Azaya 53:12 - Ika

¹² M k'e mẹ ẹ nwan rị ndị uku; ihiẹn wẹ bulụa agha hụn e ru ndị dikẹn ẹka k'e ru ẹ ẹka — makẹni o kweri we enwẹn ẹ ye wẹ gbu, a gụn w'a yeni ndị mmẹfie. O buru njọ ndị bu ọda; ọ rịọdọnni ndị nnupụ-isi.

Azaya 53:12 ပူးပေါင်းရင်းမြစ်များ

Jẹnẹsisi 3:15

“M k'e mẹ ịyụ lẹ okpohoni wụrụ eṅẹnrẹn, mẹzikwọ nwa ị lẹ nwa a wụrụ eṅẹnrẹn. Nwa a k'a zọkpọ ị isi; yụ nwẹn k'a ta nwa a atụ-ụkụ azụụn.”

Jobu 30:16

Ndụn m hụ a la; ụhụọhịn-ụhụọhịn, m hụ a ta afụnfụn.

Ẹbụ-ọma 2:8

Rịọ m, m k'e mẹ alị ile wụrụ ukuu i; mẹ ebe ile ụwa ru wụrụ nke i.

Ẹbụ-ọma 22:14

Ndụn hụ a gụ m, rịkẹ ebe wẹ rị e hupụ mirin. Ọkpụkpụ m ile e kwọnpụchanrịngụọ. Obi rị m hụ kẹ udẹn, o dẹnhinchanrịngụọ.

Ọpụpụ 15:9

“Eṅẹnrẹn ete nyanghọ isi, sị, ‘M jẹnkọ d'a chụ wẹ; m jẹnkọ d'a nwụndọn wẹ; m k'a narịn wẹ ihiẹn ile wẹ gi, we ẹ keyịya. M k'e gi wẹ rijun ẹfọ. M k'e sepụha ọpịa-agha m, gi ẹka m gbu wẹ.’

Azaya 49:4

Kanị, mmẹ nwẹn hụ a sị, “A rụngụọ m ọrụn ọlaliwi; a rụngbugụọ m enwẹn m mmaka. Kanị, a marịnghọ m nị Osolobuẹ k'e ye m ihiẹn runi m, nị Chuku m k'a kụ m ụgwọ-ọrụn.”

Azaya 52:13

Osolobuẹ sị, lee ẹ, ihiẹn jẹnkọ d'a ghanị odibo m; o k'e nwọn ọghọ, wụrụ onyẹ rị mkpa; o k'a wụ onyẹ rị mkpa ọda-ọda

Azaya 52:15

ẹrịra kẹ ọghọ a k'a tụzị alị ichẹn-ichẹn ẹnya — ndị-nze k'a nụdẹ oku ẹ kpumẹ ọnụ. Makẹni, wẹ k'e gi ẹnya wẹ hụn ihiẹn wẹ gwatulẹni wẹ oku ẹ; wẹ k'a ghọta ihiẹn wẹ nụtulẹni ukwere ẹ.

Azaya 53:6

Ẹnyi ile a kpahugụọ nọkẹ atụnrụn; onyẹ-onyẹ a warị ẹbụ a — Osolobuẹ e bukwasị a njọ ẹnyi ile.

Azaya 53:8

E kingụ w'a ikpe zinrinlẹni, wẹ nọ weri ẹ d'e gbu. Onyẹ k'e kumẹzi nwan oku ụmụ a? Wẹ gbuchu ẹ egbuchu elu-ụwanị; wẹ gi ufiri nnupụ-isi ndị nke m mẹ ẹ ihiẹn.

Daniẹlụ 2:45

Ịya wụ ọmụma ahụn ị hụn wẹ gha ugu bepụha bụ ẹlẹ ịhịan bepụha a — ọmụma ahụn tigungwọn igwe lẹ igwe-bronzu lẹ ụrụa lẹ siliva lẹ goru. “Chuku hụ kanị a ghọsịgụọ eze ihiẹn sikọ d'e mẹ ihun. Ọnwan wụ nrọ ị k'i dọnchanrịn rọ a; ọnwan wụ nkọwa a — ịrụ-ụka arịa.”

Matiu 26:42

Ọ nọ pụzị nke mgbe ẹbụọ, mẹ ekpere, sị, “Baba, omẹni mkpu afụnfụnnị asaẹka ghafe mmanị m ra, uche i ya mẹ.”

