Azaya 52:9 - Ika

⁹ Mkpọkọ-ụlọ ile rị Jerusalẹm, bụye ni ẹbụ, makẹni Osolobuẹ a rọkọgụọ ndị nke ẹ obi; ọ gbapụhagụọ Jerusalẹm!

Azaya 52:9 ပူးပေါင်းရင်းမြစ်များ

Ẹbụ-ọma 102:22

ogẹn hụ ndị alị ichẹn-ichẹn lẹ alị-eze ichẹn-ichẹn k'e gi bịagbama d'e fe Osolobuẹ ofufe.

Ẹbụ-ọma 98:4

Ụwa ile, yini ni Osolobuẹ oro ịghọghọ! Gi ni ịghọghọ bụye ẹbụ, kpọ egu!

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 14:7

Alị ile e nwọnringụọ nwan ezumikẹn lẹ udọn; wẹ hụ a kwankpọ ẹbụ.

Azaya 40:1

“Kasị nị ndị nke m obi; rọkọ nị wẹ obi!” Ya kẹ Chuku ụnụ ku.

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 44:23

Igwere, bụma ẹbụ ịghọghọ, makẹni Osolobuẹ e mẹgụọ ihiẹnni! Alị, yi oro! Ugu ichẹn-ichẹn, bụye ni ẹbụ — kẹ ọfịa lẹ osisi ile rịn'a! Makẹni Osolobuẹ a gbapụhagụọ ebọn Jekọpụ, o giọlẹ ụmụ Izrẹlụ ghọsị ọghọ a.

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Azaya 48:20

Gha nị Babilọnụ pụ, gbapụnị nị ndị Babilọnụ gini ụnụ! Gi oro ịghọghọ hị ọnwan — ku ẹ nị ịhịan ile nụ; ku ẹ n'ọ ghagbarị ụwa ile; sị, ‘Osolobuẹ a gbapụhagụọ odibo ẹ wụ Jekọpụ!’

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 51:3

Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 55:12

Ịghọghọ kẹ y'e gi pụ, udọn kẹ w'e gi dupụha ị; ugu lẹ òke hụn ị a bụma wẹ ẹbụ; osisi ile rị ọfịa k'a hụn ị kpọma ẹka.

Azaya 61:4

Wẹ k'e dọnzi mkpọkọ-ụlọ ẹdẹi, rụndọnzi ebe gba okpokoro kete-kete; wẹ k'a tụndọnzi obodo ichẹn-ichẹn ndị gba okpokoro kete agbọ ole-lẹ-ole.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Maịka 4:10

A fịkọkwọ nwan, obodo Zayọnụ; nọkẹ onyẹ imẹ rị e mẹ, makẹni ụnụ k'a pụgụ nwan obodoni, ranhịngụ ogbe, gha ebẹhụ shi alị Babilọnụ. Ebẹhụ kẹ w'a nọ gbapụha ụnụ; ebẹhụ kẹ Osolobuẹ k'a nọ gbapụha ụnụ ẹka ndị-iṅẹnrẹn ụnụ.

Ndị Galeshịa 4:27

Makẹni Ẹkụkwọ-nsọ sị, “Ghọghọma nwan! Ịyụ wụ agan, hụn mụtulẹni nwa! Kwankpọma ẹbụ! Yimẹ oro! Ịyụ, imẹ mẹtulẹni! Makẹni, ụmụ okpoho hụ wẹ jụtọ a karịgụọ nke okpoho hụ ya lẹ di ẹ bichanrịn!”