Azaya 57:13 - Ika

¹³ Ogẹn ụnụ e gi kwanma, a chọ eyemẹka, mmọn lẹ iyi ndị hụ ụnụ kpọntọ wẹ bịakwọ d'a zụọ ụnụ! Ufere k'e bupụ wẹ, uzun mmaka kẹ wẹ e gi buhuhudẹ wẹ. Kanị, onyẹ hụn gbaburuni m k'e nwọnrin alịnị, nwọnrinzikwọ Ugu nsọ m.”

Azaya 57:13 ပူးပေါင်းရင်းမြစ်များ

Ndị-nze Nke Ẹbụọ 3:13

Ẹlaịsha nọ sị eze Izrẹlụ ẹbamịn-ugu, “Kị biri mmẹ lẹ ịyụ? Jẹn d'e kunrun ndị-amụma nẹdi i lẹ ndị-amụma nnẹ i.” Eze Izrẹlụ ẹbamịn-ugu nọ sị, “Mba, Osolobuẹ wụ onyẹ hụn kpọkikomẹ ẹnyi ndị-nze ẹtọnị n'o d'e bu ẹnyi che ẹka eze Mụabụ.”

Jobu 21:18

Elebe kẹ wẹ nọdẹ a rị kẹ ẹfịfịa ọkpọ-nkụn ufere bukọ mọbụ ifunfun ihiẹn okẹn ufere e bupụ?

Ẹbụ-ọma 1:4

Ndị eje-omumẹ anọkwọnị ẹrịra! Wẹ nọhụ kẹ ẹfịfịa ọka, hụn ufere e bupụ.

Ẹbụ-ọma 118:8

Ọ ka mma nị ịhịan gbọnni Osolobuẹ karị igi ịhịan dọn ẹnya.

Ẹbụ-ọma 125:1

Ndị gi Osolobuẹ dọn ẹnya nọ kẹ ugu-Zayọnụ, hụn wẹ ghalẹni asẹka e mẹhunmẹ, hụn k'a rị jẹnrin ejẹn.

Ẹbụ-ọma 37:11

Kanị ndị e welụa enwẹn wẹ alị k'e weri alị, a gha ihun ọhụnma-ọhụnma.

Ẹbụ-ọma 37:22

Alị k'e họnrin nke ndị hụn Osolobuẹ gọzi, kanị owepụ kẹ wẹ k'e wepụ ndị hụn ọ bụ ọnụ.

Ẹbụ-ọma 37:29

alị k'e họnrin nke ndị ezi-omumẹ, e biri wẹ ẹ jẹnrin ejẹn.

Ẹbụ-ọma 37:3

Gi Osolobuẹ dọn ẹnya, e mẹ mma; biri alị ị rị, e ri ihiẹn ezi-omumẹ rị e wẹhẹ.

Ẹbụ-ọma 37:34

Cheri Osolobuẹ, y'e sọnsọnmẹ ụzọ a. O k'e bushi i elu kẹni alị hụn ụzọ họnrin nke i; ị k'a hụn kẹ wẹ gbupụ ndị-njọ.

Ẹbụ-ọma 37:9

Makẹni wẹ k'e gbupụ ndị e mẹ eje-ihiẹn, kanị ndị gi Osolobuẹ e dọn ẹnya k'e nwọnrin alị.

Ẹbụ-ọma 58:9

Ite gini d'a nụ ọkụn, Osolobuẹ ya zachanpụ ndị eje-ịhịan, kẹ wẹ dọn a zachanpụ nkụn wẹ gi fiye ọkụn kẹ nke ndụn kẹ nke ọkpọ-nkụn.

Ẹbụ-ọma 84:12

Osolobuẹ ihiẹn ile rị okpuru ẹ, ndị ile gi i dọn ẹnya e nwọnkẹ ngọzi!

