Azaya 56:11 - Ika

¹¹ Nkitẹ okẹn ihiẹn-oriri kẹ wẹ wụ, ẹfọ ara jun wẹ! Ndị-ndu nwọnlẹni nghọta kẹ wẹ wụ; wẹ ile e mẹsọnmẹ ihiẹn sụọnị wẹ, onyẹ-onyẹ hụ a chọ nke-ẹ nke-ẹ.”

Azaya 56:11 ပူးပေါင်းရင်းမြစ်များ

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Izikẹlụ 13:19

Ụnụ rị e gi ufiri ọka-bali junhụ ọb'ẹka w'e kpọnye ụnụ lẹ mpekele brẹdi e budan m ẹnya ndị nke m. Ụnụ hụ e gi ntụ ụnụ rị a tụ ndị nke m hụn gi ntụ e dọn e gbu ndị furu ni wẹ rị ndụn, a latọ ndị furu ni wẹ nwụn.

Rẹvẹleshọnụ 22:15

Makẹni ndị e bi kẹ nkitẹ, ndị nshi-lẹ-ẹjan, ndị ughẹrẹ, ndị-izighẹ, ndị a rụa mmọn lẹ onyẹ ọwụlẹ e mẹ mọbụ a kwadọn ihiẹn ya lẹ ntụ wị abanyekọ obodo hụ.

Taịtọsụ 1:7

Ebe o mẹ ni onyẹ-isi ụka e lepụ ọrụn Osolobuẹ ẹnya, o furuni n'o nwọn nkọrịanị. Ọ wụkọ onyẹ e mẹ uche ẹ mọbụ onyẹ e bukẹnrin olulu mọbụ onyẹ-manya mọbụ onyẹ ẹka-ikẹn mọbụ onyẹ e mẹ oku egho.

Jọnụ 8:43

Kị haịn ụnụ gilẹni a ghọta ihiẹn m rị e ku? Ụnụ arị a ghọta makẹni ụnụ ara s'ẹka gọn ntịn oku m.

Azaya 57:17

Iwe te we m makẹ njọ ẹnya-uku ẹ, e ye m'ẹ afụnfụn, gi olulu bupụ ihun, kanị ọ tọkwọ isi-ikẹn e bu.

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Judu 1:16

Ogẹn ile kẹ ndịnị gi e dẹnnwịnnwịn, a kọrịanị ịhịan, e mẹ ihiẹn gụnnị wẹ; w'e kukarị enwẹn wẹ, e gi ọnụ-ọma a tụnarịn ịhịan ihiẹn wẹ.

Judu 1:11

O k'a jọnị wẹ njọ! E sọnmẹgụọ wẹ ụzọ Keni hụn gbu ọchụn; e gigụọ wẹ ufiri egho mẹmẹ kẹ Balaam; e nupụgụọ wẹ isi kẹ Kora a la ntikpọ kẹ ịya.

Pita Nke Ẹbụọ 2:3

Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!

Pita Ibuzọ 5:2

e lepụ nị atụnrụn Osolobuẹ wẹ buche ụnụ ẹka ẹnya; e du ni wẹ, ẹlẹ nke ndị wẹ wa a ye olu, kanị nke ndị gi obi wẹ a rụn — hụn wụ ihiẹn Osolobuẹ chọ; egilẹ ni ẹkpịrị egho mẹ ẹ, kama ya wụrụ ihiẹn a dụ ụnụ omumẹ.

Taịtọsụ 1:11

O furu ni wẹ kpukin wẹ ọnụ! Makẹni, wẹ rị e gi ihiẹn ahụn furulẹni wẹ gi ufiri egho a kuzi a sụkpọsọnmẹ ikpụlọ.

Timoti Ibuzọ 3:8

Ẹrịrazịkwọ, ndị-ọrụn ụka k'a wụrịrị ndị furu w'a gbaye; awụkọ wẹ ndị irenaị; awụkọ wẹ ndị okẹn-manya mọbụ ndị ẹkpịrị-egho.

Timoti Ibuzọ 3:3

O mẹkọ onyẹ-manya mọbụ onyẹ ẹka-ikẹn, kanị onyẹ e mẹ jụụ; ẹlẹ onyẹ ikpe-lẹ-ọgụn mọbụ onyẹ egho a sụọ.

Ndị Filipi 3:19

Wẹ shikọ ntikpọ; ẹfọ wẹ wụ Chuku wẹ; ihiẹn nkẹ e mẹ wẹ ifẹnrẹn kẹ wẹ gi a nyan isi; ihiẹn-ụwa ihiẹn-ụwa kẹ wẹ e ro.

