Azaya 57:15 - Ika

¹⁵ Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 57:15 ပူးပေါင်းရင်းမြစ်များ

Jẹnẹsisi 21:33

Ebraham nọ gbọ osisi Tamarisi ye Biẹshẹba, nọ ukun osisi ahụn ọ gbọma fe Osolobuẹ, Chuku Itẹbitẹ.

Ndị-nze Nke Ibuzọ 8:27

“Kanị, nị Osolobuẹ biridẹ nwan elu ụwa ra? Elu-igwere ile, kẹ elu-igwee hụn kachanrịndẹ elu e jẹn, asakọ ẹka ru i, ọrịwụzị Ụlọ-nsọ hụnnị m tụn!

Ihiẹn Mẹni Nke Ẹbụọ 34:27

Makẹni ị nị ihiẹn ị nụ mẹtụ ị, welụa enwẹn i alị ihun Chuku ogẹn i gi nụ ihiẹn o ku n'o ke mẹ ebeni lẹ ndị rịn'a lẹzi makẹni i welụa enwẹn i alị ebe m rị, dọka ẹwuru i, kwan ẹkwan idẹnya m, mmẹ wụ Osolobuẹ sị n'a nụgụọ m olu i.

Jobu 22:29

Wẹ wetu ịhịan alị, nị y'a sị, ‘Weli wẹ!’ Chuku a zụọ onyẹ ahụn wẹ welụa alị.

Jobu 6:10

Ogẹn ahụn, obi e gi ihiẹn ohu ru m alị — ihiẹn ohu hụn m gi a ghọghọ imẹ okẹn-ụfụnị ghalẹni e bi: nị onwọnni ogẹn m gi latọ oku Onyẹ Hụ Rị Nsọ.

Ẹbụ-ọma 111:9

Ịya zụọpụha ndị nke ẹ; o mẹsọnmẹ ihiẹn o kwe nkwa a jẹnrin ejẹn! Ẹfan a wụ ẹfan rị nsọ w'a tụ egun ẹ!

Ẹbụ-ọma 115:3

Bụ Chuku ẹnyi rị elu-igwee, e mẹ ihiẹn ọ chọ n'o mẹ.

Ẹbụ-ọma 123:1

Ịyụ kẹ m bu ẹnya zinmẹ, Eze ahụn ukpo-eze ẹ rị elu-igwee!

Ẹbụ-ọma 138:6

Ọsụọn'a nị Osolobuẹ rị elu-igwee, ọ nyanhanzị ndị e welụa enwẹn wẹ alị; kanị, ọ ghadẹ ebe teni a hụnchanrịn ndị nhọnrọn kẹ wẹ nọ.

Ẹbụ-ọma 138:7

Ọsụọn'a nị m rị a gha ebe nsọngbu jun, y'e dọnmẹ m ndụn; y'a tịnpụ ẹka ị e gbọndọn ihiẹn ndị-iṅẹnrẹn m te k'e gi olulu mẹ m, y'e gi ẹka-nni i hụn zeni a zụọpụha m.

Ẹbụ-ọma 147:3

Ọ kasị ndị obi rị a gbawa obi, o kẹnmẹ wẹ ebe wẹ rụsọnmẹ ẹhụ.

Ẹbụ-ọma 34:18

Osolobuẹ a nọkunmẹ ndị ndụn gụ, a zụọpụha ndị obi rị a gbawapụ.

Ẹbụ-ọma 34:19

Onyẹ ezi-omumẹ nwọn ikẹn nwọn nsọngbu bu ọda, kanị Osolobuẹ a zụọpụhachanrịn a imẹ wẹ ile;

Ẹbụ-ọma 51:17

Ẹjan Osolobuẹ chọ wụ obi njọ a rị a fụ; Osolobuẹ, y'a jụkọ obi welụa enwẹn ẹ alị njọ a rị a fụ!

