Azaya 54:11 - Ika

¹¹ Euu obodo hụnjungụ ẹnya, ẹbi rị a kpọ, obodo wẹ rọkọlẹni obi! M jẹnkọ nwan d'e gi ọmụma-ọma wụ tọkwọịzị tụn ị, gi ọmụma-ọma wụ safaya gbe iyetọ ị.

Azaya 54:11 ပူးပေါင်းရင်းမြစ်များ

Ndị-nze Nke Ibuzọ 5:17

Kẹ eze dọn gwa wẹ, wẹ nọ bupụhasọnmẹ ezigbo ọmụma hi-ogbe nị wẹ gi gbe iyetọ Ụlọ-nsọ — iyetọ wẹ gi ọmụma wẹ tụ ọhụnma gbe.

Ndị-nze Nke Ibuzọ 6:30

Goru k'o gizi makwama alị mmughẹ ẹbụọ hụ rị imẹ Ụlọ-nsọ hụ, kẹ hụn rịchanrịn imẹ kẹ hụn w'e buzọ e ru.

Ihiẹn Mẹni Nke Ibuzọ 29:2

A nwangụọ m ikẹn m ile kwademẹ ihiẹn w'e gi rụn Ụlọ-nsọ Chuku m: goru w'e gi rụn ihiẹn-goru lẹ siliva w'e gi rụn ihiẹn-siliva lẹ igwe-bronzu w'e gi rụn ihiẹn igwe-bronzu lẹ igwe-mmaka w'e gi rụn ihiẹn igwe-mmaka lẹ osisi w'e gi rụn ihiẹn-osisi; wẹ lẹ ọmụma ndị e gbukeni: kẹ ọnik'si wẹ k'a kụnma ẹhụ ihiẹn ichẹn-ichẹn kẹ tọkwọịzị, lẹ ndị e nwun ichẹn-ichẹn lẹ ndị ọzọ rị ichẹn-ichẹn lẹzi mabụlụ; e kpọntọgụọ m wẹ ile ọda-ọda.

Ihiẹn Mẹni Nke Ẹbụọ 3:6

O gizi ọmụma pụ-ichẹn w'a chọ achọ chọsọnmẹ ụlọ-nsọ hụ mma. Goru alị Pavaịm k'o gi rụn ihiẹn o gi goru rụn imẹ Ụlọ-nsọ.

Jobu 28:16

W'a ra gidẹ goru alị Ofiri hụn pụ ichẹn ṅọn ẹ, mọbụ ọnik'si mọbụ safaya umunẹ goru.

Ẹbụ-ọma 34:19

Onyẹ ezi-omumẹ nwọn ikẹn nwọn nsọngbu bu ọda, kanị Osolobuẹ a zụọpụhachanrịn a imẹ wẹ ile;

Ọpụpụ 2:23

Ọ nọbe, eze Ijiptu nọ nwụnhụn. Ndị Izrẹlụ nkẹ hụkwọ a sụn udẹn makẹ ọnọdị igbọn ahụn wẹ rị imẹ ẹ; wẹ nọ kwan ẹkwan. Ẹkwan hụ wẹ rị a kwan ebe wẹ rị a chọ eyemẹka nọ ru Osolobuẹ ntịn imẹ elu-igwee.

Ọpụpụ 24:10

wẹ nọ hụn Osolobuẹ Izrẹlụ. Ihiẹn rị kẹ mgbankpo wẹ gi ọmụma-safaya rụn rị a okpuru ụkụ — e nwun zaị kẹ igwere.

Ọpụpụ 3:2

Ebẹhụ kẹ mmọn-ozi Osolobuẹ nọ pụha nọkẹ ọkụn rị e nwun imẹ akụ-ọfịa. Mozizi nọ hụn a nị ọkụn rị e nwun imẹ ọfịa ahụn kanị ọ rịnị a dụn a.

Ọpụpụ 3:7

Osolobuẹ nọ sị, “A hụngụọ m ụya ndị nke m rị e ri imẹ alị Ijiptu. A nụọlẹ m ẹkwan wẹ rị a kwan ẹka ndị rị a kpa wẹ nọkẹ igbọn. A marịngụọ m afụnfụn wẹ rị a ta.

Ẹbụ Solomọnụ 5:14

Ẹka a nọ kẹ ọkpọ goru hụn wẹ gi Kraịsolaịtị nwẹnẹ goru chọ mma. Ẹhụ a nọ kẹ eze-enyi wẹ chanchan ọhụnma hụn wẹ gi ọmụma safaya e gbukeni chọ mma.

Azaya 14:32

Kịnị kẹ wẹ jẹnkọ d'a shịarị ndị ụkọ alị hụ zila? “Osolobuẹ e tumẹgụọ Zayọnụ; imẹ Zayọnụ kẹ ẹhụ a nọ fu ndị nke ẹ wẹ rị e mẹkpa ẹhụ.”

Azaya 28:16

Osolobuẹ hụn nwọn ikẹn ile sị nwan, “Lee ni ẹnya, m rị e butọ ọmụma imẹ Zayọnụ, ọmụma wẹ lelegụ ọhụnma; ọmụma rị mkpa hụn wụ iyetọ; uhue ehuekọ onyẹ gi ẹ dọn ẹnya.