Itẹn 28:25

Onyẹ ẹnya-uku e buhẹ ikpe, kanị o k'a masịnị onyẹ hụn gi Osolobuẹ e dọn ẹnya.

Azaya 11:9

Ịrụ-ẹhụ lẹ ntikpọ arịkọzị elu ugu nsọ m ile — makẹni ịmarịn-Osolobuẹ k'e jun elu-ụwa ile kẹ mirin dọn jun ohimin.

Azaya 14:32

Kịnị kẹ wẹ jẹnkọ d'a shịarị ndị ụkọ alị hụ zila? “Osolobuẹ e tumẹgụọ Zayọnụ; imẹ Zayọnụ kẹ ẹhụ a nọ fu ndị nke ẹ wẹ rị e mẹkpa ẹhụ.”

Azaya 25:4

Ịyụ wụ ebe ndị igbẹnnyẹ a gbaban, ebe onyẹ mkpa gi a gbaban ogẹn nsọngbu ẹ, y'e kpumẹ ịhịan ebe okẹn ẹbi rị a kpọ, ị wụzị igungun ogẹn anwụn rị ma. Makẹni ihiẹn ndị ẹfọ-njọ rị e mẹ ịhịan nọ kẹ okẹn ẹbi rị a kpọ ẹhụ-ụlọ,

Azaya 40:24

O ke kẹrẹni wẹ hụ kụn wẹ, o ke kẹrẹni wẹ hụ ghaye wẹ, o ke kẹrẹni wẹ hụ gba akwanran ọ fụ wẹ ufere, e shinwụn wẹ, okẹn ufere e bupụ wẹ lekẹ ẹfịfịa-ọkpọnkụn.

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Azaya 45:20

‘Gbakikomẹ ni bịa; ụnụ ile gha alị ichẹn-ichẹn gbapụha; ndị hụn e buhunmẹ mmọn wẹ pịn amarịn ihiẹn, ndị hụn a kpọku mmọn ghalẹni a zụọpụha ịhịan.

Azaya 49:8

Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Azaya 60:21

Ndị nke ụnụ ile k'a wụchanrịn ndị ezi-omumẹ; wẹ k'e nwọnrin alịnị jẹnrin-ejẹn. A wụrụ wẹ ihiẹn m gi ẹka m kụn, ọrụn ẹka m — hụn k'e wẹhẹni m ọghọ.

Azaya 65:11

Kanị, ụnụ ile hụn gbakitọ Osolobuẹ azụụn, zọchanrịn ofufe ụnụ e fe m Ugu nsọ m; ụnụ ile hụn e fe Isi-ẹwẹrẹ, e butọn'a ihiẹn-oriri, e fe Okeri, e hugbaman'a manya, e mẹjunn'ẹ mkpu;

Azaya 65:25

Eje-anụ wụ wofu lẹ atụnrụn k'a kpagbama nni; ẹwọrọ k'a gha e ri ẹfịfịa nọkẹ efin; agwọ nkẹ k'a gha e ri ẹjan; arụkọ wẹ onyẹ ọwụlẹ ẹhụ mọbụ wiwi ihiẹn ebe ọwụlẹ elu Ugu nsọ m.” Ya kẹ Osolobuẹ ku.

Azaya 65:9

M k'a gha imẹ ebọn Jekọpụ wepụha ndị k'e bikin alị m; m k'a gha Juda wepụha ndị k'e weri ugu m ile. Ndị nke m k'e nwọnrin wẹ; idibo m k'e biri ebẹhụ.

Azaya 66:20

Wẹ k'a gha alị ile ndị nke ụnụ rịsọnmẹ welụa wẹ Ugu nsọ m rị Jerusalẹm, gi wẹ kwanị mmẹ wụ Osolobuẹ. Wẹ k'e gi ẹshin lẹ ụgbọ-ẹshin lẹ ihiẹn ndị ọzọ wẹ gi e bu ịhịan bulụa wẹ, kẹ anyịnyan mulu kẹ anyịnyan-mkpukpuke.” Ya kẹ Osolobuẹ ku. Wẹ k'e wẹhẹ wẹ kẹ ndị Izrẹlụ dọn e gi afẹrẹ rụlẹni e buhẹni Osolobuẹ oyiye.

