Azaya 51:6 - Ika

⁶ Lee ni ẹnya igwere, ụnụ e lezikwọ ẹnya elu-ụwa rị okpuru ẹ: igwere jẹnkọ d'e fopụ nọkẹ ẹnwụnrụn, elu-ụwa nkẹ jẹnkọ d'a fahị nọkẹ ẹkwa, ndị bi imẹ ẹ a nwụnhụn nọkẹ nzinzin. Kanị nzụọpụha m k'a rị jẹnrin-ejẹn, Ihiẹn hụ furuni m k'e mẹni ụnụ agụkọ.

Azaya 51:6 ပူးပေါင်းရင်းမြစ်များ

Ẹbụ-ọma 103:17

Kanị ihiẹn-ọsụsụọ Osolobuẹ e sọn ndị a gbayen'ẹ gha alị lala, o sọn wẹ jẹnrin ejẹn; o mẹsọnmẹni wẹ ihiẹn furuni d'e rudẹ ẹka ụmụ lẹ ụmụ-ụmụ wẹ,

Ẹbụ-ọma 111:3

Ihiẹn ile o mẹ nwọn mgbaye lẹ ọghọ; o mẹsọnmẹ ihiẹn furuni jẹnrin ejẹn.

Azaya 13:13

M sikọ nwan d'e mẹhunmẹ elu-igwere, ụwa nkẹ e zinzinru alị yeni ọnụma Osolobuẹ ihiẹn ile rị okpuru ẹ, ụhụọhịn ahụn olulu ẹ k'a dụn kẹ ọkụn.

Azaya 33:6

O k'e mẹ ẹnyi saẹka e wuzo imẹ ọnọdị ọwụlẹ — a zụọ ẹnyi a zụọsọnmẹ, e ye ẹnyi akọ-lẹ-uche lẹ amamihiẹn ọda-ọda. Ịtụ-egun Osolobuẹ sụọ wụ ihiẹn k'a rị a mkpa.

Azaya 34:4

Okokisẹ ile rị igwere sikọ d'e dẹnpụ, igwere lẹ enwẹn ẹ jẹnkọ d'a fịfịma kẹ ute. Ihiẹn ile rịn'a jẹnkọ d'a danpụ — lekẹ ẹhụhụọ-vaịnị ọkpọ-nkụn, kẹ akpụrụ-figi shinwụnnị dọn a danpụ.

Azaya 40:26

Weshidẹ ni ẹnya elu lee igwere: Onyẹ ke ihiẹn ndịnị ile? Onyẹ hụ hụn a kịpụha kokisẹ ile ohu-ohu, a kpọ wẹ ẹfan. Onwọnni akpụ-ohu e tuhuni, Makẹni ọ wụ dikẹn nwọn ikẹn ọda-ọda,

Azaya 45:17

Kanị Osolobuẹ k'a zụọpụha ndị Izrẹlụ, nzụọpụha hụn k'a rị jẹnrin ejẹn; d'e ru ọgụgụ ogẹn ụnụ afakọ, o kpuyekọ ụnụ!

Azaya 50:9

Di-nwọnni-ẹnyi wụ Osolobuẹ wụ onyẹ e yeni m ẹka, onyẹ k'a hangbu m nwan eṅẹn? Wẹ jẹnkọ d'a fahị kẹ ẹkwa; ẹkịka k'e ripụ wẹ.

Azaya 51:8

Makẹni, ẹkịka k'e ripụ wẹ kẹ ẹkwa; ọhọrị k'e ripụ wẹ kẹ oruru. Kanị ọzụọpụha m jẹnkọ d'a zụọpụha k'a rị jẹnrin ejẹn, nzụọpụha m k'e ru agbọ ile.”

Azaya 54:10

Ọsụọn'a nị wẹ mẹhunmẹ ugu ile, Ọsụọn'a nị wẹ wepụ òke ile — enwọnbehikọ m ihiẹn-ọsụsụọ ị hụn m kwe nkwa a, alatọkọ m nkwa m kwe i hụn ihiẹn gi a rịn'ị mma. Ịya kẹ Osolobuẹ hụn e mẹn'i omikẹn ku.

Azaya 54:9

Ogẹnni rị m hụ kẹ ogẹn Nụa, m kun enwẹn m ogẹn Nụa nị mirin e rukpumẹkọzị ụwa. Ẹrịra kẹ m dọn nwan kun enwẹn m nị ebukọzịnị m'i olulu nị ajụgbọkọzị m'ị.

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Matiu 24:35

Igwere lẹ ụwa k'a gụ, kanị oku m k'a bụnrịrị.

Jọnụ 5:24

“M rị a gwa ụnụ ezioku, nị onyẹ nụ oku m kweyeni onyẹ zihẹni m, hụnyẹ e nwọngụọ ndụn itẹbitẹ. Amakọ w'a ikpe, kama, ọ ghagụọdẹ ọnwụn banye ndụn.

Ditrọnọmi 4:19

Ụnụ lekwọ ẹnya elu-igwere, hụn ẹnyanwụn lẹ ifọn lẹ kokisẹ, ihiẹn ile rị igwere, anịkwọlẹni wẹ chanban ụnụ ẹnya, ụnụ a kpọma nị wẹ isi alị, femẹ ihiẹn-okike mmaka ndị ahụn Osolobuẹ wụ Chuku ụnụ ketọnị ụwa ile.

Ndị Tẹsalonika Nke Ẹbụọ 2:16

Di-nwọnni-ẹnyi Jesu Kristi lẹ enwẹn ẹ lẹ Chuku Nẹdi ẹnyi hụn gi ihiẹn-ọsụsụọ o nwọn ebe ẹnyi rị mẹni ẹnyi ọhụnma ye ẹnyi nkasị-obi itẹbitẹ lẹ olilẹnya rị mma,

Hibru 5:9

O gigụ a nwan ru ogo, ọ nọ wụrụ onyẹ hụn nzụọpụha itẹbitẹ gha ẹka a a bịanị onyẹ ọwụlẹ humẹn'ẹ isi —

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Rẹvẹleshọnụ 20:11

Ya m nọ hụn ukpo-eze ọchan hi-ogbe lẹ onyẹ nọdị alị elu ẹ. Ụwa lẹ elu-igwere nọ gbaman'a ọsọ, onwọnzini ebe wẹ k'a nọdị.