Azaya 55:8 - Ika

⁸ Osolobuẹ sị, “Ẹlẹ ihiẹn ụnụ e ro kẹ m'e ro, m'ara mẹ ihiẹn kẹ ụnụ e mẹ.”

Azaya 55:8 ပူးပေါင်းရင်းမြစ်များ

Samuẹlụ Nke Ẹbụọ 7:19

Ọ nọkẹ sị ọhụn ehidẹni i ẹnya, Osolobuẹ nwọn ihiẹn Ile, y'e kugụọzị nwan oku ihiẹn i jẹnkọ d'e mẹni ikpụlọ mmẹ wụ odibo i ihun. Euu Osolobuẹ nwọn ihiẹn ile, ẹkanị k'i gi e sọn ịhịan?

Ndị-nze Nke Ẹbụọ 5:11

Ya Naamanị nọ gi iwe pụ. Ọ sị, “M rodẹ n'o k'a pụha d'e kunrun m, turu, kpọku ẹfan Osolobuẹ wụ Chuku ẹ, fe ẹka ebẹhụ rị e rọnni m, zụọ m oti hụ.

Jobu 35:5

Lee ẹnya igwere n'ị hụn; bu ẹnya zinmẹ orukpu igwere hụn jẹnnahịn ị elu.

Ẹbụ-ọma 25:10

Ụzọ Osolobuẹ ile wụ ihiẹn-ọsụsụọ ihiẹn-ọsụsụọ lẹ ihiẹn wẹ gi e dọn ẹnya — ebe ndị e mẹ ihiẹn Iwu ẹ chọ rị.

Ẹbụ-ọma 33:11

Kanị ihiẹn Osolobuẹ romẹ k'a rị a bụn jẹnrin ejẹn, ihiẹn o bu obi k'a rị a gha ihun gha agbọ pụ agbọ.

Ẹbụ-ọma 40:5

Osolobuẹ wụ Chuku m — y'a rụnọlẹ ihiẹn a tụ ẹnya bu ọda i rotọnị ẹnyi; onwọnni onyẹ nọ kẹ ịyụ; m sị nị m gbama wẹ, wẹ k'a karị ẹka.

Ẹbụ-ọma 92:5

Euu Osolobuẹ, ọrụn ẹka ị e hikẹ ogbe! Iroro i e mikẹ!

Itẹn 21:8

Obibi onyẹ njọ ara zinrin, kanị obibi onyẹ ẹka a rị ọchan kụrụ ọtọ.

Itẹn 25:3

Kẹ igwere dọn jẹn elu, lẹ kẹ alị dọn mi — ẹrịra kẹ obi ndị-nze jẹn elu, mi — w'a ra s'ẹka ghọta a.

Azaya 14:24

Osolobuẹ hụn nwọn ikẹn ile e kunọlẹ enwẹn ẹ, ọ sị, “Ihiẹn k'e mẹrịrị kẹ m dọn chọ a; ihiẹn m rotọ k'a bụnrịrị.

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Azaya 58:13

Omẹni y'a latọnị idọnmẹ Ụhụọhịn Ezumikẹn m nsọ, omẹni y'e gizini Ụhụọhịn-nsọ m mẹ ihiẹn sụọnị ị; omẹni y'e kumẹ oku Ụhụọhịn Ezumikẹn ọhụnma, e ye Ụhụọhịn hụ rị Osolobuẹ nsọ ọghọ, omẹni y'e mẹbehi ihiẹn rị ị obi kẹni i ye Ụhụọhịn-nsọ a ọghọ, mẹbehi k'ọ sụọ ị, kubehi oku nwọnlẹni isi.

Azaya 65:2

A shịapụgụọ m ẹka m ẹbụbụọ kẹ ụhụọhịn han, e che ndị isi-ikẹn, hụn a ghasọnmẹ eje-ụzọ — e mẹ ihiẹn sụọnị wẹ,

Azaya 66:18

“Mmẹ nwẹn, ufiri omumẹ wẹ lẹ ihiẹn wẹ rị e ro, m lala d'e wegbama ndị alị ile lẹ ndị asụsụ ile, a bịa wẹ d'a hụn ọghọ m.

Jerimaya 3:1

“Okẹnnyẹ kpechan nwunyẹ ẹ, nị hụn okpoho a pụ, lụma okẹnnyẹ ọzọ, nị di ẹ mbụ lụmazị a? Alị a rụchanrịnkọ o mẹ ẹ? Kanị ị hụ e bi kẹ ịgbaraja ya lẹ ndị bu ọda rị a sụọ, nị ị buruhẹzi m nwan?” Ya kẹ Osolobuẹ ku.

Izikẹlụ 18:29

Kanị ụmụ Izrẹlụ hụkwọ a sị, ‘Osolobuẹ ara mẹ ihiẹn ọhụnma.’ Ụmụ Izrẹlụ, ụnụ sị m'a ra mẹ ihiẹn ọhụnma? Ẹlẹ ụnụ ghalẹni e mẹ ihiẹn ọhụnma?

Daniẹlụ 4:37

Mmẹ wụ Nebukadineza rị nwan a ja Eze elu-igwee mma, e bushi ẹ elu, e ye ẹ ọghọ makẹni ihiẹn ile o mẹ rị mma; ụzọ a ile zinrin ezinrin. Ọ sa ẹka e wetu ndị hụn e bọnmẹni alị.

Hosia 14:9

Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Samuẹlụ Nke Ibuzọ 16:7

Kanị Osolobuẹ nọ sị Samuẹlụ, “Etulẹ kẹ ẹhụ a nọ mọbụ k'ọ pụhan-ẹka, nị ẹlẹ ịya kẹ m họrị. Osolobuẹ ara lee ihiẹn kẹ ịhịan dọn e lee! Hụn ẹnya e legha kẹ ịhịan e lee, kanị obi kẹ Osolobuẹ e lee.”