Azaya 53:7 - Ika

⁷ E mẹshi w'ẹ ikẹn, mẹ ẹ ta afụnfụn, kanị ọ gba nkịtịn; e duru w'ẹ nọkẹ nwa-atụnrụn wẹ wekọ d'e gbu, kẹ onyẹnyẹ-atụnrụn wẹ rị a kọrị ẹṅẹnrẹn dọn a gba nkịtịn — ẹrịra k'ọ gba nkịtịn.

Azaya 53:7 ပူးပေါင်းရင်းမြစ်များ

Ẹbụ-ọma 38:14

M nọ nwan kẹ okẹnnyẹ ghalẹni a nụ ihiẹn, hụn ghalẹni a sa ẹka a shịarị oku.

Ẹbụ-ọma 38:15

Euu, Osolobuẹ, ịyụ kẹ m rịkwọ e che; Euu Osolobuẹ hụn wụ Chuku m, ị k'a za m.

Ẹbụ-ọma 44:22

Ufiri i kẹ wẹ gi nwan e gbu ẹnyi kẹ ụhụọhịn han, e mẹ ẹnyi kẹ atụnrụn wẹ k'e gbu.

Azaya 50:6

E budẹ m ụgba-azụụn zinmẹni wẹ ebe wẹ rị a fịan m ihiẹn, la nti tọnị ndị rị e huepụ m ẹtu; egini m ifẹnrẹn zueri makẹ ẹmụ wẹ rị a mụ m lẹ ẹsọn wẹ rị a jụkpu m.

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Jerimaya 11:19

M te nọhụ kẹ nwa-atụnrụn mẹ jụụ wẹ dukọ d'e gbu. Amarịndẹ m nị e zugụọnị wẹ m umẹ, sị, “Nị ẹnyi gbutu ni osisini — okẹnnyẹni lẹ ihiẹn rị a gha a ọnụ a pụha; nị ẹnyi gbupụn'a elu-ụwa — anyanhankọzị wẹ ẹfan a.”

Ọgụngụn 7:27

okoro-efin ohu, ebulu ohu ka ẹhụ lẹ nwa-ebulu ohu rị nwa ahụa — anụ ndị wẹ sikọ d'e gi chụn ẹjan w'a dụn ọkụn;

Matiu 26:63

Kanị Jizọsị a gba nkịtịn. Onyẹ-isi nchụn-ẹjan nọ sị a, “E gi m ẹfan Osolobuẹ rị ndụn sị ị gwa ẹnyi omẹni ịyụ wụ Kraịstị Nwa Osolobuẹ.”

Makị 14:61

Kanị Jesu nọ gba nkịtịn, ọ shịarịnị ihiẹn ọwụlẹ. Onyẹ-isi nchụn-ẹjan nọzị sị a, “Ịyụ wụ Kraịstị, Nwa Onyẹ Hụ Rịchanrịn Mma?”

Makị 15:5

Kanị Jesu ashịarịkwọnị ihiẹn ọwụlẹ; ọ tụ Paịleti ẹnya.

Luku 23:9

Ya ọ nọ jụma Jizọsị ajụjụ bu ọda, kanị Jizọsị a shịarịn'a ihiẹn ọwụlẹ.

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Jọnụ 19:9

Ọ nọ shizi imẹ ọgwa a d'a jụ Jesu ajụjụ, sị a, “Elebe k'ị gha bịa?” Kanị Jesu ashịarịn'a.

Pita Ibuzọ 2:23

A kpari w'ẹ, ọ kparigwarịnị; k'ọ rị a ta afụnfụn, ọ nyannịnị wẹ isi. Kama, o we enwẹn ẹ kwanị Osolobuẹ, onyẹ hụn a han ezigbo eṅẹn.

Rẹvẹleshọnụ 5:6

Ya m nọ hụn Nwa-ebulu hụn nọ kẹ sị wẹ te gbu ẹ egbu; o turu etintinnaị ihun ukpo-eze hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ e fihunmẹ ẹ. Nwa-ebuluni nwọn mpịn ẹsa lẹ ẹnya ẹsa hụn wụ Mmọn ẹsa Osolobuẹ, hụn Osolobuẹ zijẹn elu-ụwa ile.