Azaya 54:1 - Ika

¹ Ịyụ wụ agan, bụma ẹbụ — ịyụ hụn mụtulẹni nwa! Bụma ẹbụ, yimẹ oro ịghọghọ, ịyụ hụn imẹ mẹtulẹni! Makẹni, ụmụ okpoho nwẹn wẹ latọ jẹnkọ nwan d'e bu ọda karị nke okpoho ya lẹ di ẹ rịchanrịn. Ya kẹ Osolobuẹ ku.

Azaya 54:1 ပူးပေါင်းရင်းမြစ်များ

Jẹnẹsisi 21:6

Ya Sẹra nọ sị, “Osolobuẹ e mẹgụọ m mụ ẹmụ; onyẹ ọwụlẹ nụ ihiẹnni k'e sọn m mụ ẹmụ!”

Ẹbụ-ọma 113:9

O ye agan ezi-lẹ-ụlọ, gi ẹ họnrin nnẹ-ọmụmụ ẹfọ rị a sụọ ụsụọ. Ja nị Osolobuẹ mma.

Ẹbụ Solomọnụ 8:8

Ẹnyi nwọn nwẹnẹ-okpoho rị ẹnyi ibe-alị, hụn kelẹni kpụ ẹran. Kị ẹnyi k'e mẹni nwẹnẹ ẹnyi wẹ chọhama a?

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 24:14

E weshi wẹ nwan olu elu yimẹ oro ịghọghọ; ndị rị ẹbamịn ọdịdan-ẹnyanwụn hụ e yi nị Osolobuẹ e hikẹ ogbe.

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Azaya 49:19

Ọsụọn'a nị wẹ te mẹ alị ị la iwi, mẹ ẹ gba okpokoro, tikpọ a la iwi, yụ wụ alị Izrẹlụ ezukọzị nwan ndị nke i bi, ndị te bu i ri arịkọzị ị nsue.

Azaya 49:20

I k'e gi ntịn ị nụ kẹ ụmụ ị wẹ mụ ogẹn ahụn umẹ gi mẹ i rị a sị, ‘Alịnị erukọ ẹnyi, yecheni ẹnyi alị ẹnyi k'e bi.’

Azaya 62:4

Akpọkọzị wẹ i “Onyẹ wẹ gbatọ” mọbụ kpọzị alị ị “Alị wẹ jụ.” Kama wẹ k'a kpọma ị “Ihiẹn ẹ sụọ m,” kpọma alị ị “A lụgụọ w'a;” makẹni ihiẹn i k'a sụọ Osolobuẹ, makẹni Osolobuẹ k'a lụmazị alị ị.

Azaya 66:7

O ke kẹrẹni imẹ mẹmẹ ẹ, ọ mụ! O ke kẹrẹni ukun tụrụmad'a, ọ mụ okẹnnyẹ!

Zẹfanaya 3:14

Obodo Zayọnụ, bụma nwan ẹbụ ịghọghọ! Izrẹlụ, yimẹ nwan oro ịghọghọ! obodo Jerusalẹm, shịapụchanrịn ẹfọ ṅanma!

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Ndị Galeshịa 4:27

Makẹni Ẹkụkwọ-nsọ sị, “Ghọghọma nwan! Ịyụ wụ agan, hụn mụtulẹni nwa! Kwankpọma ẹbụ! Yimẹ oro! Ịyụ, imẹ mẹtulẹni! Makẹni, ụmụ okpoho hụ wẹ jụtọ a karịgụọ nke okpoho hụ ya lẹ di ẹ bichanrịn!”

Samuẹlụ Nke Ibuzọ 2:5

Ndị e te rijun ẹfọ e regụọ nwan enwẹn wẹ yeni ẹgụn, kanị ẹfọ e jungụọ ndị ẹgụn te rị a gụn! Okpoho nwẹn wụ agan a mụgụọ ẹsa, kanị hụn te mụ ọda enwọnzi ihiẹn ọ wụ!