Azaya 55:5 - Ika

⁵ Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Azaya 55:5 ပူးပေါင်းရင်းမြစ်များ

Azaya 60:9

Mmẹ kẹ alị ndị tegbu enwẹn wẹ rị ohimin burula! Ụgbọ-mirin uku Tashishi ndị ahụn rị wẹ ihun, wẹ bula ụmụ ị rị ebe teni — uwẹ lẹ siliva lẹ goru wẹ — d'a gbaye Osolobuẹ wụ Chuku ụnụ, Onyẹ-nsọ alị Izrẹlụ — makẹni o yeọlẹ ụnụ ọghọ.

Azaya 60:5

Ogẹn y'e gi hụn wẹ, ihun i k'e kechan kẹ ukpẹ, obi a sụọma ị ụsụọ, ịghọghọ e jun i obi. Akụ-lẹ-ụba wẹ e bu elu ohimin k'a wụrụ nke i; akụ-lẹ-ụba alị ichẹn-ichẹn k'a wụrụzịkwọ nke i.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Ndị Rom 15:20

Ihiẹn m'a chọ ogẹn ile wụ nị m'e zi oziọma ebe wẹ kelẹni nụ ẹfan Kraịstị, amamgbe m'a tụnyemẹzi ebe onyẹ ọzọ tụnmagụ.

Ọrụn Ndị-ozi 5:31

Osolobuẹ e weshigụọ a nwan elu, bu ẹ che ẹka-nni ẹ, ebẹhụ ọghọ rị, mẹmẹ ẹ Onyẹ-ndu lẹ Onyẹ-nzụọpụha, kẹni ndị Izrẹlụ gha ẹka a rogharị nwọnhẹn mgbagharị njọ wẹ.

Ọrụn Ndị-ozi 3:13

Osolobuẹ Ebraham lẹ Aziki lẹ Jekọpụ, Osolobuẹ ndị nẹdi ẹnyi wẹ kanị, e yegụọ odibo ẹ wụ Jizọsị ọghọ — Jizọsị, hụn ụnụ we ye wẹ gbu, hụn ụnụ jụ idẹnya Paịleti — ọsụọn'a nị Paịleti e te sịgụọ n'ọ hapụ a.

Azaya 56:8

Di-nwọnni-ẹnyi wụ Osolobuẹ, onyẹ hụn rị e welụa ndị Izrẹlụ wẹ kpụnshi alị ndị ọzọ, sị, “M k'e welụazị ndị ọzọ cheni wẹ, cheni ndị m welụagụ.

Azaya 55:4

Lee ẹ, e gigụọ m'a họnrin ọshẹri jẹnni ndị alị ichẹn-ichẹn, onyẹ-ndu lẹ ọkị-agha alị ichẹn-ichẹn.

Azaya 45:23

E kungụọ m enwẹn m, ku ihiẹn m ku; a shịapụgụọ m ọnụ ku ihiẹn wụchanrịn ezioku — oku hụn m jẹnkọlẹni d'a kagbu, nị, mkpụkụ ọwụlẹ jẹnkọ d'e gbuni m osekpu, ọnụ ile jẹnkọ d'e ku ẹ ni mmẹ wụ Osolobuẹ.’

Ẹbụ-ọma 18:43

Y'a zụọpụhagụọ m ẹka alị ndị ahụn mayeni ẹnyi, mẹdẹ m wụrụ onyẹ-isi alị ichẹn-ichẹn — ndị m marịnlẹni hụdẹ e fe m.

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Jọnụ 17:1

Ogẹn Jizọsị gi kugụ ihiẹn ndịnị, ọ nọ bu ẹnya zinmẹ elu-igwee, sị, “Baba, ogẹn hụ e rugụọ! Ye Nwa ị ọghọ, kẹni Nwa ị gi ẹ wẹhẹn'i ọghọ

Hosia 1:10

“K'osilẹrị, o ru ihun, ndị Izrẹlụ k'a barahị kẹ ẹjan rị ohimin, hụn wẹ ghalẹni a s'ẹka a gụnmarịn mọbụ a ma. Ezioku-ezioku, uwẹ kẹ Osolobuẹ rị nwan a sị, ‘ụnụ ẹlẹ ndị nke m.’ Kanị o ru ogẹn ahụn, uwẹ k'o k'a sịzị, ‘Ụmụ Osolobuẹ, Chuku hụn rị ndụn, kẹ ụnụ wụ!’

