Azaya 52:5 - Ika

⁵ “Kịnị kẹ m rịzị nwan a hụn ihiẹnni: e werigụọ wẹ ndị nke m mmakalaka, ndị gini wẹ hụ a gan wẹ.” Ya kẹ Osolobuẹ ku. “Wẹ hụ e lelịa ẹfan m uhinhin lẹ efinaị.

Azaya 52:5 ပူးပေါင်းရင်းမြစ်များ

Samuẹlụ Nke Ẹbụọ 12:14

Kanị, makẹni y'e yegụọ ndị-iṅẹnrẹn Osolobuẹ ihiẹn w'e gi kpari ẹ, nwata-okẹnnyẹ ahụn okpohoni mụn'ị k'a nwụnhụn.”

Ẹbụ-ọma 44:12

Y'e repụgụọ ndị nke i nru-ọnụ lekẹ ihiẹn afịa jụ.

Ẹbụ-ọma 44:16

makẹ ọnụ ndị rị a mụ ẹnyi ẹmụ lẹ ndị rị a kparini ẹnyi; makẹ eṅẹnrẹn, hụn rị a chọ n'o mẹgwarị.

Ẹbụ-ọma 74:10

Euu Chuku, elee mgbe kẹ ndị-iṅẹnrẹn k'a mụbehi ẹnyi ẹmụ?! Nị wẹ kpọlịa ẹfan ị jẹnrin ejẹn?

Ẹbụ-ọma 74:18

Euu Osolobuẹ, nyanhankwọ ẹmụ ndị-iṅẹnrẹn rị a mụ ị, lẹ ọkpọlịa ndị marịnlẹni ihiẹn rị a kpọlịa ẹfan ị.

Ọpụpụ 3:7

Osolobuẹ nọ sị, “A hụngụọ m ụya ndị nke m rị e ri imẹ alị Ijiptu. A nụọlẹ m ẹkwan wẹ rị a kwan ẹka ndị rị a kpa wẹ nọkẹ igbọn. A marịngụọ m afụnfụn wẹ rị a ta.

Azaya 22:16

‘Elee hụn biri i ebeni? Elee onyẹ nke i kẹ wẹ liye ebeni, i gi a tụnị enwẹn i ili ebeni, e gutọnị enwẹn i ili ebe jẹn elu, a tụpụhanị enwẹn i ili rị mma ị k'a nọdị imẹ ọmụma rị elu-ugu?’

Azaya 37:28

Kanị a marịnghọ m'ị ru alị — kẹ ebe i bi kẹ ọpụpụ ị kẹ ọbanhan ị, a marịnzịghọ m eje-olulu ị rị e buni m.

Azaya 37:6

Azaya nọ sị wẹ, “D'a gwa nị di-nwọnni ụnụ nị Osolobuẹ sị: ‘Atụlẹ egun ihiẹn ndị ị nụ, ihiẹn hụ idibo eze Asiria gi kpari m.

Azaya 47:6

M te rị e busọn ndị nke m olulu; ya m nọ gi olulu hụ mẹrụdẹ ihiẹn m; e mẹ m wẹ ban ị ẹka, y'e mẹni ni wẹ omikẹn kaka — kẹ ndị ẹgẹdi rị imẹ wẹ k'i buye ibu nyịnnị.

Azaya 51:20

Ụmụ ị ikẹnnyẹ a sọhịgụọ, fiẹnrinsọnmẹ ọgbara-ogbe ile, nọkẹ mgbadan ọnyan nwụndọn. A ragụọ wẹ ọnụma Osolobuẹ, rajun ẹfọ — ya lẹ ọjụgbọ Chuku i jụgbọ wẹ.

Azaya 51:23

M jẹnkọ nwan d'e bu mkpu ọnụma hụ ye ndị rị e mẹshi i ikẹn, ndị hụ te sị ị: ‘Fiẹnrin — nị ẹnyi zọ ị ụkụ ghafe!’ Ị nọ gi ụgba-azụụn ị họnrin akpak'alị w'a zọ ụkụ, ọkpụ-ụzọ w'a zọ ụkụ.”

Azaya 52:3

Makẹni Osolobuẹ sị: “Ọfẹ kẹ m re i, ya wụ, egikọ m egho gbarị ị.”

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Ẹkwan 1:21

A nụgụọ wẹ udẹn m rị a sụn, kanị onwọnni onyẹ a hụhụnị m. Ndị-iṅẹnrẹn m ile a nụgụọ nsọngbu m rị imẹ ẹ; wẹ hụ e gi ihiẹn i mẹ m a ghọghọ. Mẹ ụhụọhịn ahụn i ku oku ẹ bịa kẹni wẹ nwẹn rị kẹ mmẹ.

Ẹkwan 2:3

Ọ gigụọ okẹn-olulu ẹ kwọnpụchanrịn mpịn ile Izrẹlụ gi a lụ ọgụn. O serigụọ ẹka-nni ẹ o gi a lụnị Izrẹlụ ọgụn — ihun ndị-iṅẹnrẹn wẹ. Ọ dụngụọ kẹ ọkụn imẹ alị Jekọpụ dụnpụ ihiẹn ile nọkunmẹn'ẹ.

Izikẹlụ 20:14

Kanị emẹni m'ẹ makẹ ufiri ẹfan m, amamgbe m'e budan ẹfan m ẹnya alị ndị hụ m nọ idẹnya wẹ wepụha wẹ alị Ijiptu.

Izikẹlụ 20:9

Kanị emẹni m'ẹ makẹ ufiri ẹfan m, amamgbe m'e budan ẹfan m ẹnya alị ndị hụ wẹ bi imẹ igunrun wẹ, alị ndị hụ m nọ idẹnya wẹ ghọsị ndị Izrẹlụ enwẹn m ghahanị iwepụha wẹ imẹ alị Ijiptu.

Zẹfanaya 1:10

Osolobuẹ sị, “O ru ogẹn hụ, oro ẹkwan k'a pụ ibẹka Ọnụ-mgbọn Azụn; ịya lẹ olu rị ibẹka Ogbe-ọhụn e goo; wẹ k'a nụ okẹn ụzụn ihiẹn rị elu ugu a dankpọ.

Ndị Rom 2:24

Ẹkụkwọ-nsọ sị, “Ụnụ ndị Ju haịn alị ndị ọzọ gi e kuja oku Osolobuẹ.”

Ndị Han Eṅẹn 18:3

Ogẹn wẹ gi nọkunmẹ iwe Maịka, wẹ nọ marịn olu okorọbịa Livaị hụ rị iwe ẹ; ya wẹ nọ banye ebẹhụ, jụma a, “Onyẹ wẹhẹ i ebeni? K'ị rị e mẹ ebeni? Kị haịn i gi rị ebeni?”