Azaya 44:28

Mmẹ ku oku Saịrọsị, sị, ‘Ịya wụ onyẹ e duni m anụ. O k'e mẹkwama uche m’; o k'a sị wẹ, ‘Tụndọnzi ni Jerusalẹm’, sị wẹ, ‘Gbedọnzi ni iyetọ Ụlọ-NSỌ Osolobuẹ.’ ”

Azaya 49:14

Kanị Zayọnụ sị, ‘Osolobuẹ agbakịtọgụọ m azụụn, Di-nwọnni-ẹnyi a zọgụọ m.’

Azaya 51:21

Gọn nwan ntịn, ịyụ wẹ rị e mẹshi ikẹn, ịyụ hụn ra tụ bụ ẹlẹ manya k'ị ra.

Azaya 51:23

M jẹnkọ nwan d'e bu mkpu ọnụma hụ ye ndị rị e mẹshi i ikẹn, ndị hụ te sị ị: ‘Fiẹnrin — nị ẹnyi zọ ị ụkụ ghafe!’ Ị nọ gi ụgba-azụụn ị họnrin akpak'alị w'a zọ ụkụ, ọkpụ-ụzọ w'a zọ ụkụ.”

Azaya 54:12

M k'e gi ọmụma wụ rubi tụnhunmẹ i ibe elu, gi ọmụma rị e be nwaịn-nwaịn rụnsọnmẹn'i ọnụ-mgbọn, gi ọmụma rị mkpa tụn mgbọn i ile.

Azaya 54:6

Osolobuẹ k'a kpọkinhẹn i lekẹ nwunyẹ wẹ jụ obi rị a gbawa, nwunyẹ wẹ lụ nke ọhụn hụn wẹ jụ. Ya kẹ Chuku i ku.

Azaya 60:15

Ọsụọn'a n'a jụgụọ wẹ i nwan, e ze ize i — hụn wụnị onwọnzini onyẹ a gha imẹ i, m k'e mẹ ụnụ wụrụ ihiẹn-ọghọ k'a rị jẹnrin-ejẹn lẹ ihiẹn-ịghọghọ ebe agbọ ọwụlẹ pụhanị rị.

Jerimaya 30:17

“M jẹnkọ d'e mẹ ẹhụ rịzị ị ikẹn; a changbu m'i ẹtẹ, makẹni wẹ rị a kpọ ị ‘onyẹ wẹ jụ’, ‘Zayọnụ nwọnlẹni onyẹ a jụ ukwere ẹ.’ Osolobuẹ e kugụọ a.”

Ẹkwan 1:21

A nụgụọ wẹ udẹn m rị a sụn, kanị onwọnni onyẹ a hụhụnị m. Ndị-iṅẹnrẹn m ile a nụgụọ nsọngbu m rị imẹ ẹ; wẹ hụ e gi ihiẹn i mẹ m a ghọghọ. Mẹ ụhụọhịn ahụn i ku oku ẹ bịa kẹni wẹ nwẹn rị kẹ mmẹ.

Izikẹlụ 1:26

Ihiẹn nọ kẹ ukpo-eze hụ elu okpukpu hụ nọkẹ igwere; o nwun bru-bru nọkẹ ọmụma safaya. Ihiẹn nọ kẹ ịhịan nọdị alị elu ukpo-eze hụ.

Izikẹlụ 10:1

E lezi m ẹnya, m nọ hụn ihiẹn rị e nwun bru-bru kẹ ọmụma safaya elu okpukpu hụ nọ kẹ igwere hụn ndị chẹrobu hụ rị okpuru ẹ; ọ nọ kẹ ukpo-eze.

Maịka 7:11

Jerusalẹm, ogẹn w'e gi rụndọnzi mgbọn i lala! O ru ogẹn ahụn, wẹ k'e weshịa alị ị.

Matiu 8:24

Ẹbi a kpọma idẹnmizi, nke wụ nị ụgbọ hụ e d'e ruban imẹ mirin yeni okẹn ẹbi hụ, kanị Jizọsị rị ụran.

Jọnụ 16:33

A gwagụọ m ụnụ ihiẹn ndịnị kẹni obi gi ufiri m ru ụnụ alị. Imẹ ụwa, ụnụ jẹnkọ d'e nwọn nsọngbu; ka kwọndọn ni obi ụnụ, n'e mẹrigụọ m ụwa!”

Ọrụn Ndị-ozi 14:22

wẹ hụ e jẹn, wẹ hụ a gba ndị nke Jesu rị imẹ obodo ndịnị umẹ; a gwa wẹ kwọnkẹnmẹ okukwe wẹ kwerini Kraịstị, nị “Ẹnyi k'a tarịrị afụnfụn bu ọda omẹni ẹnyi jẹnkọ d'a banye Alị-eze Osolobuẹ.”

Ndị Ẹfẹsọsụ 2:20

Osolobuẹ a tụngụọ ụnụ nọkẹ ụlọ ye elu iyetọ ahụn wụ ndị-ozi pụ-ichẹn lẹ ndị-amụma. Ọmụma gi ụlọ ahụn wụ Jesu Kristi lẹ enwẹn ẹ.

Ditrọnọmi 31:17

Wẹ mẹ ẹ, m k'e gi olulu sọn wẹ, la wẹ tọ; m k'e bupụ wẹ ihun, e tikpọ wẹ wẹ. Ihiẹn-ikẹn lẹ nsọngbu ichẹn-ichẹn jẹnkọ d'a bịanị wẹ. O ru ogẹn ahụn, a jụma wẹ, ‘Osolobuẹ a lagụọnị ẹnyi tọ haịn ihiẹn-ikẹn ndịnị gi bịanị ẹnyi ra?’