Azaya 51:3 - Ika

³ Osolobuẹ k'a rọkọrịrị Zayọnụ obi, mẹ omikẹn dọnzi ebe ile rịn'a wiwini. O k'e mẹ alị a te kpọgụ nkụn mẹmẹ ihiẹn ọhụnma nọkẹ Idẹni; o k'e mẹ alị a te wiwini n'ọ nọ kẹ ugbo-nta Osolobuