Azaya 57:17 - Ika

¹⁷ Iwe te we m makẹ njọ ẹnya-uku ẹ, e ye m'ẹ afụnfụn, gi olulu bupụ ihun, kanị ọ tọkwọ isi-ikẹn e bu.

Azaya 57:17 ပူးပေါင်းရင်းမြစ်များ

Ẹkịliziastisi 6:9

Hụn ẹnya ị rị e legha ka mma karị hụn rịhụ a gụngbun'i. Ọnwan wụzịkwọ ihiẹn ọlaliwi lẹ ịchụ ufere.

Azaya 1:4

Eje-alịnị! Ndịnị njọ jun ihun lẹ azụụn! Ụmụ hụn e mẹ eje-ihiẹn eje-ihiẹn; ụmụ rụnị! A gbakitọgụọ wẹ Osolobuẹ azụụn; a jụgụọ wẹ Onyẹ-nsọ Izrẹlụ, ya lẹ wẹ arịzị kaka!

Azaya 2:7

Goru lẹ siliva e jun alị wẹ; akụ-lẹ-ụba wẹ enwọn okẹn. Ẹshin e jungụọ alị wẹ; asa wẹ ẹka gụnmarịn ụgbọ-ẹshin wẹ.

Azaya 42:24

Onyẹ wedẹ nwan Jekọpụ ye wẹ kpụnrụn? Onyẹ we Izrẹlụ ye ndị e gbu a kwarị? Ẹlẹ Osolobuẹ hụn ẹnyi mẹ njọ? Makẹni ekwerini wẹ gha ụzọ a, edọnmẹni wẹ iwu ẹ.

Azaya 45:15

Ezioku-ezioku, Chuku hụn e zuemẹ enwẹn ẹ k'ị wụ, Chuku Izrẹlụ, hụn a zụọpụhanị!

Azaya 56:11

Nkitẹ okẹn ihiẹn-oriri kẹ wẹ wụ, ẹfọ ara jun wẹ! Ndị-ndu nwọnlẹni nghọta kẹ wẹ wụ; wẹ ile e mẹsọnmẹ ihiẹn sụọnị wẹ, onyẹ-onyẹ hụ a chọ nke-ẹ nke-ẹ.”

Azaya 64:9

Osolobuẹ, dodo, ebukẹlẹ olulu; atọlẹ a nyanhan njọ ẹnyi jẹnrin ejẹn. Dodo, lee ẹnyi ẹnya ihun, nị ndị nke i kẹ ẹnyi ile wụ.

Azaya 66:3

Onyẹ hụn gi okẹn-efin chụnyeni m ẹjan hụzị e gbu ọchụn; onyẹ hụn a chụnyeni m ẹjan nwa-atụnrụn, hụzị a kpagi nkitẹ olu e ye mmọn; onyẹ hụn e ye m oyiye-ọka hụzị a chụnyeni mmọn ẹdeke ezin; onyẹ hụn a mụyeni m nsẹnsi hụzị a ja mmọn-lẹ-iyi mma. Hụn sụọnị wẹ kẹ wẹ e mẹ, arụ ile wẹ e mẹ a sụọgbu wẹ.

Azaya 8:17

M jẹnkọ d'e cheri Osolobuẹ, hụn rị e zuemẹni ikpụnọ Jekọpụ ihun ẹ. M jẹnkọ d'e gi ẹ e dọn ẹnya.

Azaya 9:13

Kanị ehutọnị wẹ nwan buru Osolobuẹ hụn fịan wẹ ihiẹn, arịọnị wẹ Osolobuẹ, Onyẹ-nwọn ikẹn ile.

Jerimaya 2:30

Afụnfụn ile m ye ndị nke i la iwi; egini wẹ mkpịnsịn m fịan wẹ bihutọ ẹka. Ụnụ e gigụọ ọpịa-agha gbu ndị-amụma wẹ zihẹni ụnụ kẹ eje-ẹwọrọ e gburi anụ.

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Jerimaya 3:14

Osolobuẹ sị, “Ụnụ ndị danpụgụnị: kinhẹn ni, nị mmẹ wụ di-nwọnni ụnụ! M k'a gha imẹ igunrun ụnụ họrịsọnmẹ onyẹ ohu-ohu imẹ obodo ọwụlẹ, madụ ẹbụọ-ẹbụọ imẹ ebọn ọwụlẹ, e welụa m wẹ obodo Zayọnụ.

Jerimaya 3:22

Ụnụ ndị danpụgụnị, kinhẹn ni; m k'a zụọ ụnụ emu ịdankin-azụụn. “Ẹghẹẹ, ẹnyi k'e kinhẹn, makẹni ịyụ wụ Osolobuẹ Chuku ẹnyi.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Jerimaya 51:13

Ịyụ wụ Babilọnụ, hụn rị ebe iyi bu ọda rị; hụn nwọn akụ-lẹ-ụba ọda-ọda, ogẹn i a gụgụọ; ogẹn w'e gi tikpọ ị e rugụọ.

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Jerimaya 8:6

E gọngụọ m wẹ ntịn ọhụnma-ọhụnma, onwọnni ezioku rị wẹ ọnụ. Onwọnni onyẹ njọ a rị a fụ obi n'ọ sị enwẹn ẹ, “Kẹ m mẹdẹni nwan ihiẹnni?” Onyẹ-onyẹ hụ e mẹ nke ẹ ikẹn-ikẹn nọkẹ ẹshin-agha zụnbankọ ọgbọ-agha.

Izikẹlụ 33:31

Ndị nke m hụ a bịa d'e kunrun i kẹ wẹ dọn a bịa, a nọdị ihun i, e gọn ntịn oku i, kanị a rị wẹ e mẹ ihiẹn wẹ rị a nụ. E nwọnkẹ wẹ ọnụ-ọma, kanị wẹ hụkwọ a chọ nke wẹ nke wẹ.

Luku 12:15

Ya ọ nọzị sị igunrun hụ, “Kpachanpụkwọ nị ẹnya; gbanị nị ẹnya-uku ile ọsọ; makẹni, ẹlẹ ihiẹn bu ọda ịhịan nwọn wụ ndụn a.”

Ndị Kolosị 3:5

Gbu ni nwan ẹgụn ihiẹn-ụwa hụn rị imẹ ụnụ a rụn ọrụn: kẹ ughẹrẹ kẹ obibi ru unyin kẹ ihiẹn ọlịlẹnya kẹ ẹgụn ihiẹn rịlẹni mma kẹ ẹnya-uku hụn wụzị ife-mmọn.

Timoti Ibuzọ 6:9

Ndị rị a chọ nị wẹ hi ọdanfịn a danban ọnwụnwan lẹ ọnyan lẹ ẹgụn rị ichẹn-ichẹn nwọnlẹni isi a rụ ịhịan ẹhụ, e wiwi ịhịan, e tikpọ a.

Pita Nke Ẹbụọ 2:14

Ughẹrẹ jun wẹ ẹnya; ẹfọ njọ ara jun wẹ. W'a rẹrẹrị ndị kelẹni wuzo ọhụnma e ye imẹ njọ. E gigụọ wẹ ẹnya-uku zụn obi wẹ. Ndị wẹ bụ ọnụ kẹ wẹ wụ!

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!