Azaya 57:1 - Ika

¹ Ndị ezi-omumẹ hụ a nwụn, onwọnni onyẹ e ron'ẹ; wẹ hụ e weri ndị gi obi wẹ ile e fe Osolobuẹ, onwọnni onyẹ a ghọtanị nị w'e weri ndị ezi-omumẹ makẹ eje-ihiẹn gha e kunrun wẹ;

Azaya 57:1 ပူးပေါင်းရင်းမြစ်များ

Ndị-nze Nke Ibuzọ 14:13

Kanị, Izrẹlụ ile jẹnkọ d'a kwan a, li ẹ. Ya sụọ kẹ wẹ k'e li imẹ ndị ile wụ nke Jerobụam, makẹni, imẹ ikpụlọ Jerobụam, ịya sụọ kẹ Osolobuẹ wụ Chuku Izrẹlụ hụn ihiẹn rị mma imẹ ẹ.

Ndị-nze Nke Ẹbụọ 22:20

Makẹ ufiri ẹ, m k'e cheri n'i laburugụ ndị nẹdi i, e ligụ wẹ i udọn lẹ ndọnkwa, o kebe mẹ. Y'e gikọ ẹnya ị hụn ntikpọ m jẹnkọ d'e tikpọ obodoni.’ ” Ya wẹ nọ kin azụụn d'a gwa eze ihiẹn okpoho onyẹ-amụma ahụn ku.

Ihiẹn Mẹni Nke Ẹbụọ 32:33

Hezikaya a nwụnhụn, laburu ndị nẹdi ẹ, wẹ nọ li ẹ ye elu òke w'e liye ebozo Defidi. Ndị Juda lẹ Jerusalẹm ile ye ẹ ọghọ k'ọ nwụnhụn, nwa a wụ Manasẹ nọ họnrin eze nọkin ẹnya a.

Ihiẹn Mẹni Nke Ẹbụọ 34:28

M k'a nị ị nwan nwụnhụngụ, laburu ndị nẹdi i; wẹ k'e li i ọhụnma. Ẹnya ị ahụnkọ ihiẹn ile m k'e mẹ ebeni lẹ ndị bin'ẹ.’ ” Ya wẹ nọ jẹn d'a gwa eze kẹ wẹ jẹn.

Ihiẹn Mẹni Nke Ẹbụọ 35:24

Ya wẹ nọ gha ụgbọ-ẹshin ẹ bupụha a, bu ẹ che ụgbọ-ẹshin ẹ ọzọ, bu ẹ la Jerusalẹm; ọ nọ nwụntọ imẹ Jerusalẹm ebẹhụ. Wẹ nọ li ẹ ye ebe wẹ liye ndị nẹdi ẹ, Juda ile lẹ Jerusalẹm ile nọ kwan a.

Ẹbụ-ọma 12:1

Dodo Osolobuẹ, d'e ye ẹka n'o nwọnzini onyẹ a tụ egun Osolobuẹ rịnị; w'a ra hụnzị ndị ezioku!

Ẹbụ-ọma 37:37

Lekpọ onyẹ nwọnlẹni nkọrịanị; leledẹle onyẹ obibi ẹ kụrụ ọtọ; o k'a masịnị onyẹ-udọn ihun.

Azaya 42:25

Ya ọ nọ gi eje-olulu ẹ sọn wẹ, gi agha lẹ ogbugbu lẹ ntikpọ rịn'a sọn wẹ; agha nọ kpumẹ wẹ lekẹ ọkụn rị e nwunni — aghọtakwọnị wẹ; agha e bu wẹ ri kẹ ọkụn, egizikwọnị w'a dọn.

Azaya 47:11

Eje-ihiẹn k'e kunrun i, y'a marịnkọ ọgụn y'e gi gwọpụ a; ọdakin k'e kunrun i, y'a sakọ ẹka gi ihiẹn ọwụlẹ gbarị isi i; okẹn eje-ihiẹn ị tụlẹni ẹnya a k'e kunrun i idẹnmizi.

Azaya 47:7

I te sị enwẹn i, ‘M k'a kị jẹnrin ejẹn — eze-okpoho itẹbitẹ kẹ m wụ!’ Bụ y'e rokpọnị ihiẹn ndịnị mọbụ rodẹ ihiẹn o k'e buhẹ.

Azaya 57:11

Onyẹ k'i rị a manị piripiri, a tụ egun ẹ hụnnị ile — i gi a tụ m ntụ ẹnịna; i gilẹni a nyanhan m mọbụ e rodẹ ihiẹn rị e mẹni? Ẹlẹ nkịtịnnị m gbabie haịn i gilẹni a tụ egun m?

Jerimaya 18:11

“Gwa nwan ndị Juda lẹ ndị ile bi obodo Jerusalẹm nị Osolobuẹ sị: m rị a kwademẹ ihiẹn m jẹnkọ d'e mẹ ụnụ, m rị a mamanị ụnụ eje-ihiẹn. La nị nwan eje-obibi ụnụ tọ; onyẹ-onyẹ imẹ ụnụ ya bihutọ ẹka, mẹmẹ ihiẹn rị mma.

Jerimaya 22:10

Ẹlẹ eze wụ Josaya hụn nwụnhụnnị kẹ ụnụ sikọ d'a kwan mọbụ kwannị ẹkwan. Ka kwanma nị Shalum wụ Jeho-ahazị hụn rikin ẹ eze wẹ kpụnrụn nwan shi alị ọzọ, makẹni onwọnzini ogẹn o k'e gi kinhẹn mọbụ hụnzị alị a.

Izikẹlụ 21:3

Sị alị Izrẹlụ, ‘Osolobuẹ sị: Lee ẹ, mmẹ lẹ yụ rọ! M k'e sepụha ọpịa-agha m imẹ ọbụọ a, gbupụ kẹ ndị ezi-omumẹ kẹ ndị-ejẹ rịn'a!

Maịka 7:2

Ndị e mẹ uche Osolobuẹ arịzị alịnị; onwọnzini onyẹ kụrụ ọtọ. Onyẹ ọwụlẹ hụ e che n'o gbu ibe ẹ; onyẹ-onyẹ hụ e shitọnị ibe ẹ ọnyan.

Malakaị 2:2

ụnụ jụ nị ụnụ egọnkọ m ntịn, nị ụnụ egikọ oku iye ẹfan m ọghọ dọn, m k'a bụ ụnụ ọnụ; m k'e gi ịbụ-ọnụ nọkin ngọzi ụnụ — e mẹgụọdẹ m'a, makẹni ụnụ egini oku iye ẹfan m ọghọ dọn. Ya kẹ Osolobuẹ ihiẹn ile rị okpuru ẹ ku.

Ọgụngụn 23:10

“Onyẹ k'a s'ẹka gụngụ ẹjannị wụ ebọn Jekọpụ? Wẹ kebedẹ Izrẹlụ ụzọ ẹnọ, onyẹ k'a saẹka gụngụdẹ azụụn ohu?! “Dodo, ni m nwụndẹ kẹ ndị ezi-omumẹni! Dodo, njẹndemẹ m ya nọ kẹ nke wẹ!”