Ẹbụ-ọma 51:19

Ogẹn ahụn ezigbo ẹjan wẹ k'a chụnyeni i a sụọma ị, ẹjan wẹ dụn ọkụn, ẹjan wẹ dụchanrịn ọkụn; e gizi wẹ okẹn-efin chụnyen'i ẹjan elu ukpo nchụn-ẹjan ị.

Ẹbụ-ọma 83:18

Mẹ wẹ marịn nị ịyụ sụọ, hụn ẹfan a wụ Osolobuẹ, wụ Onyẹ hụn Kachanrịnnị imẹ ụwa ile.

Ẹbụ-ọma 90:2

N'i d'e ke ugu ọwụlẹ, n'i d'e ke ụwa lẹ ndị rịn'a, ịyụ wụ Chuku; ị wụ Chuku ẹdẹi; ịyụ wụzịkwọ Chuku jẹnrin-ejẹn.

Ẹbụ-ọma 93:2

Ukpo-eze i rị ẹdẹi; Yụ nwẹn rịzịkwọ ẹdẹi.

Ẹbụ-ọma 97:9

Makẹni ịyụ wụ Osolobuẹ Kachanrịn ụwa ile; ịyụ ka mmọn ile ọhụnma-ọhụnma.

Ẹbụ-ọma 99:3

Wẹ jama ẹfan ị n'ọ nwọnkẹ ọghọ! Osolobuẹ wụ onyẹ w'a tụ egun ẹ; Onyẹ rị nsọ k'ọ wụ!

Ọpụpụ 15:11

“Euu Osolobuẹ, elee mmọn nọ kẹ yụ? Onyẹ nọ kẹ yụ — hụn rị nsọ pụ-ichẹn; hụn e mẹ ihiẹn a tụ egun w'a ja mma; hụn a rụn ọrụn atụmẹnya?

Ọpụpụ 15:13

I k'e gi ihiẹn-ọsụsụọ ị ghalẹni a gụ du ndị ị gbapụha. I k'e gi ikẹn i du wẹ, du wẹ ru ebe-obibi nsọ ị.

Ọpụpụ 15:18

“Osolobuẹ jẹnkọ d'a kị jẹnrin ejẹn!”

Ọpụpụ 40:34

Ya kẹ orukpu nọ kpumẹ Ọdụ-ozuzu, ọghọ rị Osolobuẹ ẹhụ e jun Ọdụ nsọ.

Ọpụpụ 40:35

Mozizi asazịnị ẹka banye Ọdụ-ozuzu, makẹni orukpu a nọkwasịgụọ a, ọghọ rị Osolobuẹ ẹhụ e jun imẹ Ọdụ-nsọ.

Itẹn 16:19

Ọ ka mma nị ịhịan welụa enwẹn ẹ alị, wụrụ onyẹ wẹ rị e mẹgbu, karị n'ọ rị e sọn ndị mpache e keri ihiẹn wẹ napụ ịhịan.

Itẹn 8:23

O tumẹ m ẹdẹi, isi mbidọn, ogẹn ụwa kelẹni bidọn.

Azaya 18:4

Ọnwan wụ ihiẹn Osolobuẹ gwa m: “M k'a gha ebe m rị e tu udọn e lee wẹ, nọkẹ uwowo ya lẹ anwụn a wị; nọkẹ igirigi a rị imẹ-elu ya lẹ uwowo a wị ogẹn anwụn w'a ghọ ihiẹn-ugbo.”

Azaya 33:5

Osolobuẹ e nwọnkẹ ọghọ; elu-igwee k'o bi; o k'e gi ezioku lẹ ịrị-ọchan mẹjun Zayọnụ wụ Jerusalẹm.

Azaya 40:28

Y'a marịn? Y'e ke nụ? Osolobuẹ wụ Chuku hụn rị jẹnrin ejẹn, Onyẹ hụn ke ebe ile ụwa ru. Ndụn agụkọ a, ẹhụ arọkọ a, onwọnni onyẹ marịn kẹ nghọta a han.

