Azaya 52:12 - Ika

¹² Kanị ẹlẹ hụn ụnụ k'e gi hụhụ pụ, ẹlẹ hụn ụnụ e gi gi ọsọ pụ. Makẹni, Osolobuẹ sikọ d'e buruni ụnụ ụzọ; Osolobuẹ wụ Chuku Izrẹlụ sikọ d'a kpanrịnzịkwọnị ụnụ azụụn.

Azaya 52:12 ပူးပေါင်းရင်းမြစ်များ

Ihiẹn Mẹni Nke Ibuzọ 14:15

Ị nụhụ nkiti-ụkụ elu osisi basam ndị ahụn, y'e buli d'a maye wẹ, makẹni Chuku e burugụọn'ị ụzọ d'e gbupụ ndị-agha Filistia.”

Ọpụpụ 12:11

Ẹnịna kẹ ụnụ k'a dọn ri ẹ: ụnụ sikọ d'e kẹnmẹgụ ukun, yirigụ akpụkụ, werigụ ọkpọ — ụnụ kebe rimẹ; ụnụ k'e ri ẹ ẹjije-ẹjije. Nghafe Osolobuẹ rọ.

Ọpụpụ 12:33

Ndị Ijiptu hụ a rịọ ndị Izrẹlụ wẹ mẹmẹkẹnrin nị wẹ gha alị ahụn pụ, a sị, “Ẹnyi e d'a nwụnchanrịn ma!”

Ọpụpụ 12:39

Wẹ nọ shi brẹdi hụ wẹ gwọtọ hụn wẹ bu gha alị Ijiptu pụha, brẹdi wẹ buchelẹni yisti brẹdi gi a fụ; yisti arịa makẹni wẹ chụpụ wẹ ọkụn-ọkụn alị Ijiptu, ọ kẹrẹnini wẹ mẹmẹ ihiẹn wẹ sikọ d'e ri.

Ọpụpụ 14:8

Osolobuẹ nọ kpọkin Fẹro eze Ijiptu obi, ọ nọ chụma ndị Izrẹlụ hụn pụkọ kẹ ndị mẹri agha.

Azaya 26:7

Ụzọ onyẹ ezi-omumẹ e riẹn eriẹn; Euu Onyẹ Hụn Kụrụ Ọtọ, y'e mẹ ụzọ e riẹnni onyẹ ezi-omumẹ.

Azaya 28:16

Osolobuẹ hụn nwọn ikẹn ile sị nwan, “Lee ni ẹnya, m rị e butọ ọmụma imẹ Zayọnụ, ọmụma wẹ lelegụ ọhụnma; ọmụma rị mkpa hụn wụ iyetọ; uhue ehuekọ onyẹ gi ẹ dọn ẹnya.

Azaya 42:16

M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.

Azaya 45:2

“M jẹnkọ d'e burun'i ụzọ — e nukpọpụsọnmẹ m ugu ichẹn-ichẹn; m k'e tikpọpụsọnmẹdẹ ọnụ-mgbọn ndị wẹ gi igwe-bronzu rụn, a jakịkasọnmẹ m igwe ile wẹ gi fidọn ọnụ-mgbọn ichẹn-ichẹn.

Azaya 49:10

Ẹgụn agụnkọ wẹ, ẹkpịrị akpọkọ wẹ nkụn, uwowo alị ọkpọ-nkụn emẹkọ wẹ, anwụn amakọ wẹ. Osolobuẹ hụn k'e mẹni wẹ omikẹn k'e du wẹ, du wẹ ghasọnmẹ ebe isi-mirin rị.

Azaya 49:11

M k'e mẹ ugu m ile riẹnpụ, họnrin ụzọ, a rụntọsọnmẹ m ụzọ.

Azaya 51:14

Ọ họdụ ẹkẹrẹ nị ndị wẹ kwọndọn weri enwẹn wẹ — anwụntọkọ wẹ imẹ ngan, ihiẹn-oriri akọkọ wẹ.

Azaya 57:18

A hụngụọ m eje-agụngụn a, kanị m sikọ d'a zụọ a emu; m k'e du ẹ, mẹzi ẹhụ fu ẹ,

Azaya 58:8

I mẹ ẹrịra, ukpẹ i e nwunrun kẹ eki-ụtụntụn, y'a dịnhịnkẹnrin emu i; ezi-omumẹ i e buruni i ụzọ, ọghọ rị Osolobuẹ ẹhụ a kpanrịnn'ị azụụn e che i nche.

Maịka 2:13

Onyẹ hụn e tikpọnị wẹ mgbọn sikọ d'e buruni wẹ ụzọ; wẹ k'a gha ọnụ-mgbọn alị gini wẹ zụnkpọpụha, la alị hụ tọ. Eze wẹ k'e buruni wẹ ụzọ, Osolobuẹ k'a rị wẹ ihun.

Ọgụngụn 10:25

O mẹgụ, ndị hụn e che nche azụụn hụn wụ Itu ebọn Danị lẹ ebọn ndị wẹ lẹ wẹ ziẹntọ nkọ ohu nọ buli, bukọ ahịma wẹ. Ahiẹza nwa Amishadaị kị ebọn Danị,

Ditrọnọmi 16:3

Egikwọlẹ ni brẹdi yisti rị ri ẹ, ka ri ni brẹdi yisti rịlẹni, brẹdi ụya; rin'ẹ akp'ọhịn ẹsa, makẹni ọhụn ghọsị nị ụnụ rị a hụhụ ogẹn ụnụ gi gha alị Ijiptu pụ. E mẹn'ẹ nị ụnụ hụn ụzọ a nyanhan ogẹn ụnụ gi gha alị Ijiptu pụ, ụnụ e we nwụn.

Ditrọnọmi 20:4

Makẹni, Osolobuẹ wụ Chuku ụnụ kẹ ụnụ lẹ ya wị! O k'a lụnị ụnụ ọgụn: o k'a lụsọn ndị-iṅẹnrẹn ụnụ, ye ụnụ mmẹri!”

Joshụa 4:11

wẹ ile e fetugụhụ, Ẹkpẹti Osolobuẹ lẹ ndị nchụn-ẹjan nọ pụha azụụn hụn ẹbọ hụ idẹnya ndị Izrẹlụ ile.

Joshụa 6:9

ndị ahụn kọnrin agha buni ndị nchụn-ẹjan ahụn rị e gbu opi ụzọ; ndị e che ibe azụụn hụ e sọn Ẹkpẹti hụ. Ogẹnni ile, opi ndị ahụn hụ a hanpụ.

Ndị Han Eṅẹn 4:14

Ya Debọra nọ sị Barakị, “Nje! Tannị kẹ Osolobuẹ rị e bu Sisẹra e che i ẹka n'ị mẹri ẹ. Osolobuẹ e burugụọnị n'ị ụzọ?” Ya Barakị nọ gha Ugu-Tabọ hidan, ya lẹ ikẹnnyẹ nnụ-uku iri (10,000) hụ sọnkọn'a.