Azaya 54:10 - Ika

¹⁰ Ọsụọn'a nị wẹ mẹhunmẹ ugu ile, Ọsụọn'a nị wẹ wepụ òke ile — enwọnbehikọ m ihiẹn-ọsụsụọ ị hụn m kwe nkwa a, alatọkọ m nkwa m kwe i hụn ihiẹn gi a rịn'ị mma. Ịya kẹ Osolobuẹ hụn e mẹn'i omikẹn ku.

Azaya 54:10 ပူးပေါင်းရင်းမြစ်များ

Samuẹlụ Nke Ẹbụọ 23:5

Ẹgbata Chuku lẹ ikpụlọ m arịgụọnị mma? O kwegụọnị m nkwa itẹbitẹ, hụn o dọnkwamagụ; hụn ihiẹn ọwụlẹ jẹnkọlẹni d'e mẹ? Ọ zụọpụhachanrịnkọ m, mẹzuchanrịnnị m ihiẹn rị a gụnnị m?

Ẹbụ-ọma 102:26

Wẹ k'a la iwi, kanị yụ nwẹn k'a rịsọnmẹ; wẹ k'a fapụ rịkẹ ẹkwa; i k'e gi ọzọ nọkin ẹnya wẹ rịkẹ ẹkwa, nke wẹ a gụ.

Ẹbụ-ọma 46:2

Ya wụ, egun atụkọ ẹnyi, ọsụọn'a nị alị zinzin mọbụ nị ugu ile danyesọnmẹ ohimin;

Ẹbụ-ọma 46:3

ọsụọn'a nị mirin rị ohimin rị a zụndẹ okẹn ụzụn, a kpọ ẹbi, a gbọ ụfọfọ; e bulidẹ, e mẹhunmẹ ugu ọda-ọda. Sẹla

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 49:15

Nị okpoho zọ nwa ọ rị e ye ẹran, o mẹni omikẹn nwa ẹfọ a? Ọsụọn'a nị okpoho k'a s'ẹka zọ nwa a, azọkọ m'ị!

Azaya 54:8

Okẹn ọnụma hụn kpọ kẹ ẹbi kẹ m gi bupụ ị ihun ẹkẹrẹ, kanị okẹn ẹfọma hụn k'a rịsọnmẹni kẹ m k'e gi mẹn'i omikẹn. Ịya kẹ Osolobuẹ Onyẹ a gbapụhan'ị ku.

Azaya 55:12

Ịghọghọ kẹ y'e gi pụ, udọn kẹ w'e gi dupụha ị; ugu lẹ òke hụn ị a bụma wẹ ẹbụ; osisi ile rị ọfịa k'a hụn ị kpọma ẹka.

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 55:7

Onyẹ eje-omumẹ ya la eje-obibi ẹ tọ; eje-ịhịan ya la eje-iroro ẹ tọ. Ya kinhẹn d'e kunrun Osolobuẹ, n'ọ hụn ụzọ mẹn'ẹ omikẹn; ya kinhẹn d'e kunrun Chuku ẹnyi, makẹni o k'a gbagharịchanrịn a.

Azaya 59:21

“Mmẹ nwẹn, ọnwan wụ nkwa m kwe wẹ: gha ogẹnni jẹnmẹ, Mmọn m hụn m buche imẹ ndụn ụnụ aghakọ imẹ ụnụ pụ; oku m hụn m buche ọnụ ụnụ aghakọ ụnụ ọnụ pụ, ọ ghakọ ọnụ ụmụ ụnụ pụ, ọ ghakọ ọnụ ụmụ-ụmụ ụnụ pụ, jẹnrin-ejẹn. Ya kẹ Osolobuẹ ku.”

Azaya 61:8

Makẹni ezioku a sụọ mmẹ wụ Osolobuẹ ụsụọ; ohin lẹ mmẹgbu e ze m ize. M sikọ d'e mẹ hụn runi m kụ wẹ ụgwọ-ọrụn, e tumẹ m nkwerigbama k'e kwọngbama mmẹ lẹ wẹ jẹnrin-ejẹn.