Azaya 52:13

Osolobuẹ sị, lee ẹ, ihiẹn jẹnkọ d'a ghanị odibo m; o k'e nwọn ọghọ, wụrụ onyẹ rị mkpa; o k'a wụ onyẹ rị mkpa ọda-ọda

Azaya 6:1

Ahụa ahụn Eze wụ Uzịa nwụn, m hụn Osolobuẹ k'ọ nọdị alị elu ukpo-eze hụn jẹn elu, nwọn ọghọ; ẹwuru-nze o yi shịagbarị imẹ Ụlọ-NSỌ.

Azaya 6:3

Wẹ hụ e yi, a sị ibe wẹ, “Nsọ! Nsọ!! Nsọ!! Osolobuẹ Ihiẹn Ile rị okpuru ẹ rị nsọ! Ọghọ a jun ụwa ile!”

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Ẹkwan 3:41

Nị ẹnyi weshi obi ẹnyi lẹ ẹka ẹnyi elu zinmẹ Chuku rị elu-igwee, sị a,

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Izikẹlụ 9:4

Ọ sị a, “Ghagbama ọgbara-ogbe ile rị obodoni wụ Jerusalẹm d'e buchesọnmẹ ahịma ezimezi ihun ndị ile rị a kwan a sụn udẹn makẹ arụ ile rị e mẹ imẹ ẹ.”

Daniẹlụ 2:11

Ihiẹn eze rị a sị ẹnyi mẹ e zekẹkwọ. Onwọnni onyẹ k'a gwa eze ya mmanị mmọn, bụ arị wẹ ebeni ịhịan rị.”

Daniẹlụ 4:17

“ ‘Ndị-ozi hị ihiẹnni; ndị-nsọ sị ihiẹnni mẹ, kẹni ịhịan ile rị ụwa marịn nị alị-eze ile ịhịan pumẹ rịchanrịn okpuru Onyẹ hụ Kachanrịnnị, nị o we wẹ e ye onyẹ ọwụlẹ ọ chọ, e wedẹ wẹ e ye onyẹ kachanrịn ntịn a kị.’

Daniẹlụ 4:34

Ogẹn hụ e zugụ, mmẹ wụ Nebukadineza nọ bu ẹnya zinmẹ elu-igwee, ẹnya nọ dọn m. M nọ ja Onyẹ Hụ kachanrịnnị mma; a gbaye m onyẹ hụ rị ndụn jẹnrin ejẹn, ye ẹ ọghọ. Ọkịkị a wụ ọkịkị itẹbitẹ; alị-eze ẹ k'a rị agbọ ile.

Juwẹlụ 2:13

dọwa nị obi ụnụ, ẹlẹ ẹwuru ụnụ. Kinhẹn ni ebe Osolobuẹ wụ Chuku ụnụ rị; onyẹ ẹfọma lẹ omikẹn k'ọ wụ; ara bukẹnrin olulu; o nwọn ihiẹn-ọsụsụọ ọda-ọda; ọ latọ afụnfụn o te k'e ye ịhịan alatọ.”

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Zẹkaraya 2:13

Ịhịan ile, gba nị nkịtịn ihun Osolobuẹ, makẹni ọ ghagụọ Ụlọ a rị nsọ lihi d'a ghọsị ẹka a.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Matiu 6:9

“E mẹ ni nwan ekpere ẹnịna: ‘Nẹdi ẹnyi hụn rị elu-igwee, mẹ ịhịan ile dọnmẹ ẹfan ị nsọ.

Luku 1:49

makẹni Onyẹ Hụ wụ Dikẹn e mẹọlẹni m okẹn ihiẹn; ẹfan a rị nsọ!

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Ọrụn Ndị-ozi 3:14

Ụnụ a jụ Onyẹ-nsọ hụ, Onyẹ ahụn nwọnlẹni ihiẹn o mẹ, sị wẹ hapụnị ụnụ izighẹ.

