Azaya 55:3 - Ika

³ Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 55:3 ပူးပေါင်းရင်းမြစ်များ

Jẹnẹsisi 17:7

M k'e tumẹ nkwanị m nkwe ẹgbata mmẹ lẹ yụ lẹ ụmụ ị, d'e rukwọrị agbọ wẹ ile rị ihun: nị m k'a wụrụ Chuku i, wụrụzịkwọ Chuku ụmụ ị.

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Samuẹlụ Nke Ẹbụọ 23:5

Ẹgbata Chuku lẹ ikpụlọ m arịgụọnị mma? O kwegụọnị m nkwa itẹbitẹ, hụn o dọnkwamagụ; hụn ihiẹn ọwụlẹ jẹnkọlẹni d'e mẹ? Ọ zụọpụhachanrịnkọ m, mẹzuchanrịnnị m ihiẹn rị a gụnnị m?

Samuẹlụ Nke Ẹbụọ 7:29

Dodo, gọzi nwan ikpụlọ odibo i kẹn'ọ rịsọnmẹ ihun i; ịyụ wụ Osolobuẹ nwọn ihiẹn ile e kugụọ a; ya wụ nị ngọzi i jẹnkọ d'e sọnsọnmẹ ikpụlọ odibo i jẹnrin-ejẹn.”

Ihiẹn Mẹni Nke Ẹbụọ 6:42

Dodo Osolobuẹ wụ Chuku m, ajụkwọlẹ onyẹ i tumẹ. Nyanhankwọ ihiẹn-ọsụsụọ hụn i kwe odibo i wụ Defidi nkwa a.”

Ẹbụ-ọma 119:112

E wepụhagụọ m obi m nị m dọnmẹsọnmẹ iwu i jẹnrin ejẹn.

Ẹbụ-ọma 119:175

Nị m rị ndụn, kẹni m ja ị mma; iwu i ya yezikwọnị m ẹka.

Ẹbụ-ọma 78:1

Ndị nke m, gọn ni ntịn nkuzi m; shịapụ nị ntịn nị ụnụ nụ ihiẹn m k'e ku.

Ẹbụ-ọma 89:28

M k'a ghọsị a ihiẹn-ọsụsụọ kẹ onyẹ nke m jẹnrin ejẹn, e mẹ m nkwa m kwe ẹ turu jẹnrin ejẹn.

Ẹbụ-ọma 89:29

Ụmụ a k'a rị jẹnrin ejẹn, ukpo-eze ẹ k'a tọ kẹ igwere.

Ọpụpụ 15:26

sị wẹ, “Ụnụ kpachanpụ ẹnya mẹsọnmẹ ihiẹn Osolobuẹ wụ Chuku ụnụ ku, e mẹ ihiẹn rị a mma ẹnya, e mẹzu iwu ẹ lẹ uhi ẹ ile, atụkọ m ụnụ emu ọwụlẹ m tụ ndị Ijiptu; makẹni mmẹ wụ Osolobuẹ hụn a zụọ ụnụ emu.”

Itẹn 4:20

Nwa m, bu obi i che ihiẹn m rị e ku; gọn ntịn oku m ọhụnma-ọhụnma.

Itẹn 7:2

Mẹ ihiẹn m sị ị mẹ, nị ị hụn ụzọ rị ndụn; chedọn ihiẹn ndị m kuzi i nọkẹ nwa-ẹnya ị.

Azaya 51:4

Ndị nke m, gọn ni m ntịn; ndị alị m, gọn ni m ntịn. M k'e mẹ Iwu m ghagbarị, ezigbo-eṅẹn m jẹnkọ d'a wụrụnị alị ile ukpẹ.

Azaya 54:10

Ọsụọn'a nị wẹ mẹhunmẹ ugu ile, Ọsụọn'a nị wẹ wepụ òke ile — enwọnbehikọ m ihiẹn-ọsụsụọ ị hụn m kwe nkwa a, alatọkọ m nkwa m kwe i hụn ihiẹn gi a rịn'ị mma. Ịya kẹ Osolobuẹ hụn e mẹn'i omikẹn ku.

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Azaya 61:8

Makẹni ezioku a sụọ mmẹ wụ Osolobuẹ ụsụọ; ohin lẹ mmẹgbu e ze m ize. M sikọ d'e mẹ hụn runi m kụ wẹ ụgwọ-ọrụn, e tumẹ m nkwerigbama k'e kwọngbama mmẹ lẹ wẹ jẹnrin-ejẹn.

Jerimaya 30:9

“Osolobuẹ wụ Chuku wẹ kẹ wẹ k'e femẹ, ya lẹ eze wẹ onyẹ ẹbozo Defidi hụn m k'e wepụhanị wẹ.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Jerimaya 38:20

Jerimaya nọ sị a, “Ewekọ wẹ i ye wẹ. Dodo gọn ntịn ihiẹn Osolobuẹ ku, hụn m rị a gwa ị. Mẹ ẹ kẹni ọ rịn'ị mma, y'a hụn isi.

