Azaya 51:9 - Ika

⁹ Tẹnhin! Tẹnhin!! Ẹka Osolobuẹ gi a kpa ikẹn, tẹnhin! Jeri ikẹn i nọkẹ ẹkwa; tẹnhin kẹ y'e tẹnhin mbụ, kẹ y'e tẹnhin ogẹn ndị mbụ! Ẹlẹ ịyụ jakịka eje-anụ wụ Rehabụ? Ẹlẹ ịyụ zupu eje-anụ ohimin hụ ẹfọ?

Azaya 51:9 ပူးပေါင်းရင်းမြစ်များ

Jobu 26:12

Ikẹn ẹ k'o gi tinyụn ẹbiri-ohimin; amamihiẹn ẹ k'o gi jakịka eje-anụ ahụn wụ Rehabụ.

Jobu 9:13

Chuku ara bu olulu buhọdụ; wẹ ile hụn kwadọn Rehabụ mbụ-mbụ, okẹn Eje-anụ Ohimin ahụn, e fiẹnringhọdẹ alị ụkụ a.

Ẹbụ-ọma 21:13

Osolobuẹ dodo, lihi nwan kpa ikẹn i! Ẹnyi k'e gi ẹbụ ja ikẹn i mma!

Ẹbụ-ọma 44:1

Chuku, ẹnyi e gigụọ ntịn nụ a; ndị nẹdi ẹnyi wẹ a gwagụọ ẹnyi ihiẹn i mẹ ogẹn wẹ mbụ-mbụ:

Ẹbụ-ọma 44:2

kẹ ị dọn gi ẹka ị chụpụ ndị alị ichẹn-ichẹn, gbọ wẹ nwẹn ye; k'i dọn mẹshi alị ndị ahụn ikẹn, mẹ n'ọ rịnị Izrẹlụ mma.

Ẹbụ-ọma 44:23

Tẹnhin nwan, Osolobuẹ! K'ị rị nwan a ranhịnnị?! Dodo, tẹnhin! Ajụlẹ ẹnyi jụchanrịn!

Ẹbụ-ọma 44:24

K'ị rị e bupụnị ẹnyi ihun? Kị haịn i gi zọ afụnfụn ẹnyi rị a ta lẹ nsọngbu ẹnyi rị imẹ ẹ?!

Ẹbụ-ọma 59:4

onwọnni ebe ikpe nọ ma m bụ wẹ hụkwọ a chụ m, arị wẹ e ledẹ ẹnya azụụn! Dodo, lihi n'i buruhẹ m! E lee nsọngbu m rị imẹ ẹ!

Ẹbụ-ọma 7:6

Euu! Osolobuẹ, gi olulu lihi ọtọ! Wuzo n'i bunụmanị ndị-iṅẹnrẹn m gi olulu e sọn m! Tẹnhin, Chuku m — n'ị han ezigbo eṅẹn hụ ị chọ!

Ẹbụ-ọma 77:5

M'e ro ogẹn mbụ; m'a nyanhansọnmẹ ogẹn mbụ-mbụ.

Ẹbụ-ọma 78:65

Chuku nọ nwan felihi lekẹ onyẹ te rị ụran, lekẹ odogun-agha manya te gbuye ụran.

Ẹbụ-ọma 87:4

Ọ sị, “M k'a kpọ ẹfan ndị ‘Rehabụ’ lẹ ndị Babilọnụ imẹ ndị e feni m; nke ndị Filistia lẹ ndị Taya lẹ ndị Ẹtiopịa, m k'a sị, ‘Ọnwan wụ onyẹ Zayọnụ.’ ”

Ẹbụ-ọma 89:10

Ịyụ tikpụkpọ Rehabụ, Onyẹ mpache, gbu ẹ; ịyụ gi ikẹn i hi-ogbe chụzịza ndị-iṅẹnrẹn i.

Ẹbụ-ọma 89:11

Igwere wụ nke i, elu-ụwa wụzịkwọ nke i; ịyụ ke ụwa lẹ ihiẹn ile rịn'a.

