Azaya 57:16 - Ika

¹⁶ Esọnkọ m ịhịan kpe jẹnrin ejẹn, atọkọ m olulu e bu, makẹni o ru ndụn m a gụchanrịn ịhịan — umẹ-ndụn ịhịan hụn m ke.

Azaya 57:16 ပူးပေါင်းရင်းမြစ်များ

Jẹnẹsisi 6:3

Ya kẹ Osolobuẹ nọ sị, “Mmọn m anọferikọzị imẹ ịhịan, makẹni ịhịan mmaka k'ọ wụ — ufiri ẹ, ahụa ọgụn isin sụọ kẹ ịhịan sikọ d'a tọru elu ụwanị.”

Samuẹlụ Nke Ẹbụọ 24:16

Ogẹn mmọn-ozi hụ rị e gbuni wẹ gi tịnpụ ẹka n'o tikpọ Jerusalẹm, ọnwụn hụ rị e gbuni e mẹtụ Osolobuẹ ọda-ọda; ọ nọ sị mmọn-ozi hụ gbugụ ndị bu ọda, “O higụọ! Seri ẹka ị.” Ogẹn ahụn, mmọn-ozi Osolobuẹ hụ rị ebe Araụna onyẹ Jebusu a nọdị a kụkpọ ọka.

Jobu 12:10

Ẹka a kẹ ndụn ihiẹn ile wẹ ke lẹ uzun ịhịan ile rị.

Ẹbụ-ọma 85:5

N'i wesọnmẹni ẹnyi iwe jẹnrin ejẹn? N'i gi iwe sọn ẹnyi gha agbọ ru agbọ?

Ẹkịliziastisi 12:7

ẹjan a lakin anị ọ gha pụha, umẹ-ndụn a lakin ebe Chuku yen'ẹ rị.

Azaya 27:8

Y'e gigụọ agha lẹ ọchụpụ ị chụpụ a ye ẹ afụnfụn; y'a fụgụọ wẹ okẹn ufere i fụpụ wẹ, kẹ ufere ẹbamịn ọwụwa-ẹnyanwụn e mẹ.

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 42:5

Lee ihiẹn Chuku wụ Osolobuẹ ku — Chuku hụn ke igwere ile, gbama wẹ; hụn gbama elu-ụwa lẹ ihiẹn ile a gha imẹ ẹ a pụha, Chuku hụn e ye ndị rị elu-ụwa uzun, e ye ndị ile rịn'a ndụn:

Azaya 64:8

Kanị Osolobuẹ, ịyụ wụ nẹdi ẹnyi. Ụrụa kẹ ẹnyi wụhụ, ịyụ wụ ọkpụ-ite; ẹnyi ile wụ ọrụn-ẹka ị.

Jerimaya 10:24

Jụgbọ m nwan, Osolobuẹ, ka gi ẹka alụlụa mẹ ẹ; dodo egilẹ olulu mẹ ẹ, amamgbe nke m a gụ.

Jerimaya 3:5

n'ị tọ e ze ize? N'i busọnmẹ olulu jẹnrin ejẹn?’ Ẹnịna kẹ ụnụ e ku, kanị ụnụ e mẹsọnmẹ eje-ihiẹn ile a nị ụnụ e mẹ.”

Jerimaya 38:16

Eze wụ Zẹdikaya nọ nwan kwe Jerimaya nkwa ebẹhụ wẹ ẹbụbụọ sụọ rị, sị “Ma Osolobuẹ hụn ye ẹnyi ndụnnị, egbukọ m'ị! Ewekọ m'ị ye ndị ahụn chọkọ ị ogbugbu!”

Izikẹlụ 18:4

Makẹni mmẹ nwọn ndụn ịhịan ile, kẹ nke nẹdi kẹ nke nwa — mmẹ nwọn wẹ ile. Onyẹ hụn mẹ njọ nwọn nwụn.

Emọsụ 1:11

Osolobuẹ sị: “Makẹ njọ ẹtọ ndị alị Ẹdọm mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni o gi ọpịa-agha chụ umunẹ ẹ ndị Izrẹlụ, o mẹdẹni omikẹn wẹ, kama, o gi olulu mẹ wẹ ihiẹn, mẹru ẹ alị.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹkaraya 12:1

Ọnwan wụ ihiẹn Osolobuẹ ku banyeni alị Izrẹlụ: “Lee ni ihiẹn Osolobuẹ ku, Osolobuẹ hụn gbama igwere, hụn ke ụwa, hụn ke mmọn rị imẹ ịhịan:

Ọgụngụn 16:22

Kanị Mozizi lẹ Ẹrọnụ nọ tụha enwẹn wẹ alị bu ihun kpumẹ alị, kwanma ẹkwan, sị, “Euu Osolobuẹ, Chuku hụn gi ndụn ịhịan ile, n'i busọn ịhịan ile olulu bụ onyẹ ohu sụọ mẹ njọ?”

Hibru 12:9

Ndị nẹdi ẹnyi rị elu ụwanị e mẹzi ẹnyi ihiẹn wẹ gha a zụn ẹnyi, ẹnyi e humẹni wẹ isi. Ẹnyi ehumẹkọnị nwan nẹdi ẹnyi imẹ Mmọn wụ Osolobuẹ isi, kẹni ẹnyi rị ndụn?