Azaya 55:7 - Ika

⁷ Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Azaya 55:7 ပူးပေါင်းရင်းမြစ်များ

Jẹnẹsisi 6:5

Osolobuẹ a hụn a nị eje-ihiẹn hụn rị imẹ ịhịan rị a waye elu-ụwa lẹni eje-ihiẹn kẹ w'e ro ogẹn ile,

Ihiẹn Mẹni Nke Ẹbụọ 15:2

Azaria nọ jẹn d'e kunrun Asa, sị a, “Asa lẹ ndị Juda lẹ ndị Bẹnjamini ile, gọn ni m ntịn. Osolobuẹ a nọyeghọnị ụnụ omẹni ụnụ a nọdịyen'ẹ. Ụnụ chọ a, ụnụ k'a hụn a, kanị ụnụ gbakitọ a azụụn, ọ gbakitọ ụnụ azụụn.

Ihiẹn Mẹni Nke Ẹbụọ 15:4

Kanị, ogẹn wẹ gi rị imẹ nsọngbu, wẹ nọ gbehutọ buru Osolobuẹ wụ Chuku Izrẹlụ, chọ a, ọ nọ nị wẹ hụn a.

Ihiẹn Mẹni Nke Ẹbụọ 30:6

Kẹ eze dọn ku ẹ, ndị o zi nọ gi ẹkụkwọ-ozi hụ eze lẹ ịhaịmẹ ẹ de ghagbarị Izrẹlụ lẹ Juda ile. Ihiẹn wẹ de wụ: “Ndị Izrẹlụ, kinhẹn ni d'e kunrun Osolobuẹ wụ Chuku Ebraham, Aziki lẹ Izrẹlụ, kẹni o kinhẹn d'e kunrun ụnụ ndị họdụnị, ndị wanahịn ndị-nze Asiria.

Ihiẹn Mẹni Nke Ẹbụọ 33:13

Ogẹn o gi mẹ ekpere jẹnni Osolobuẹ, arịrịọ a nọ mẹtụ Osolobuẹ, ọ nọ gọn ẹ ntịn; ya ọ nọ wekinhẹn ẹ Jerusalẹm, wezi alị-eze ẹ ye ẹ kịma. Ya kẹ Manasẹ nọ marịn nị Osolobuẹ wụ Chuku nke esi.

Ihiẹn Mẹni Nke Ẹbụọ 7:14

omẹni ndị nke m, ndị rị a za ẹfan m, e welụaghọ enwẹn wẹ alị, mẹ ekpere, chọ ihun m, latọ eje-ihiẹn w'e mẹ, m k'a gha elu-igwee nụ olu wẹ, a gbagharị m wẹ njọ, zụọ alị wẹ emu rị a kụn'a.

Jobu 22:23

I kinhẹn d'e kunrun Onyẹ Hụ Nwọn Ikẹn Ile, o k'e wekin i ọnọdị ị: omẹni y'e wepụghọ eje-ihiẹn iwe i,

Ẹbụ-ọma 130:4

Kanị, y'a gbagharị njọ agbagharị, wẹ hụ e gi ufiri ẹ a gbaye i.

Ẹbụ-ọma 130:7

Ndị Izrẹlụ, gi ni Osolobuẹ dọn ẹnya! Makẹni, ara nwọnbehi ihiẹn-ọsụsụọ lẹ ni ọ gbapụha ịhịan ọda-ọda.

Ẹbụ-ọma 51:1

Dodo mẹ omikẹn m, Osolobuẹ, makẹ ufiri ihiẹn-ọsụsụọ ị; gi ufiri okẹn ẹfọma ị finchanpụ njọ ile m mẹ i!

Ẹbụ-ọma 66:18

Omẹni m te rị e ro njọ, Osolobuẹ eke gọn m ntịn.

Itẹn 28:13

Ara masịnị onyẹ hụn e kpumẹ njọ a, kanị onyẹ hụn e kupụha njọ a, e bihutọ ẹka, kẹ wẹ e mẹni omikẹn.

Azaya 1:19

Omẹni ụnụ e wepụha obi, humẹ isi, ụnụ k'e ri ezigbo ihiẹn rị alịnị;

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 21:12

Onyẹ-nche nọ sị, “Eki e d'e fọn, kanị uhinhin lalazị. Ị chọzị nị jụ, y'e kinhẹnzi d'a jụ.”

Azaya 31:6

“Euu ndị Izrẹlụ, kin ni nwan azụụn buru Osolobuẹ, ọ sụọn'a nị ụnụ e gigụọ nnupụ-isi ụnụ mẹ ẹ njọ ọda-ọda.

Azaya 32:7

O mẹ nke eje-ịhịan, eje-ihiẹn rị a ẹka ogẹn ile; o ropụha eje-ihiẹn — hụn wẹ gi e kingbu ogbẹnnyẹ imẹ ọgwa, ọsụọn'a nị ogbẹnnyẹ te k'e ri eṅẹn.

Azaya 40:2

Gwa nị Jerusalẹm oku a rọkọ obi, hịnị n'a ya n'ọ nụ a — nị agha e mẹgụọ a ihiẹn o k'e mẹ ẹ; n'ọ kụgụọ ụgwọ njọ a; nị Osolobuẹ e yegụọ a afụnfụn njọ a, yekwasị.

Azaya 43:25

Mmẹ rị e finchanpụ mmẹfie ụnụ, mmẹ lẹ enwẹn m; makẹ ufiri mmẹ lẹ enwẹn m, anyanhankọzị m njọ ọnụ.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 54:10

Ọsụọn'a nị wẹ mẹhunmẹ ugu ile, Ọsụọn'a nị wẹ wepụ òke ile — enwọnbehikọ m ihiẹn-ọsụsụọ ị hụn m kwe nkwa a, alatọkọ m nkwa m kwe i hụn ihiẹn gi a rịn'ị mma. Ịya kẹ Osolobuẹ hụn e mẹn'i omikẹn ku.

