Azaya 52:6 - Ika

⁶ Ndị nke m jẹnkọ nwan d'a hụn ihiẹn ẹfan m wụ — m mẹgụ ihiẹn m k'e mẹ a marịn wẹ nị mmẹ ku ẹ. Ẹghẹẹ, mmẹ rọ.”

Azaya 52:6 ပူးပေါင်းရင်းမြစ်များ

Ẹbụ-ọma 48:10

Kẹ i nwọnhan Ẹfan, Osolobuẹ — ẹrịra kẹ wẹ dọn a ja ị mma elu-ụwa ile! Ẹka ị a rụnka ihiẹn furuni!

Ọpụpụ 3:13

Kanị Mozizi nọ sị Chuku, “M jẹn d'a sị ndị Izrẹlụ, ‘Chuku ndị nẹdi ụnụ kanị zihẹ m d'e kunrun ụnụ’, nị a jụma wẹ m, ‘Kị wụ ẹfan a?’ Kị m k'a sị wẹ?”

Ọpụpụ 33:19

Osolobuẹ nọ sị a, “M sikọ nwan d'a ghafe ihun i, ghọsị ị mma m ile, kpọ ẹfan m wụ Osolobuẹ idẹnya ị: onyẹ m chọ nị m mẹni ọhụnma kẹ m k'e mẹni ọhụnma, onyẹ m chọ nị m mẹni omikẹn kẹ m k'e mẹni omikẹn.

Ọpụpụ 6:3

Kẹ m we enwẹn m ghọsị Ebraham lẹ Aziki lẹ Jekọpụ, m ghọsị wẹ nị m wụ Chuku Nwọn Ikẹn Ile, kanị, egini m ẹfan m wụ Osolobuẹ ghọsị wẹ enwẹn m.

Azaya 40:9

Ịyụ hụn wẹhẹni Zayọnụ ozi rị mma, nyinrin nwan ugu jẹn elu n'ị hị. Ịyụ hụn wẹhẹni Jerusalẹm ozi rị mma, weshi olu elu yikẹnmẹ oro! Weshi olu elu — atụlẹ egun; sị obodo ndị rị Juda: “Lee ni Chuku ụnụ!”

Azaya 42:9

Lee ẹ, ihiẹn ile m gwa ụnụ mbụ e mẹgụọ. M rịzị nwan a gwa ụnụ ihiẹn ọhụn; m rị a gwatọ ụnụ ya hụnnị o kelẹni mẹ.”

Azaya 49:23

Ndị-nze k'a mụrụn ị kẹ nwa; inyẹnmẹ ndị-nze e mẹn'i kẹ nnẹ. Wẹ k'a kụn'ị isi alị, wẹ k'a rachan uzunzun rị ị ụkụ. Ogẹn hụ kẹ y'e gi marịn nị mmẹ wụ Osolobuẹ; nị ifẹnrẹn emẹkọ ndị gi m dọn ẹnya.”

Azaya 60:16

Alị-eze ichẹn-ichẹn k'e mẹdẹ ụnụ kẹ ụmụ wẹ rị e ye ẹran; ndị-nze k'e mẹni ụnụ kẹ ụmụ rị a ra ẹran, ụnụ e gi ẹ marịn nị mmẹ, Osolobuẹ, wụ Onyẹ hụn a zụọpụhanị ụnụ, Onyẹ mgbapụha ụnụ, Dikẹn ebọn Jekọpụ.

Jerimaya 31:34

Ịhịan akuzikọzị ibe ẹ mọbụ sị nwẹnẹ ẹ, ‘Marịn Osolobuẹ,’ onyẹ-onyẹ jẹnkọ d'a marịn m, gha onyẹ-uku d'e ru onyẹ-nta, makẹni m jẹnkọ d'a gbagharị wẹ eje-ihiẹn wẹ mẹ; anyanhankọzị m njọ wẹ.”

Izikẹlụ 20:44

“Ụnụ sikọ d'a marịn nị mmẹ wụ Osolobuẹ, ogẹn m e gi dọnzi ihiẹn makẹ ẹfan m, hụn nkẹ m'e gi mẹ ụnụ ihiẹn eje-obibi ụnụ lẹ arụ ụnụ chọ. Ya kẹ Osolobuẹ Nwọn Ihiẹn Ile ku.”

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?