hụ wẹ gi nwa-ibuzọ wẹ a chụn, kẹni ize enwẹn wẹ ban wẹ, e gi w'ẹ marịn nị mmẹ wụ Osolobuẹ.

Izikẹlụ 20:28

e webanhan m wẹ imẹ alị ahụn m kun enwẹn m kwe wẹ nkwa, wẹ nọ kwama ese elu òke ọwụlẹ wẹ hụn n'o jẹn elu lẹ ukun osisi ọwụlẹ duni, e gi ẹjan ndị hụ a kpasu m iwe; a mụyeni mmọn nsẹnsi, e hu manya wẹ e yeni wẹ.

Izikẹlụ 20:31

Ụnụ hụ e ye mmọn ndị hụ oyiye, a dụnnị wẹ ụmụ ụnụ ikẹnnyẹ ọkụn, e gi mmọn ndị hụ e mẹrụ enwẹn ụnụ d'e ru tannị. Ndị Izrẹlụ, nị m nịzị nwan ụnụ jụma m uche m? Ma isi m, anịkọkwọ m ụnụ marịn uche m! Mmẹ wụ Osolobuẹ Nwọn Ihiẹn Ile ku ẹ.

Izikẹlụ 6:13

Ụnụ k'a marịn nị mmẹ wụ Osolobuẹ ogẹn ozun ndị hụ e gi jun ebẹhụ mmọn wẹ lẹ ukpo-mmọn wẹ rịsọnmẹ, elu òke ile jẹn elu lẹ ugu ile, okpuru osisi ọwụlẹ duni lẹ ukun okẹn-osisi okuu ọwụlẹ ẹhụhụọ jun — ebe ile wẹ nọ a mụyeni mmọn wẹ nsẹnsi.

Lẹvitikọsụ 18:21

“Eyekwọlẹ wẹ nwa ị ọwụlẹ gi chụnyeni Molẹkị ẹjan; emẹrụlẹ ẹfan Chuku ụnụ. Mmẹ wụ Osolobuẹ.

Ọgụngụn 25:6

Ogẹn ahụn hụra, onyẹ Izrẹlụ ohu nọ webanhan okpoho onyẹ Midianị iwe wẹ idẹnya Mozizi lẹ igunrun ndị Izrẹlụ ile ebe wẹ ile rị Ọnụ-mgbọn Ọdụ-ozuzu a kwan.

Ditrọnọmi 12:2

Tikpọpụchanrịn nị ebe ile alị ichẹn-ichẹn ụnụ k'e weri alị wẹ a nọ e fe mmọn-lẹ-iyi wẹ — kẹ ndị rịsọnmẹ ugu jẹn elu, kẹ ndị rịsọnmẹ elu òke kẹ ndị rị okpuru osisi ile nwọn igungun ghalẹni a gbụ ẹhụhụọ.

Rẹvẹleshọnụ 18:3

Makẹni alị ile a raọlẹ eje-manya a wụ ughẹrẹ, ọ tụgbarị wẹ; ndị-nze rị ụwa e mẹgụọ mgba a; ndị-afịa ụwa e gigụọ ihiẹn o gi obibi mmẹ-nwọn-enwẹn-m nwọnhẹn họnrin ndị-ịdanfịn.”