Azaya 52:4 - Ika

⁴ Di-nwọnni-ẹnyi wụ Osolobuẹ sị, Alị Ijiptu kẹ ndị nke m bu ụzọ lashi d'e biri nọkẹ itumunyẹ; ikpanzụụnnị, alị Asiria a bịangbuzighọ wẹ. Osolobuẹ sị,

Azaya 52:4 ပူးပေါင်းရင်းမြစ်များ

Jẹnẹsisi 46:6

E kpọrinzịghọ wẹ anụ-ụlọ wẹ lẹ ihiẹn ile wẹ nwọn imẹ alị Kenaanị. Ya kẹ Jekọpụ lẹ ụmụ a lẹ ụmụ-ụmụ a ile nọ bịa alị Ijiptu.

Jẹnẹsisi 46:7

Jekọpụ weri ụmụ a ikẹnnyẹ lẹ oyẹ ẹ ikẹnnyẹ, ụmụ a ikpoho lẹ oyẹ ẹ ikpoho; ẹbozo ẹ ile k'o kpọnhẹn alị Ijiptu.

Jobu 2:3

Ya Osolobuẹ nọ jụ Ekwensụ, “Y'e lekpọgụọ odibo m wụ Jobu? Onwọnni onyẹ nọ kẹ ya elu ụwa; onyẹ ezioku k'ọ wụ; onwọn nkọrịanị; ọ tụ egun Chuku, ara gi eje-ihiẹn mẹ ẹhụ. Echẹn k'o gikwọ hụn o gi, ọ sụọn'a nị i te nu m nị m tikpọ a bụ onwọnni ihiẹn o mẹ.”

Ẹbụ-ọma 25:3

Onwọnni onyẹ gi i dọn ẹnya ifẹnrẹn k'e mẹ, kanị ifẹnrẹn k'e mẹ ndị ihunnaị nwọnlẹni isi.

Ẹbụ-ọma 44:12

Y'e repụgụọ ndị nke i nru-ọnụ lekẹ ihiẹn afịa jụ.

Ẹbụ-ọma 69:4

Ndị rị e we iwe m mmakalaka ka ntutu rị m isi ọda; ndị dikẹn rị a chọ nị wẹ tikpọ m mmakalaka. M'e d'e wekin nwan ihiẹn m zunlẹni.

Azaya 14:25

M jẹnkọ d'a nọ alị m tikpọ alị Asiria; elu ugu m rị ichẹn-ichẹn kẹ m k'a nọ zọ a ye alị. M k'a tọpụ ndị nke m ẹgbụn a, ziẹn wẹ ibu ẹ hụn rị wẹ uvun.”

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Jọnụ 15:25

Ihiẹn wẹ de imẹ iwu wẹ a bụngụọ nwan: nị, ‘Ize m rị e ze wẹ bụ onwọnni ihiẹn m mẹ.’