Ẹbụ-ọma 93:1

Osolobuẹ wụ eze. Ọghọ jun ẹ ẹhụ! Osolobuẹ yi ọghọ rịkẹ ẹwuru-nze; ọ kpọ ikẹn ọkịkị nọ kẹ akpụkpọ-ukun zeni. Ụwa rị ebe o tumẹ ẹ, o mẹhunmẹkọ.

Ọpụpụ 6:6

“Sị nwan ndị Izrẹlụ, ‘M wụ Osolobuẹ; m k'e wepụha ụnụ imẹ ẹgbụn ndị Ijiptu kẹn ụnụ; m k'e mẹ ụnụ weri enwẹn ụnụ ẹka ndị Ijiptu, e gi m ikẹn m jẹnkọ d'a kpa lẹ okẹn ihiẹn ndị m k'e mẹ gi ye wẹ afụnfụn zụọpụha ụnụ.

Azaya 27:1

O ru ụhụọhịn ahụn, Osolobuẹ k'e gi okẹn ọpịa a hụn a tụ egun ye Lẹvịatanị afụnfụn, Lẹvịatanị, eje-agwọ ahụn a gba okẹn-ọsọ, Lẹvịatanị ahụn a fịkọsọnmẹni; Osolobuẹ k'e gbu eje-anụ ohimin hụ.

Azaya 30:7

alị Ijiptu hụn eyemẹka a jẹnkọlẹni d'e nwọn isi — alị Ijiptu hụn m'a kpọ, “Rehabụ, Okẹn-anụ ghalẹni a s'ẹka e mẹ ihiẹn ọwụlẹ.”

Azaya 51:17

Tẹnhin! Tẹnhin ụran! Jerusalẹm, lihi ọtọ! Ịyụ hụn ragụ afụnfụn hụn Osolobuẹ zihẹ imẹ mkpu hụn o buche ọnụma a; y'a ragụọ a, rachanpụdẹ ẹrụrụ a, mkpu hụ hụn e mẹ ịhịan a hanfie ụkụ.

Azaya 51:5

M lala d'e mẹni ụnụ ihiẹn furuni, nzụọpụha m lala alala, ẹka m k'a kị alị ile. Alị ndị teni rị ohimin k'a rịzịdẹ e lee ẹnya m; wẹ k'a rị e che m nị m d'a tụnị wẹ ụya.

Azaya 52:1

Tẹnhin! Tẹnhin! Zayọnụ, tẹnhin! Jeri ikẹn lekẹ ẹkwa. Obodo nsọ wụ Jerusalẹm, yiri ẹwuru ọma ị; ndị ahụn wẹ kwalẹni ugun, ndị ahụn rịlẹni ụchan, abanhankọzị imẹ i.

Azaya 52:10

Osolobuẹ sikọ d'a ghọsị ẹka a rị nsọ idẹnya alị ndị ọzọ ile, elu-ụwa ile a hụn kẹ Chuku ẹnyi dọn a zụọpụha.

Azaya 53:1

Onyẹ kweri nwan ozi ẹnyi? Onyẹ kẹ Osolobuẹ ghọsị ihiẹnni Osolobuẹ mẹ?

Azaya 62:8

Osolobuẹ e kunọlẹ ẹka-ihiẹn ẹ, ẹka a hụn a kpa ikẹn, sị, “Onwọnzini ogẹn m'e gi bu ihiẹn-ugbo ị rụn ye ndị iṅẹnrẹn i ri; onwọnzini mgbe ndị alị ọzọ e gi narịn ị manya-ọhụn ị ta afụnfụn a,

Izikẹlụ 29:3

Sị: Osolobuẹ Nwọn Ihiẹn Ile sị: ‘Mmẹ lẹ yụ rọ, Fẹro eze Ijiptu, ẹregede eje-anụ hụn dinẹ ebẹhụ Iyi Naịlị rị, hụn sị, “Iyi Naịlị wụ nke m; ẹka m mẹni m'ẹ.”

Maịka 7:15

Kẹ m dọn mẹ ogẹn ahụn, gi ẹ wepụha ụnụ imẹ alị Ijiptu, m jẹnkọ nwan d'a rụnghọsị wẹ ọrụn-atụmẹnya.