Jerimaya 2:28

Ebe mmọn ndị ahụn ụnụ mẹmẹrin rịzị nwan? Wẹ bịa nwan, omẹni wẹ sa ẹka zụọpụha ụnụ imẹ nsọngbu! Ẹghẹẹ, y'e nwọnghọ mmọn bu ọda, Juda — mmọn buhan ọda kẹ obodo ndị rị imẹ i!”

Jerimaya 22:20

“Nyinrin ni ugu Lẹbanọnụ d'a kwan ẹkwan; shizikwọ nị Bashanị d'a kwan nị wẹ nụ olu ụnụ; nyinrindẹ ni ugu Abarim d'a kwan ẹkwan — makẹni e gwerinriẹngụọ wẹ ndị-ọwụ ụnụ ụnụ te gi dọn ẹnya!

Jerimaya 22:22

“Ufere jẹnkọ d'e buru ndị-isi ụnụ, wẹ k'a kpụnrụn ndị ọwụ ụnụ ụnụ gi dọn ẹnya shi alị ọzọ. Ogẹn ahụn ụnụ a fa, ifẹnrẹn e mẹ ụnụ makẹ njọ ile ụnụ mẹ.

Jerimaya 30:14

Alị ile yụ lẹ wẹ te a sụọ, a zọgụọ ị; onwọnzini ihiẹn wẹ gi i e mẹ. E mẹgụọ m'ị ihiẹn eṅẹnrẹn e mẹ ịhịan, ye i afụnfụn kẹ onyẹ ẹfọ jọ dọn e ye ịhịan, makẹni ikpe ma ị ọda-ọda, njọ ị e bukẹ ọda.

Izikẹlụ 20:40

Makẹni, mmẹ, Osolobuẹ Nwọn Ihiẹn Ile, rị e ku ẹ nị Izrẹlụ ile k'a nọrịrị elu-ugu nsọ m, elu ugu rị Izrẹlụ, fe m ofufe, wẹ ile k'a nọrịrị imẹ alị Izrẹlụ ebẹhụ fe m. M k'a nabanhan wẹ ebẹhụ, nọ a lemẹzi ẹnya ihiẹn ụnụ a tụhanị m lẹ oyiye ndị hụ kachanrịn mma ụnụ e ye lẹ ihiẹn ndị ọzọ ile rị nsọ ụnụ gi e fe m.

Hosia 13:3

Ufiri ihiẹnni, wẹ k'e fopụ kẹ igirigi ụtụntụn igirigi ụtụntụn hụn ghalẹni e bie; wẹ k'a nọ kẹ ẹfịfịa-ọka hụn ufere rị e bupụ ebe wẹ nọ a kụkpọ ọka, nọkẹ ẹnwụnrụn rị a gha windo a lọpụ.

Juwẹlụ 3:17

Ogẹn hụ, ụnụ a marịn nị mmẹ, Osolobuẹ hụn wụ Chuku ụnụ, bi Ugu Zayọnụ, ugu nsọ m. Jerusalẹm k'a wụ obodo rị nsọ, abịamabịa emẹrikọzị a.

Zẹkaraya 7:13

Ebe o mẹni azanị wẹ m kẹ m kpọ wẹ oku, a kpọ wẹ m, m nọ jụ n'a zakọ m wẹ. Ya kẹ mmẹ wụ Osolobuẹ ihiẹn ile rị okpuru ẹ ku.

Ndị Han Eṅẹn 10:14

D'a kwanghọsị nị mmọn-lẹ-iyi ndị ahụn ụnụ họrị; wẹ zụọpụha nwan ụnụ imẹ nsọngbu.”