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ọrụn Ndị-ozi 20:33

“Onwọnni onyẹ egho ẹ mọbụ goru ẹ mọbụ ẹkwa a la m ẹnya.

Ọrụn Ndị-ozi 20:29

A marịnghọ m nị m pụgụ, eje-ẹwọrọ k'a bịa imẹ igunrun ụnụ d'e ripụ atụnrụn.

Malakaị 1:10

K'ọ rị m nwan, onyẹ ohu imẹ ụnụ a gụnma ụzọ Ụlọ-nsọ, amamgbe ụnụ ghazị a mụye ọkụn nwọnlẹni ihiẹn m gi ẹ e mẹ elu ukpo nchụn-ẹjan m! Ihiẹn ụnụ rị e mẹ asụọnị m kaka; anarịnkọ m ẹjan ụnụ. Ya kẹ Osolobuẹ ihiẹn ile rị okpuru ẹ ku.

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Ẹkịliziastisi 5:10

Ẹfọ egho ara jun onyẹ egho a sụọ; ẹfọ akụ-lẹ-ụba ara jun onyẹ akụ-lẹ-ụba a sụọ. Ọnwan wụzịkwọ ihiẹn ọlaliwi.

Samuẹlụ Nke Ibuzọ 2:29

Kị ụnụ rị nwan e legberini ẹjan lẹ oyiye m hụn m tumẹni Ụlọ m? K'ị rị a gbayeni ụmụ ị a karị m — ụnụ gi e weri ebe ka mma imẹ oyiye ile ndị nke m rị e wẹhẹni m, e gi e rijun ẹfọ?

Ọpụpụ 23:3

egbeyekwọlẹni ịhịan yeni n'ọ wụ ogbẹnnyẹ.

Ndị Filipi 3:2

Kpachanpụ nị ẹnya makẹ nkitẹ ndị hụ! Kpachanpụ nị ẹnya makẹ ndị ahụn rị e mẹ eje-ihiẹn! Ẹghẹẹ, kpachanpụ nị ẹnya makẹ ndị hụ e bekika ịhịan ẹhụ nị wẹ rị a kwa ugun!

Azaya 28:7

Ndịnị hụzị a hanfie ụkụ yeni manya, wẹ hụzị a kpọgburusọnmẹ yeni manya: kẹ ndị nchụn-ẹjan kẹ ndị-amụma hụzị a hanfie ụkụ yeni manya; manya ara nịzị wẹ marịn ihiẹn wẹ rị e mẹ; wẹ hụ e ruehunmẹ — a hụnfie ọhụn, a hanfie eṅẹn.

Jerimaya 6:13

“Kẹ onyẹ-uku kẹ onyẹ-nta wẹ ile chọkọ ihiẹn a ban wẹ ẹkpa; kẹ ndị-amụma kẹ ndị nchụn-ẹjan, wẹ ile wụ ndị ntụ-lẹ-aghịghọ.

Jerimaya 8:10

Ufiri ihiẹn wẹ rị e mẹ, m k'e we inyẹnmẹ wẹ ye ndị ọzọ, we ugbo wẹ ye ndị ọzọ weri. Kẹ ndị uku kẹ ndị nta, ẹnya wẹ ile rị ihiẹn k'a ban wẹ ẹkpa; kẹ ndị-amụma kẹ ndị nchụn-ẹjan wụchanrịn ndị ntụ-lẹ-aghịghọ.

Hosia 4:8

Wẹ rị e gi njọ ndịnị e rijun ẹfọ, ọ sụọ wẹ nị ndịnị rị e mẹ njọ.

Ọgụngụn 22:7

Ndị-isi alị Mụabụ lẹ ndị-isi alị Midianị nọ jẹnmẹ; wẹ gihụ egho wẹ gi e fi ẹfa hụn w'e sikọ d'a kụ Balaam. E ru wẹ nke Balaam, wẹ nọ gwa a ihiẹn Balakị ku.

Ndị Han Eṅẹn 18:20

Ẹfọ nọ sụọ ohẹn Maịka hụ ụsụọ. Ya ọ nọ weri Ẹfọdụ hụ ndị nchụn-ẹjan Osolobuẹ e yi lẹ mmọn ndị ọzọ hụ a rị ezi-lẹ-ụlọ lẹ mmọn hụ wẹ tụ, sọnmẹ ndị Danị.