Azaya 54:4 - Ika

⁴ Atụlẹ egun, ifẹnrẹn emẹkọ ị. Atụlẹ egun ịfa — y'a fakọ. I k'a zọdẹ ifẹnrẹn hụn mẹn'i kẹ ị rị nwagbọọ; y'a nyanhankọzị ụya i ri kẹ m la ị tọ rịkẹ onyẹ di nwụnnahịn.

Azaya 54:4 ပူးပေါင်းရင်းမြစ်များ

Jobu 11:16

Makẹni, i k'a zọ nsọngbu i, a nyanhan a hụ lekẹ mirin hughafeni.

Azaya 25:8

o k'e luepụ ọnwụn, ọnwụn arịkọzị. Osolobuẹ ihiẹn ile rị okpuru ẹ jẹnkọ d'e finchanpụ ịhịan ile ẹnya-mirin; o k'e wepụ ndị nke ẹ ifẹnrẹn ẹnya elu-ụwa ile. Ya kẹ Osolobuẹ ku.

Azaya 29:22

Ufiri ẹ kẹ Osolobuẹ, hụn gbapụha Ebraham, gi nwan rị a sị ikpụlọ Jekọpụ, “Ifẹnrẹn emẹkọzị ebọn Jekọpụ; ekpumẹkọ wẹ ihun yeni ifẹnrẹn.

Azaya 4:1

Ikpoho ẹsa k'a dọdọndẹ okẹnnyẹ ohu, sị a, “Dodo, ẹnyi nwọn chọrị ihiẹn-oriri ẹnyi, chọrịzịkwọ ẹkwa ẹnyi; ka werihụ ẹnyi nị ẹnyi zama ẹfan ị, gi ẹ wepụ ẹnyi ifẹnrẹn ẹnya!”

Azaya 41:10

Atụlẹ nwan egun, nị mmẹ lẹ yụ wị; anịlẹ obi nahịn ị, nị mmẹ wụ Chuku i. M jẹnkọ d'a gba ị umẹ, yeni i ẹka; m k'e gi ẹka-nni m rị ọchan kwọndọn i.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 50:7

Makẹni Di-nwọnni-ẹnyi wụ Osolobuẹ hụ e yeni m ẹka, afanị m. Elekọ m ẹnya azụụn; a marịnghọ m nị afakọ m.

Azaya 51:7

“Gọn ni m ntịn, ụnụ ndị marịn ihiẹn furuni, ụnụ ndị iwu m rị obi: Atụlẹ ni egun nkọrịanị ịhịan mọbụ mama piripiri ni wẹ rị a kpari ụnụ.

Azaya 54:14

I k'e gi ezi-omumẹ turu: Onwọnni onyẹ k'a kịgbun'i, onwọnni ihiẹn i k'a tụ egun ẹ. Ihiẹn k'a tụ ị okẹn egun anọkunmẹkọ ị kaka; ọ nọkunmẹkọ ị.

Azaya 61:7

Ndị nke m e nwọnrin ọghọ nwọncheni ẹlẹzi ifẹnrẹn, ukuu wẹ e ye wẹ ịghọghọ; ẹlẹzi ịfa, ukuu ụnụ a ba ụba ọhụnma-ọhụnma, ịghọghọ itẹbitẹ a wụrụ nke wẹ.

Azaya 65:16

Ogẹn ahụn, onyẹ ọwụlẹ chọ nwan n'ọ gọzi ịhịan o gi ẹfan Chuku ezioku gọzi; onyẹ chọ n'o kun iyi, o kun ẹfan Chuku ezioku. Anyanhankọzị wẹ nsọngbu isi-ibuzọ, makẹni mmẹ nwẹn wụ Osolobuẹ arịzị a hụn wẹ.

Jerimaya 31:19

Kẹ m kpahugụ, e rohutọ m; kẹ m ghọtagụ, a kwan m, a fịan m ẹka obi; ifẹnrẹn nọ mẹ m, mẹgbuchanrịn m, makẹni njọ m mẹ kẹ m rị okoro kẹ m rị a ta afụnfụn a.”

Ẹkwan 1:1

Euu, obodo nwẹn a gba okpokoro! Obodo nwẹn ịhịan te jun! Ledẹ k'ọ nọ kẹ okpoho di nwụnnahịn — obodo hụn te wụ okẹn obodo imẹ alị ichẹn-ichẹn! Obodo hụn te wụ eze-okpoho imẹ ẹgbẹrẹ rị ichẹn-ichẹn, e họnnringụọ nwan igbọn!

Izikẹlụ 16:22

Hụn ahụn ile ị rị e bi obibi rụnị, a gba ịgbaraja, y'a nyanhandẹni ogẹn hụ i gi rị nwata; ogẹn hụ i gi gba ọtọ, gba ẹhụ oghe, dinẹ imẹ ẹdeke i, e se ụkụ lẹ ẹka.

Izikẹlụ 16:43

“ ‘Makẹni y'a nyanhannị ihiẹn m mẹni i kẹ i rị nwata, kama, ị nọ gi eje-ihiẹn ndịnị wẹ kpasu m iwe, mmẹ nwẹn k'e mẹ i gi isi buru wẹ ile. Y'a gbagụọnị eje-ịgbaraja cheni arụ ile i mẹ? Ya kẹ mmẹ wụ Osolobuẹ Nwọn Ihiẹn Ile ku.

Izikẹlụ 36:15

Emẹkọzị m ụnụ a narịn mkpari ẹka alị ndị ọzọ, alị ndị ọzọ elegberikọzị ụnụ; ụnụ emẹkọzị ndị alị ụnụ dan. Ya kẹ Osolobuẹ nwọn ihiẹn Ile ku.”

Juwẹlụ 2:21

“Euu alị, atụlẹ egun; ka ghọghọma, e nwọn anwịnrịn — makẹni Osolobuẹ e mẹọlẹ okẹn ihiẹn!

Zẹfanaya 3:11

O ru ogẹn hụ e wepụ m'ị ifẹnrẹn ihun, Jerusalẹm — ifẹnrẹn ihiẹn ile ụnụ gi nupụnị m isi. Makẹni, m k'e wepụ ndị mpache lẹ ndị e mẹkarị enwẹn wẹ, ụnụ emẹkarịkọzị enwẹn ụnụ elu Ugu nsọ m.

Zẹkaraya 10:6

M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

Pita Ibuzọ 2:6

Makẹni, Ẹkụkwọ-nsọ e kugụ a, sị, “Lee n'ẹ, m rị e butọ ọmụma imẹ obodo Zayọnụ, ọmụma gin'ẹ; ọmụma m họrị ahọrị, hụn rịgbu enwẹn ẹ mkpa. Ifẹnrẹn emẹkọ onyẹ kwerinin'ẹ.”