Habakọkụ 2:19

O k'a jọ ị njọ, ịyụ hụn a kpọku nkp'osisi, a kpọku ogbe ọmụma! N'ọ sa ẹka gwa ị ihiẹn i k'e mẹ? Y'a hụnnị nị ihiẹn wẹ gihụ goru lẹ siliva nyankwama rọ, nị ara kwọn?!

Habakọkụ 3:13

Ị nọ jẹnpụha d'a zụọpụha ndị nke i, d'a zụọpụha onyẹ hụn i tumẹ. Ị nọ gweriẹn onyẹ-isi eje alị hụ, napụchanrịn wẹ ikẹn wẹ. Sẹla

Zẹkaraya 10:11

Wẹ k'a gha ohimin nsọngbu, tinyụn ẹbiri ohimin, Iyi Naịlị migbu enwẹn ẹ a tahị; mpache alị Asiria a gụ; ọkịkị alị Ijiptu e bi.

Zẹkaraya 2:13

Ịhịan ile, gba nị nkịtịn ihun Osolobuẹ, makẹni ọ ghagụọ Ụlọ a rị nsọ lihi d'a ghọsị ẹka a.

Luku 1:51

Ọ tịnpụgụọ ẹka a, kpa ikẹn, kpọnyịya ndị mpache lẹ ihiẹn wẹ rị e ro.

Jọnụ 12:38

Ihiẹn onyẹ-amụma wụ Azaya ku nọ bụn, Azaya sị, “Di-nwọnni-ẹnyi, onyẹ kweri ozi ẹnyi zi? Onyẹ kẹ Di-nwọnni-ẹnyi ghọsị ihiẹnni o mẹ?”

Ọrụn Ndị-ozi 7:7

Kanị m k'e ye alị hụ gi wẹ họnrin igbọn afụnfụn. Omẹgụ, ụmụ ị k'a pụha d'e fe m ebeni. Ya kẹ Chuku ku.’

Ditrọnọmi 4:34

O nwọntughọ mmọn ọwụlẹ nwantu n'ọ gha imẹ alị ọzọ wepụhanị enwẹn ẹ ndị alị ọzọ rị alị hụ ghahanị afụnfụn o gi lele wẹ, ihiẹn-nghọsị, ahụnlele, agha, ikẹn hi-ogbe, ịkpa-ikẹn lẹ ọrụn ndị a tụ egun — nọkẹ ndị ahụn ile Osolobuẹ wụ Chuku ụnụ mẹsọnmẹ imẹ alị Ijiptu idẹnya ụnụ?

Rẹvẹleshọnụ 11:17

a bụ ẹbụnị: “Ẹnyi rị e ye i ekele, Di-nwọnni ẹnyi, Chuku hụn nwọn ikẹn ile, onyẹ hụn rị kikẹnni, hụn rịzịkwọ mbụ. Makẹni y'e gigụọ ikẹn i hi-ogbe kịma.

Rẹvẹleshọnụ 12:9

Wẹ nọ tụtu Dragọnụ uku hụ ye elu-ụwa, agwọ mbụ-mbụ hụ w'a kpọ Ekwensụ, a kpọzị a Setanị, hụn e dufie ụwa ile; a tụtu wẹ kẹ ịya kẹ ndị mmọn-ozi ẹ.

Ndị Han Eṅẹn 6:13

Gidiọnụ nọ sị a, “Diọkpa, omẹni Osolobuẹ nọyeni ẹnyi anọyeni, kị haịn nwan ihiẹnni ile gi rị e mẹ ẹnyi? Elebe kẹ ọrụn-atụmẹnya a ile rị — hụn ndị nẹdi ẹnyi wẹ kọnị ẹnyi ogẹn wẹ gi sị, ‘Osolobuẹ gha alị Ijiptu wepụha ẹnyi?’ Bụ Osolobuẹ a lagụọ nwan ẹnyi tọ, we ẹnyi che ẹka ndị Midianị.”