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Azaya 58:6

Ọnwan wụ ọnụ m sị ụnụ e bu: ịkpọpụ ndị wẹ rị e mẹ eje-ihiẹn ẹgan lẹ ịtọpụ ndị wẹ rị a kịgbu ẹgbụn, ịhatu ndị wẹ rị a bịangbu lẹ itibepụ agbụn ile rị wẹ olu. Ẹlẹ ịya?

Azaya 59:7

Ụkụ a kẹrẹka wẹ ebe eje-ihiẹn rị, ara fụdẹ wẹ ọrụn igbu onyẹ nwọnlẹni ihiẹn o mẹ. Eje-ihiẹn sụọ kẹ w'e ro; ntikpọ lẹ nsọngbu kẹ w'e buhẹsọnmẹ.

Jerimaya 3:14

Osolobuẹ sị, “Ụnụ ndị danpụgụnị: kinhẹn ni, nị mmẹ wụ di-nwọnni ụnụ! M k'a gha imẹ igunrun ụnụ họrịsọnmẹ onyẹ ohu-ohu imẹ obodo ọwụlẹ, madụ ẹbụọ-ẹbụọ imẹ ebọn ọwụlẹ, e welụa m wẹ obodo Zayọnụ.

Jerimaya 3:3

Ya haịn m gi kwọndọn mirin, mirin udu-mirin ezuezini; bụ ụnụ hụkwọ e bu isi-ikẹn nọkẹ ịgbaraja, jụ nị ifẹnrẹn emẹkọ ụnụ.

Jerimaya 4:14

Heuu ndị Jerusalẹm, chanchanpụ nị eje-ihiẹn rị ụnụ obi, kẹni Osolobuẹ zụọpụha ụnụ. Ele mgbe kẹ ụnụ k'e robehi eje-ihiẹn imẹ obi ụnụ?

Ẹkwan 3:40

Nị ẹnyi leban ni nwan obibi ẹnyi ẹnya, lele ẹ, nị ẹnyi rogharị d'e kunrun Osolobuẹ.

Izikẹlụ 14:6

“Gwa nwan ndị Izrẹlụ nị Osolobuẹ Nwọn Ihiẹn Ile sị, Bihutọ nị ẹka! La nị mmọn ndị hụ ụnụ rị e fe tọ; wepụ nị ẹnya arụ ile ụnụ rị e mẹ!

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Daniẹlụ 4:27

Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Jona 3:10

Ogẹn Osolobuẹ gi hụn ihiẹnni wẹ mẹ, hụn kẹ wẹ dọnmẹ latọsọnmẹ eje-omumẹ wẹ, ọ gharị, o mẹzini wẹ ihiẹn ọ sị o k'e mẹ wẹ.

Zẹkaraya 8:17

amamalẹ ni ni ibe ụnụ eje-ihiẹn; egilẹ ni ẹri-ntụ mẹ ẹhụ; makẹni ihiẹn ndịnị ile e ze m ize.” Ya kẹ Osolobuẹ ihiẹn ile rị okpuru ẹ ku.

Matiu 9:13

Jẹn ni d'a mụ ihiẹn okuni rị Ẹkụkwọ-nsọ wụ: ‘Omikẹn kẹ m chọ, ẹlẹ ịchụn-ẹjan.’ Makẹni, ẹlẹ ndị ezi-omumẹ kẹ m bịa d'a kpọ, kama ndị njọ.”

Makị 7:21

Makẹni, imẹ ịhịan, imẹ obi ịhịan, kẹ eje-iroro lẹ ughẹrẹ gha a pụha, lẹ Izun-ohin, igbu-ọchụn,

Makị 7:23

Imẹ ịhịan kẹ eje-ihiẹn ndịnị ile a gha a pụha, e mẹrụ a.”

Luku 15:10

M rị a gwa ụnụ, ẹrịra kẹ ịghọghọ dọn a rị imẹ igunrun ndị mmọn-ozi Osolobuẹ makẹni onyẹ-njọ rogharị erogharị.”

Luku 15:24

makẹni nwa m nị te nwụnhụn anwụnhụn, kanị ọ rị nwan ndụn; o te tuhu etuhu, kanị a hụngụọ m'a nwan.’ Wẹ nọ rimẹ oriri, ghọghọma.

Luku 7:47

M rị nwan a gwa ị n'a gbagharịgụọ w'a njọ bu ọda o mẹ, ya haịn o gi a ghọsị okẹn ihiẹn-ọsụsụọnị; kanị onyẹ wẹ gbagharị njọ mẹ ẹkẹrẹ a ghọsị ihiẹn-ọsụsụọ ẹkẹrẹ.”

Ọrụn Ndị-ozi 26:20

Kama, e zimẹ m ozi hụ imẹ Damaskọsụ ebẹhụ. E zigụ m ndị rị Damaskọsụ ozi hụ, m nọzị zi ẹ imẹ Jerusalẹm lẹ ẹgbẹrẹ Judia ile, zizikwọ ndị alị ndị ọzọ ya, a sị wẹ rogharị buru Osolobuẹ, bimẹ kẹ ndị rogharịnị.

Ọrụn Ndị-ozi 3:19

Rogharị nị nwan ụnụ e kinhẹn n'o finchanpụ ụnụ njọ,

Jemisi 1:15

Ihiẹn-ọlịlẹnya kẹnrẹngụ, ọ mụ njọ; njọ karagụ, ọ mụ ọnwụn.