Azaya 52:8 - Ika

⁸ Gọn nị ntịn-o! Nụ nị kẹ ndị-nche ụnụ rị e yi oro, wẹ ile hụ a bụ ẹbụ-ịghọghọ — makẹni e gigụọ wẹ ẹnya wẹ hụn kẹ Osolobuẹ kinla Zayọnụ!

Azaya 52:8 ပူးပေါင်းရင်းမြစ်များ

Ẹbụ-ọma 102:22

ogẹn hụ ndị alị ichẹn-ichẹn lẹ alị-eze ichẹn-ichẹn k'e gi bịagbama d'e fe Osolobuẹ ofufe.

Ẹbụ Solomọnụ 3:3

Ndị-nche a hụn m ebe wẹ rị a ghahunmẹ imẹ obodo. M nọ sị wẹ, “Ụnụ a hụnghọ onyẹ ahụn a sụọ obi m ụsụọ?”

Ẹbụ Solomọnụ 5:7

Ndị-nche a hụn m ebe wẹ rị a ghahunmẹ imẹ obodo. E gbu wẹ m ili, ebe wẹ fịan m ihiẹn nọ wuru; a kịnarịn wẹ m ẹwuru m yiye elu ẹ — ndị-nche hụ hụn e che nche mgbọn obodo, uwẹ mẹ m ihiẹnni!

Azaya 24:14

E weshi wẹ nwan olu elu yimẹ oro ịghọghọ; ndị rị ẹbamịn ọdịdan-ẹnyanwụn hụ e yi nị Osolobuẹ e hikẹ ogbe.

Azaya 26:1

Ogẹn ahụn, wẹ k'a bụ ẹbụnị imẹ Juda: Ẹnyi e nwọnghọ obodo zeni; Chuku e gigụọ nzụọpụha mẹmẹ mgbọn ẹ lẹ ebe w'a gbaban rịn'a.

Azaya 27:2

O ru ogẹn ahụn — “Bụ nị ẹbụ banyeni alị vaịnị hụ a mị mkpụrụ:

Azaya 30:26

Ifọn k'e ti kẹ ẹnyanwụn, ẹnyanwụn nkẹ k'e tiwaye ụzọ ẹsa — lekẹ ukpẹ akpọhịn ẹsa — ogẹn hụ Osolobuẹ k'e gi kẹnmẹ ndị nke ẹ ebe ile maranị, zụọ wẹ ẹhụ ọ rụ wẹ.

Azaya 35:10

ndị Osolobuẹ gbapụha k'a lụaha; wẹ k'e gi ẹbụ banhan Zayọnụ; ịghọghọ hụn k'a rị jẹnrin ejẹn k'a wụ ihiẹn wẹ gi tu wẹ ugọn. Obi-ụsụọ lẹ ịghọghọ k'a karị ẹka, ẹkwan lẹ ịsụn-udẹn k'a gba ọsọ.

Azaya 40:9

Ịyụ hụn wẹhẹni Zayọnụ ozi rị mma, nyinrin nwan ugu jẹn elu n'ị hị. Ịyụ hụn wẹhẹni Jerusalẹm ozi rị mma, weshi olu elu yikẹnmẹ oro! Weshi olu elu — atụlẹ egun; sị obodo ndị rị Juda: “Lee ni Chuku ụnụ!”

Azaya 48:20

Gha nị Babilọnụ pụ, gbapụnị nị ndị Babilọnụ gini ụnụ! Gi oro ịghọghọ hị ọnwan — ku ẹ nị ịhịan ile nụ; ku ẹ n'ọ ghagbarị ụwa ile; sị, ‘Osolobuẹ a gbapụhagụọ odibo ẹ wụ Jekọpụ!’

Azaya 56:10

Ndị-nche Izrẹlụ wụ ndị ẹnya-ishi, amarịn wẹ ihiẹn, nkitẹ odin a gba nkịtịn kẹ wẹ ile wụ w'a ra saẹka a gbọ, w'e dinẹsọnmẹhụ, a rọ nrọ — ụran a sụọka wẹ.

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Azaya 62:6

Jerusalẹm! E bugụọ m ndị-nche che elu mgbọn i; akpọkubehikọ wẹ m, kẹ uhinhin kẹ efinaị. Ụnụ ndị a kpọku Osolobuẹ, ezukwọlẹ ni ikẹn;

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 32:39

M k'e mẹ wẹ e ro ihiẹn ohu sụọ, e mẹ ihiẹn ohu sụọ — hụn wụ ịtụ egun m ogẹn ile kẹni ọ rịnị wẹ mma, rịnị ụmụ wẹ lalanị mma.

