Azaya 52:13 - Ika

¹³ Osolobuẹ sị, lee ẹ, ihiẹn jẹnkọ d'a ghanị odibo m; o k'e nwọn ọghọ, wụrụ onyẹ rị mkpa; o k'a wụ onyẹ rị mkpa ọda-ọda

Azaya 52:13 ပူးပေါင်းရင်းမြစ်များ

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 49:1

Gọn ni m ntịn, alị ndị teni rị ohimin; nụ nị ihiẹnni, alị ile teni: M rị imẹ ẹfọ kẹ Osolobuẹ kpọ m; m rị ẹfọ nnẹ m k'ọ kpọma ẹfan m.

Azaya 49:3

Ọ sị m, “Odibo m kẹ ị wụ, Izrẹlụ, hụn m k'e gi ghọsị ọghọ m.”

Azaya 53:12

M k'e mẹ ẹ nwan rị ndị uku; ihiẹn wẹ bulụa agha hụn e ru ndị dikẹn ẹka k'e ru ẹ ẹka — makẹni o kweri we enwẹn ẹ ye wẹ gbu, a gụn w'a yeni ndị mmẹfie. O buru njọ ndị bu ọda; ọ rịọdọnni ndị nnupụ-isi.

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Jerimaya 23:5

Mmẹ wụ Osolobuẹ sị, “Ogẹn lala hụn m k'e gi wepụhanị Defidi Agalaba rị ọchan, eze hụn k'e gi akọ-lẹ-uche kị, e mẹ ihiẹn rị mma lẹ ihiẹn furuni imẹ alịnị.

Izikẹlụ 34:23

“ ‘M k'e bu wẹ che okpuru onyẹ-ndu ohu, o lepụ wẹ ẹnya ọhụnma. Odibo m wụ Defidi rọ, ya nwọn du wẹ; ịya k'e lepụ wẹ ẹnya.

Zẹkaraya 3:8

Gọn nwan ntịn Joshụa, onyẹ-isi ndị nchụn-ẹjan, ịyụ lẹ ndị nchụn-ẹjan ibe i hụn a rụn okpuru i, makẹni ụnụ wụ ihiẹn-ahịma m gi a ghọsị ihiẹn jẹnkọ d'e mẹni: M sikọ d'e wẹhẹ odibo m wụ Agalaba.

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Jọnụ 3:31

“Onyẹ gha elu-igwee bịa ka ịhịan ile; onyẹ gha elu-ụwa bịa gha elu-ụwa bịa, o ku oku ihiẹn rị elu-ụwa. Hụn gha elu-igwee bịa ka ịhịan ile.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.