Azaya 63:7

M k'e ku oku ẹfọma ile Osolobuẹ mẹ, ihiẹn ndị o mẹ hụn w'e gi ja a mma; m k'e ku ihiẹn ile Osolobuẹ mẹni ẹnyi — ẹghẹẹ, ihiẹn-ọma bu ọda o mẹni ikpụlọ Izrẹlụ, ihiẹn ndị o mẹ yeni omikẹn lẹ okẹn ẹfọma a.

Azaya 9:6

Makẹni a mụgụọnị wẹ ẹnyi nwa, e yegụọ wẹ ẹnyi nwa-okẹnnyẹ; ịya jẹnkọ d'a kị. Wẹ k'a kpọ a Onyẹ-ndụnmọdụn Hụn Pụ-ichẹn, Chuku Hụn wụ Dikẹn, Nẹdi Itẹbitẹ, Eze-Udọn.

Jerimaya 31:36

“Omẹni ihiẹn ndịnị m ke k'a s'ẹka sọnbehi iwu m tumẹni wẹ, ya wụ nị Izrẹlụ k'a s'ẹka wụbehi alị ebe m rị. Ya kẹ Osolobuẹ ku.”

Jerimaya 33:20

“Osolobuẹ sị, ‘Omẹni ịhịan k'a s'ẹka kagbu iwu m tumẹni efinaị lẹ hụn m tumẹni uhinhin — mẹ eki fọnbehi ogẹn ẹ, mẹ ọhịhị gbabehi ogẹn ẹ,

Izikẹlụ 16:42

Ogẹn ahụn olulu m rị e gi e sọn i a rọ, ẹnya rị a fụnị m a fụbehi m. E mẹ m jụụ, ize e zebehi m.

Izikẹlụ 34:25

“ ‘M k'e kwe wẹ nkwa hụn m k'e gi mẹ n'ọ rịnị wẹ mma; m k'a chụpụ eje-anụ alị wẹ, nkewụnị wẹ k'a sadẹ ẹka biri imẹ atụ, sazị ẹka ranhịn imẹ ẹgboko — ihiẹn emẹkọ wẹ.

Malakaị 2:5

“Nkwa m hụn rị ẹgbata mmẹ lẹ ebọn Livaị e ye ndụn lẹ ọrịrịmma. E yegụọ m wẹ ya. Wẹ nwẹn e te gbayeghọ m, egini wẹ ẹfan m gu egu;

Ọgụngụn 25:12

Gwa a nwan nị m rị e kwe ẹ nkwa m pụ-ichẹn n'o jẹnkọ d'a rịn'a mma.

Matiu 16:18

M rị a gwa ị, ẹfan ị wụ Ọmụma; m jẹnkọ d'a tụn ụka m ye elu ọmụmanị, ọnwụn asaẹka mẹri ẹ.

Matiu 24:35

Igwere lẹ ụwa k'a gụ, kanị oku m k'a bụnrịrị.

Matiu 5:18

Makẹni, m rị a gwa ụnụ ezioku, d'e ru ni elu-igwee lẹ ụwa a ghafe, onwọnni mkpụrụ-ẹkụkwọ ọwụlẹ rị imẹ Iwu mọbụ ihiẹn ọwụlẹ wẹ vinyehụ mkpụrụ-ẹkụkwọ, hụn wẹ jẹnkọ d'a kagbu — d'e ru nị ihiẹn ile rị Iwu e mẹzuchanrịn.

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Taịtọsụ 3:5

ọ nọ zụọpụha ẹnyi, ẹlẹ ihiẹn rị mma ẹnyi mẹ haịn, kanị, omikẹn ẹ; o gi ịmụdọnzini ẹnyi chanchan ẹnyi, o mẹ ẹnyi wụrụ ndị ọhụn ghahanị Mmọn-nsọ,

Hibru 12:27

Okuni o ku: “M k'e zinzinzi” rị a ghọsị nị Osolobuẹ sikọ d'e wepụ ihiẹn ndị wẹ a sa ẹka e zinzinpụ, ya wụ ihiẹn wẹ ke eke, kẹni ọ họdụ hụn wẹ ghalẹni a saẹka e zinzinpụ.

Rẹvẹleshọnụ 6:14

Igwere nọ fịfịrị nọkẹ ẹhụhụọ wẹ fịfịma, fopụ; ugu ile lẹ alị ile ohimin fihunmẹ nọ gha ọnọdị wẹ pụ.