Azaya 52:15

ẹrịra kẹ ọghọ a k'a tụzị alị ichẹn-ichẹn ẹnya — ndị-nze k'a nụdẹ oku ẹ kpumẹ ọnụ. Makẹni, wẹ k'e gi ẹnya wẹ hụn ihiẹn wẹ gwatulẹni wẹ oku ẹ; wẹ k'a ghọta ihiẹn wẹ nụtulẹni ukwere ẹ.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Pita Ibuzọ 1:11

a jụ enwẹn wẹ ihiẹn Mmọn Kraịstị rị imẹ wẹ rị e ku ebe ọ nọ gwatọ wẹ afụnfụn Kraịstị k'a ta lẹ ọghọ k'e sọnn'ẹ, a jụ enwẹn wẹ onyẹ ọ rị e ku lẹ ogẹn o jẹnkọ d'e gi mẹ.

Hibru 5:5

Ẹrịrazịkwọ, Kraịstị eyeni enwẹn ẹ ọkwa onyẹ-isi nchụn-ẹjan, Osolobuẹ tumẹ ẹ, Osolobuẹ hụn sị a, “Nwa m k'ị wụ; a ghọsịgụọ m tannị n'ị wụ nwa m.”

Ndị Ẹfẹsọsụ 3:5

Osolobuẹ aghọsịnị ndị mbụ ya k'o dọn nwan ghọsị ndị-ozi nsọ a pụ-ichẹn lẹ ndị-amụma nsọ a ya ogẹnni ghahanị Mmọn-nsọ.

Luku 24:26

Ẹkụkwọ-nsọ ekugụọn'a nị Onyẹ-nzụọpụha Ahụn Osolobuẹ Tumẹ wụ Kraịstị jẹnkọ d'a tagụ afụnfụn ndịnị o kebe nwọnrin ọghọ a?”

Ndị Ẹfẹsọsụ 2:11

Ebe ẹhụ rị, nyanhan nị nị ụnụ te wụ ndị alị ọzọ. Ndị Ju a kpọ ụnụ “ndị kwalẹni ugun,” a kpọ enwẹn wẹ “ndị kwa ugun” bụ ugun wẹ kwa ẹhụ mmaka rọ, ugun ịhịan kwa;

Samuẹlụ Nke Ẹbụọ 22:44

Y'a zụọpụhagụọ m ẹka ndị nke m hụn bunụmanị m; y'e mẹgụọ m onyẹ hụn a kị ndị alị ichẹn-ichẹn. Ndị m marịnlẹni rị nwan okpuru m,

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 45:22

Buruhẹ nị m nwan nị m zụọpụha ụnụ, ndị ile rị elu-ụwa! Makẹni, mmẹ wụ Chuku, ọzọ arịa.

Azaya 49:12

Lee ẹ, ndị nke m k'a ghasọnmẹ ebe teni kinhẹn: ụfọdụ k'a gha ẹbamịn-ugu kinhẹn, ụfọdụ a gha ẹbamịn ọdịdan-ẹnyanwụn, ụfọdụ a ghaha ẹgbẹrẹ Aswanị rị alị Ijiptu.

Jerimaya 30:19

“Wẹ k'a kwankpọma ẹbụ ekele, zụnma ụzụn ịghọghọ. M k'e mẹ wẹ bawaye, ebelụakọ wẹ; m k'e mẹ wẹ nwọn ọghọ, awụkọ wẹ ndị wẹ e legberi.

Izikẹlụ 39:7

M k'e gi ẹ mẹ ndị nke m wụ Izrẹlụ marịn nị ẹfan m rị nsọ. Anịkọzị m ịhịan legberi ẹfan-nsọ m. Alị ndị ọzọ k'e gi ẹ marịn nị mmẹ, Osolobuẹ, wụ Onyẹ-nsọ Izrẹlụ.