Azaya 54:3 - Ika

³ makẹni, i jẹnkọ d'a bashi ẹka-nni, bashi ẹka-ekpẹn; ụmụ ị k'e mẹrisọnmẹ ndị alị ọzọ weri obodo ndị wẹ gbatọsọnmẹ biri.

Azaya 54:3 ပူးပေါင်းရင်းမြစ်များ

Jẹnẹsisi 26:22

Ọ nọ gha ebahụn kwarị. O guzi ọmị, kanị eduzini wẹ ẹ nwan zụọ hụnnị; ọ nọ nwan kpọ a “Rẹhobọtụ”, ya ọ nị sị, “Echẹn kẹ Osolobuẹ mẹ wẹ yeni ẹnyi efe; ebeni kẹ ẹnyi a nọ ban ihiẹn.”

Jẹnẹsisi 28:14

Ụmụ ị k'e bu ọda kẹ ẹjan rị alị. Ị k'a bashi ụzọ ile, kẹ ọdịdan-ẹnyanwụn kẹ ọwụwa-ẹnyanwụn kẹ ẹbamịn-ugu kẹ ẹbamịn ndịdan-mirin. Ịyụ lẹ ụmụ ị kẹ ụwa ile sikọ d'a gha nwọnrin ngọzi.

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Azaya 14:1

Osolobuẹ jẹnkọ d'e mẹ omikẹn ebọn Jekọpụ; o k'a họrịzị ebọn Jekọpụ wụ Izrẹlụ, mẹ wẹ birizi alị wẹ. Ndị alị ọzọ k'e sọn wẹ biri ebẹhụ, wẹ lẹ ikpụnọ Jekọpụ e họnrin ohu.

Azaya 14:2

Ndị alị ichẹn-ichẹn k'e duru wẹ, dulụa wẹ alị wẹ. Ndị Izrẹlụ e nwọnrin ndị alị ichẹn-ichẹn, awụrụnị wẹ wẹ igbọn ikẹnnyẹ lẹ ikpoho imẹ alị Osolobuẹ. Wẹ k'e kwọndọn ndị te gini wẹ, a kịma wẹ ndị te rị a kịgbuni wẹ.

Azaya 26:15

Euu Osolobuẹ, y'e mẹgụọ alị Juda ba ụba — y'e weshịagụọ alịnị. Y'e gigụọ a nwọnrin ọghọ — y'e wezụkagụọ okẹn ẹ ile.

Azaya 45:14

“Osolobuẹ sị: Ndị Ijiptu lẹ ihiẹn wẹ rụn lẹ ndị Ẹtiopịa lẹ ibu-afịa wẹ lẹ ndị alị Sabia — ndị ahụn sue usue, k'e fetu, buruhẹ ụnụ, wụrụ nke ụnụ; wẹ k'e sọnlụa ụnụ, wẹ lẹ ẹgan wẹ kpọma wẹ. Wẹ k'e hulụanị ụnụ isi, a rịọ ụnụ, a sị, ‘Osolobuẹ nọyeni ụnụ anọyeni, onwọnni onyẹ ọzọ ọ wụ; Chuku ọzọ arịa.’ ”

Azaya 48:19

Nkẹ ebọn ụnụ a nọ kẹ ẹjan rị alị, nkẹ ụmụ ụnụ e bu ọda kẹ ẹjan wẹ ghalẹni a s'ẹka a gụn; m'e ke wepụ ẹfan wẹ ẹnịna, mọbụ tikpọpụ wẹ ẹnịna ebe m rị.’

Azaya 49:12

Lee ẹ, ndị nke m k'a ghasọnmẹ ebe teni kinhẹn: ụfọdụ k'a gha ẹbamịn-ugu kinhẹn, ụfọdụ a gha ẹbamịn ọdịdan-ẹnyanwụn, ụfọdụ a ghaha ẹgbẹrẹ Aswanị rị alị Ijiptu.

Azaya 49:8

Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Azaya 52:9

Mkpọkọ-ụlọ ile rị Jerusalẹm, bụye ni ẹbụ, makẹni Osolobuẹ a rọkọgụọ ndị nke ẹ obi; ọ gbapụhagụọ Jerusalẹm!

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Azaya 55:5

Eziẹ, ị k'a kpọ alị ndị ị marịnlẹni oku, alị ndị marịnlẹn'i a gbahadẹ d'a za ị, makẹ ufiri Osolobuẹ, Chuku i — Onyẹ-nsọ Izrẹlụ, makẹni o yeọlẹ i ọghọ ọda-ọda.

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Ndị Rom 10:18

Nị m jụ nwan: ndị Izrẹlụ anụnị nwan ozi hụ ra? Eziẹ, a nụgụọ w'a. Ọ nọhụ kẹ Ẹkụkwọ-nsọ dọn ku, sị, “Olu wẹ a pụọlẹ; ọ ghagbarịgụọ ụwa ile; ihiẹn wẹ rị e ku e rugụọ ebe ụwa ru.”

Ndị Rom 11:12

O mẹ nwan nị mmẹfie wẹ wẹhẹni ụwa ẹregede ihiẹn rị mma, nị ẹdan wẹ dan wẹhẹni ndị wụlẹni ndị Ju ẹregede ihiẹn rị mma, ihiẹn ka mma apụhakọ nwan ogẹn wẹ e gi wekinhẹn wẹ?

Ndị Kolosị 1:23

omẹkwọ nị ụnụ e wuzoghọ ọhụnma, turukẹnmẹ imẹ okukwe; omẹni ụnụ alatọnị olilẹnya hụ rị oziọma ụnụ nụ hụn wẹ zigbarịgụ ndị ile rị okpuru elu-igwee. Ọrụn Oziọmanị kẹ wẹ tumẹ mmẹ wụ Pọlụ d'a rụn.