Ndị Rom 1:20

Ebe o mẹ ni kete Osolobuẹ kelẹ ụwa, ihiẹn ile wẹ ghalẹni e legha banyeni Osolobuẹ pụhachanrịn ifọn, kẹ ikẹn-itẹbitẹ ẹ kẹ ihiẹn o gi wụrụ Osolobuẹ; makẹni w'e gi ihiẹn o ke a ghọta wẹ. Onwọnzini nwan ihiẹn wẹ k'e kin!

Ndị Kọrẹntị Nke Ẹbụọ 1:4

ọ kasị ẹnyi obi imẹ nsọngbu ẹnyi ile, kẹni ẹnyi saẹka e gi obi ọ kasị ẹnyi nwẹn a kasị ndị ọzọ rị imẹ nsọngbu ọwụlẹ obi.

Ndị Kọrẹntị Nke Ẹbụọ 2:7

Gbagharị n'a nwan, gba a umẹ, amamgbe ọ fụ a ghafe okẹn, ndụn a gụ a.

Ndị Kọrẹntị Nke Ẹbụọ 7:6

Kanị Osolobuẹ, hụn a kasị ndị ndụn gụ obi nọ gi ọbịbịa Taịtọsụ kasị ẹnyi obi.

Ditrọnọmi 33:27

Chuku rị ẹdẹi wụ igungun, ẹka itẹbitẹ ẹ hụ okpuru. O k'a chụpụnị ụnụ ndị iṅẹnrẹn ụnụ, a sị, ‘Tikpọ a!’

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Timoti Ibuzọ 6:16

Ịya sụọ wụ onyẹ ghalẹni a nwụnhụn; Onyẹ hụn bi imẹ ukpẹ wẹ ghalẹni a s'ẹka a nọkunmẹ; Onyẹ ịhịan leghatulẹni hụn ịhịan jẹnkọlẹni d'a s'ẹka legha! Mgbaye lẹ ọkịkị itẹbitẹ wụ nke ẹ jẹnrin ejẹn! Isẹẹ.

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Jemisi 4:6

Kanị Osolobuẹ e ye ẹka ọda-ọda; ya haịn Ẹkụkwọ-nsọ gi sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Pita Ibuzọ 5:5

Ẹrịrazịkwọ, ụnụ ndị rị ibe alị, e humẹni ni ndị-isi ụnụ isi. Ụnụ ile, e welụanị enwẹn ụnụ alị ebe ibe ụnụ rị. Makẹni, Ẹkụkwọ-nsọ sị, “Osolobuẹ a nọkin onyẹ mpache ụzọ, kanị, o yeni onyẹ e welụa enwẹn ẹ alị ẹka.”

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”

Rẹvẹleshọnụ 3:7

“Dejẹnni onyẹ-isi ụka Filadefịa, sị a: “Lee ihiẹn onyẹ hụ rị nsọ ku, onyẹ ezioku; onyẹ hụ gi ịsanhan Defidi; onyẹ hụ wẹ ghalẹni a saẹka a gụnma ụzọ ọ gụnpụ mọbụ gụnpụ ụzọ ọ gụnma: ọ sị,

Rẹvẹleshọnụ 4:8

Ihiẹn ẹnọ ndịnị rị ndụn nwọnsọnmẹ nku isin-isin. Ẹnya jun wẹ ẹhụ ile — kẹ okpuru nku wẹ. W'a ra bụbehi ẹbụ, kẹ uhinhin kẹ efinnaị, a bụ, “Nsọ, nsọ, nsọ! Di-nwọnni-ẹnyi Osolobuẹ hụn nwọn ikẹn ile rị nsọ — Onyẹ hụn rị mbụ, hụn rị kikẹnni, hụn lalanị.”

Samuẹlụ Nke Ibuzọ 2:2

Onwọnni onyẹ rị nsọ nọkẹ Osolobuẹ! Onwọnni onyẹ ọzọ rịnị mmanị yụ; onwọnni ọmụma nọ kẹ Chuku ẹnyi.