Azaya 51:4 - Ika

⁴ Ndị nke m, gọn ni m ntịn; ndị alị m, gọn ni m ntịn. M k'e mẹ Iwu m ghagbarị, ezigbo-eṅẹn m jẹnkọ d'a wụrụnị alị ile ukpẹ.

Azaya 51:4 ပူးပေါင်းရင်းမြစ်များ

Ẹbụ-ọma 106:5

kẹni m hụn ebe ihiẹn nọ rịzịnị ndị ị họrị mma; kẹni m sọn ndị alị ị ghọghọ; kẹni m sọn ndị nke i nyan isi.

Ẹbụ-ọma 147:20

Onwọnni alị ọzọ o mẹni ihiẹnni; amarịn wẹ uhi ẹ. Ja nị Osolobuẹ mma!

Ẹbụ-ọma 33:12

Ngọzi wụ nke alị ahụn Osolobuẹ wụ Chuku wẹ, ndị ahụn ọ họrị nị wẹ wụrụ nke ẹ!

Ẹbụ-ọma 50:7

Gọn ni ntịn, ndị nke m, nị m ku; ụnụ ndị Izrẹlụ, gọn ni ntịn, nị m shịagbu ụnụ ẹri. Mmẹ wụ Chuku, Chuku ụnụ.

Ẹbụ-ọma 78:1

Ndị nke m, gọn ni ntịn nkuzi m; shịapụ nị ntịn nị ụnụ nụ ihiẹn m k'e ku.

Ọpụpụ 19:6

Ụnụ a wụrụnị m alị-eze ndị nchụn-ẹjan lẹ alị rị nsọ.’ Ya k'i k'a gwa ndị Izrẹlụ.”

Ọpụpụ 33:13

Omẹni ihiẹn m a sụọghọ ị, kuzi m ụzọ ị, nị m hụn ụzọ marịn ị ọhụnma kẹni ihiẹn m sụọsọnmẹ i. Nyanhankwọ nị ndị Izrẹlụnị wụ ndị nke i.”

Itẹn 6:23

Makẹni ihiẹn ọ sị ị mẹ wụ ukpẹ wẹ mụyen'i; nkuzi hụ wụ ukpẹ; njụgbọ wẹ gi a zụn ịhịan wụ ụzọ ndụn —

Azaya 1:27

Ezigbo eṅẹn kẹ wẹ jẹnkọ d'e gi gbarị Zayọnụ, gi ezi-omumẹ gbarị ndị Zayọnụ hụn k'e rogharịnị.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Azaya 26:2

Gụnpụ ọnụ-mgbọn nị ndị alị ezi-omumẹni banye, alị hụn kwọnkẹnmẹ okukwe.

Azaya 26:8

Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Azaya 33:22

Makẹni Osolobuẹ wụ onyẹ a hannị ẹnyi eṅẹn; Osolobuẹ wụ onyẹ e ye ẹnyi iwu; Osolobuẹ wụ eze ẹnyi. Ịya jẹnkọ d'a zụọpụha ẹnyi.

Azaya 42:21

O te sụọghọ Osolobuẹ n'o gi ufiri ezi-omumẹ ẹ mẹ Iwu ẹ wụrụ okẹn-ihiẹn nwọn ọghọ,

Azaya 42:6

ọ sị, “Mmẹ wụ Osolobuẹ kpọ ị ọkpụkpọnị furuni; m k'e kwọndọn i ẹka. M k'e dọnmẹ i, gi i họnrin onyẹ hụn mmẹ lẹ ndịnị gha ẹka a e mẹgbama, mẹ i wụrụzịkwọ ukpẹ ndị alị ọzọ

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 55:3

Gi ihiẹn m ku dọn, n'ị bịa d'e kunrun m, gọn m ntịn kẹni ị rị ndụn. M k'e kwe i nkwa hụn m k'e mẹsọnmẹ jẹnrin ejẹn, nkwa ihiẹn-ọsụsụọ m hụ ghalẹni a gụ, hụn m kwe Defidi.

Azaya 63:8

O te sị, “Eziẹ, ndị nke m kẹ wẹ wụ, ụmụ m hụn jẹnkọlẹni d'e mẹ m ẹro.” Ya k'ọ nọ wụrụ Onyẹ-nzụọpụha wẹ.

Maịka 4:2

Alị bu ọda k'a rị a sị ibe wẹ, “Bịa nị, nị ẹnyi jẹn Ugu Osolobuẹ; nị ẹnyi jẹn ni ụlọ Chuku Jekọpụ, n'ọ kuzi ẹnyi uche ẹ, nị ẹnyi hụn ụzọ bimẹ k'ọ chọ.” Ẹghẹẹ, makẹni nkuzi k'a gha Zayọnụ a pụha, oku Osolobuẹ k'a gha Jerusalẹm a pụha.

Luku 2:32

Ukpẹ hụn jẹnkọ d'a ghọsị alị ndị ọzọ uche i, wẹhẹni ndị nke i wụ Izrẹlụ ọghọ.”

Ndị Kọrẹntị Ibuzọ 9:21

M ru ebe ndị rịlẹni okpuru Iwu Mozizi rị, e bimẹ m kẹ onyẹ rịlẹni okpuru Iwu Mozizi, kẹni m hụn ụzọ wẹhẹ ndị rịlẹni okpuru Iwu d'a marịn Kraịstị. Ẹlẹkwọnị iwu Osolobuẹ arị a kị m, kanị m rị okpuru iwu Kraịstị.

Ditrọnọmi 18:18

M k'a gha imẹ ndị nke wẹ wepụhanị wẹ onyẹ-amụma nọ kẹ ịyụ; m k'e bu oku m che ẹ ọnụ, ọ gwachanrịn wẹ ihiẹn ile m gwa a.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.