Jerimaya 33:11

olu ndị rị a ghọghọnị lẹ ndị ẹfọ rị a sụọ ụsụọ, olu okẹnnyẹ rị a lụ nwunyẹ lẹ okpoho ọ rị a lụ, olu ndị rị e wẹhẹ oyiye imẹ ụlọ-Osolobuẹ d'a kpanmịn a, a sị, ‘Kpanmịn nị Osolobuẹ ihiẹn ile rị okpuru ẹ, makẹni Osolobuẹ a rịka mma; ara nwọnbehi ihiẹn-ọsụsụọ.’ Makẹni mmẹ wụ Osolobuẹ jẹnkọ d'e dọnzi alịnị, ọ rịzị mma k'ọ rị mbụ. Mmẹ wụ Osolobuẹ ku ẹ.”

Jerimaya 33:7

M k'e welụa ndị Juda lẹ ndị Izrẹlụ Ẹbamịn-ugu wẹ kpụnrụn, dọnzini wẹ ihiẹn k'ọ rị mbụ.

Jerimaya 6:17

Mmẹ tumẹni ụnụ ndị nche — ndị amụma, sị ụnụ, ‘Wẹ gbu (opi) ọdụ, ụnụ e gọn ntịn!’ Kanị ụnụ sị, ‘Ẹnyi egọnkọ ntịn.’

Izikẹlụ 3:17

“Nwa-ịhịan, e tumẹgụọ m'ị onyẹ-nche ikpụlọ Izrẹlụ. I sikọ nwan d'a gha e gi ihiẹn ị nụ ọnụ m a gbanị m wẹ mkpịnsịn-ẹka ẹnya.

Izikẹlụ 33:7

“Nwa-ịhịan e tumẹgụọ m'ị nwan onyẹ-nche ndị Izrẹlụ; i sikọ d'e gọn ntịn oku m, y'a gwakwọnị m wẹ ihiẹn m ku.

Zẹfanaya 3:9

“M k'e ye ndị alị ichẹn-ichẹn ọnụ rụlẹni, kẹni wẹ kpọkumẹ ẹfan Osolobuẹ, e gi wẹ ọnụ ohu fe ẹ.

Zẹkaraya 12:8

O ru ogẹn hụ, Osolobuẹ k'e che ndị bi Jerusalẹm nche; ndị ndụn te rịlẹni imẹ wẹ ogẹn ahụn k'e zedẹ kẹ Defidi; ebọn Defidi wụ eze k'a rị kẹ Chuku lẹ enwẹn ẹ, nọkẹ mmọn-ozi Osolobuẹ, buruni wẹ ụzọ.

Ọrụn Ndị-ozi 2:1

O ru ụhụọhịn Mmẹmmẹ Pẹntikọsụ, ndị ile kwerini rị ụzọ ohu.

Ọrụn Ndị-ozi 4:32

Ndị ile kwerini hụ e gi obi ohu e bi, e ro ihiẹn ohu; onwọnni onyẹ kpọ ihiẹn o nwọn nke ẹ, kama, wẹ weri ẹ nị wẹ ile gba nwọn ihiẹn ile.

Ndị Kọrẹntị Ibuzọ 1:10

Umunẹ, m gi ẹfan Di-nwọnni-ẹnyi wụ Jesu Kristi a rịọ ụnụ nị ụnụ ile e kuye ọnụ ohu ẹlẹ hụn nkebe e gi a rị imẹ igunrun ụnụ; e nwọnchanrịn nị obi ohu, a chụ nị ihiẹn ohu.

Ndị Kọrẹntị Ibuzọ 13:12

Ogẹnni ẹnyi a hụn bishi-bishi nọkẹ onyẹ rị e lee ughegbe rịlẹni mma. Kanị, o ru ogẹn hụ, o k'a wụ elee-m, elee-i; kikẹnni, ẹnyi amarịnzuni, kanị ogẹn hụ, m k'a marịnchanrịn ihiẹn ile kẹ Osolobuẹ dọn marịnchanrịn m.

Hibru 13:17

E kweyeni ni ndị-ndu ụnụ, e bu ni enwẹn ụnụ e che okpuru wẹ. Makẹni, wẹ rị e lepụ umẹ-ndụn ụnụ ẹnya. Osolobuẹ jẹnkọ d'a jụ wẹ ukwere ụnụ. Hụn n'a nị wẹ gi ịghọghọ ye mgbakọ hụ, ẹlẹ ẹnya-mirin, makẹ ọ gha a jọ ụnụ njọ.

Rẹvẹleshọnụ 18:20

Elu-igwee, ghọghọma nwan! Ndị-nsọ lẹ ndị-ozi pụ-ichẹn lẹ ndị-amụma, ghọghọma nị nwan, makẹni Osolobuẹ e gigụọ ufiri ụnụ ma a ikpe!”

Rẹvẹleshọnụ 19:4

Ndị-isi ẹnọ kwasị ọgụn hụ lẹ ihiẹn ẹnọ hụ rị ndụn nọ fiẹnrin alị, fe Onyẹ hụn rị ukpo-eze, sị, “Isẹẹ! Ja nị Osolobuẹ mma.”