Makị 15:27

O nwọn ndị ohin ẹbụọ wẹ kpọma elu obe cheni Jizọsị; onyẹ ohu rị elu obe rị Jizọsị ẹka-ihiẹn, hụn-ẹbọ rị elu-obe rị Jizọsị ẹka-ekpẹn,

Makị 15:28

Ya kẹ ihiẹn Ẹkụkwọ-nsọ ku gi mẹzu, makẹni Ẹkụkwọ-nsọ sị, “Wẹ gụn a yeni ndị a dan iwu.”

Luku 22:37

M rị a gwa ụnụ, ihiẹn ahụn Ẹkụkwọ-nsọ ku, nị ‘Wẹ jẹnkọ d'a gụn a yeni ndị a dan iwu’ jẹnkọ d'a nọ ẹhụ m bụn. Eziẹ, ihiẹn Ẹkụkwọ-nsọ ku banyeni m hụ e mẹ.”

Luku 23:25

Ọ nọ hatu onyẹ hụ wẹ chọ, onyẹ nwẹn wẹ tụ ngan makẹ isusu lẹ igbu-ọchụn. Ọ nọ we Jizọsị ye wẹ nị wẹ kpọgbu ẹ ọkpọgbu ahụn wẹ chọ.

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Rom 8:34

Onyẹ k'a ma wẹ nwan ikpe, ebe o mẹ ni Jesu Kristi rị nwan ẹka-nni Osolobuẹ a rịọdọnni ẹnyi — Jesu Kristi hụn nwụnnị ẹnyi ọnwụn, hụn gizidẹ ufiri ẹnyi gha ọnwụn lihi? N'ọ ma ẹnyi ikpe?

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Filipi 2:17

Ọsụọn'a nwan nị wẹ rị nwan e hupụ ndụn m nọkẹ manya e cheni okukwe ụnụ nọkẹ ẹjan wẹ rị a chụnyeni Osolobuẹ, ẹfọ rị a sụọ m ụsụọ; m rị e sọn ụnụ a ghọghọ!

Ndị Kolosị 2:15

Ọ napụ ndị-ọkịkị ile lẹ ọkịkị ile ikẹn, gbe ifẹnrẹn ye wẹ ihun idẹnya ịhịan ile, gi ihiẹn o mẹ elu obe hụ mẹrichanrịn wẹ.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 12:2

ẹnyi e bu ẹnya zinmẹ Jizọsị, onyẹ hụn bidọn okukwe ẹnyi, onyẹ hụn k'e mẹ ẹ zu oke, onyẹ hụn gi ufiri ịghọghọ rị e chen'ẹ dingbu obe, legberi ifẹnrẹn rịn'a. Ọ nọdịgụọ nwan alị ẹka-nni ukpo-eze Osolobuẹ.

Hibru 7:25

Ufiri ẹ, k'o gi a sa ẹka a zụọpụha ndị ghaha ẹka a d'e kunrun Osolobuẹ, a zụọpụha wẹ d'e ru isi ẹ, makẹni ọ rịsọnmẹ ndụn, a rịọdọnni wẹ Osolobuẹ.

Hibru 9:24

Makẹni, ẹlẹ ebe rị nsọ wẹ gi ẹka rụn hụn wụhụ onyinyọn nke ezigbo ẹ kẹ Kraịstị banye; elu-igwee lẹ enwẹn ẹ k'ọ banye, weri ọnọdị ebe Osolobuẹ rị makẹ ọrịrịmma ẹnyi.

Hibru 9:26

Omẹni nke Jizọsị te rị ẹrịra, nkẹ ọ hụ a nwụn a nwụndọnzi kete wẹ kelẹ ụwa! Kama, ọ bịalẹ mgbe ohuni sụọ imẹ ọgụgụ-ogẹnni d'e wepụchanrịn njọ ghahanị igi enwẹn ẹ chụn ẹjan.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Jọnụ Ibuzọ 2:1

Ụmụ m, m rị e deni ụnụ ihiẹn ndịnị amamgbe ụnụ gha e mẹ njọ. Kanị, omẹni ịhịan mẹ njọ, ẹnyi nwọn onyẹ a rịọdọnni ẹnyi Chuku-Nẹdi: Jesu Kristi hụn rị ọchan rọ.

Jọnụ Ibuzọ 2:12

Ụmụẹka, m rị e deni ụnụ nị m gi gwa ụnụ nị Osolobuẹ e gigụọ ufiri ẹfan Jizọsị gbagharị ụnụ njọ.