Jerimaya 50:5

Wẹ k'a jụma kẹ elebe kẹ ụzọ Zayọnụ rị, e dọn wẹ ihun ebẹhụ. Wẹ k'a bịa d'e we enwẹn wẹ kwachanrịnnị Osolobuẹ, kwe ẹ nkwa nị wẹ k'e fe ẹ jẹnrin ejẹn, nkwa wẹ jẹnkọlẹni d'a zọ.’

Izikẹlụ 16:60

Kanị mmẹ nwẹn k'a nyanhan nkwerigbama m tumẹ ẹgbata mmẹ lẹ yụ ogẹn i gi rị okoro; m k'e tumẹ nkwerigbama hụn k'a rị jẹnrin ejẹn ẹgbata mmẹ lẹ yụ.

Izikẹlụ 34:24

Mmẹ wụ Osolobuẹ k'a wụ Chuku wẹ, odibo m wụ Defidi a wụrụ onyẹ-isi wẹ. Mmẹ wụ Osolobuẹ e kuọl'a.

Izikẹlụ 34:25

“ ‘M k'e kwe wẹ nkwa hụn m k'e gi mẹ n'ọ rịnị wẹ mma; m k'a chụpụ eje-anụ alị wẹ, nkewụnị wẹ k'a sadẹ ẹka biri imẹ atụ, sazị ẹka ranhịn imẹ ẹgboko — ihiẹn emẹkọ wẹ.

Izikẹlụ 37:26

M k'e kwe wẹ nkwa hụn m k'e gi mẹ n'ọ rịnị wẹ mma; o k'a wụ nkwa itẹbitẹ. M k'e mẹ wẹ gbọrị, mẹ wẹ ba ụba; m k'e bu Ụlọ-nsọ m che imẹ igunrun wẹ jẹnrin ejẹn.

Lẹvitikọsụ 18:5

E mẹ ni ihiẹn ndị m sị ụnụ mẹ, e dọnmẹ iwu m, makẹni onyẹ hụn dọnmẹni wẹ k'e gi wẹ rị ndụn. Mmẹ wụ Osolobuẹ.

Emọsụ 5:4

Kanị Osolobuẹ sịzị ndị Izrẹlụ, “Chọburuhẹkwọ nị m kẹni ụnụ rị ndụn.

Emọsụ 5:6

Chọburukwọ nị Osolobuẹ kẹni ụnụ rị ndụn, amamgbe o nwunrun kẹ ọkụn imẹ ikpụlọ Josẹfụ — ọkụn hụn k'e bu obodo Bẹtẹlụ ri, onwọnni onyẹ sikọ d'a sa ẹka tinyụnn'a!

Matiu 11:28

“Bịa nị d'e kunrun m, ụnụ ile ndụn gụ, bu ibu nyịnnị, m jẹnkọ d'e ye ụnụ ezumikẹn.

Matiu 13:16

“Kanị ẹnya ụnụ nwẹn wụ ihiẹn wẹ gọzi agọzi, makẹni wẹ hụ a hụn ụzọ; ntịn ụnụ wụzị ihiẹn wẹ gọzi agọzi, makẹni wẹ hụ a nụ ihiẹn.

Matiu 17:5

Ebe ọ rị e ku ihiẹnni, orukpu rị e gbukeni nọ kpumẹ wẹ idẹnmizi. Olu nọ gha imẹ orukpu hụ sị, “Ọnwan wụ ezi Nwa m hụn ihiẹn ẹ a sụọ m; gọn n'ẹ ntịn!”

Jọnụ 10:27

Atụnrụn m e gọn m ntịn egọn; a marịnghọ m wẹ; w'e sọn m esọn.

Jọnụ 6:37

“Ndị ile Nẹdi m ye m sikọ d'a bịa d'e kunrun m; achụpụkọ m onyẹ ọwụlẹ bịa d'e kunrunni m

Jọnụ 7:37

Ụhụọhịn ikpanzụụn mmẹmmẹ hụ, hụn wụ ụhụọhịn kachanrịn mkpa, Jesu nọ wuzo ọtọ, yi, “Onyẹ ẹgụn mirin rị a gụn, ya bịa d'e kunrun m n'ọ ra!

Jọnụ 8:47

Onyẹ wụ nke Osolobuẹ e gi oku Osolobuẹ e dọn. Ụnụ ẹlẹ nke Osolobuẹ haịn ụnụ gilẹni e gi oku Osolobuẹ e dọn.”

Ọrụn Ndị-ozi 13:34

Banyeni oweli Osolobuẹ gha ọnwụn weli Kraịstị hụn wụnị Kraịstị erehikọ, Osolobuẹ ku oku ẹ imẹ Ẹkụkwọ-nsọ, sị, ‘M k'e mẹni i ihiẹn ndị hụ rị nsọ hụn m kwe Defidi nkwa a.’

Ndị Rom 10:5

Mozizi ku oku ezi-omumẹ wẹ gi idọnmẹ Iwu e nwọnhẹn, sị: “Onyẹ dọnmẹ iwu ndịnị, o gi wẹ rị ndụn.”

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;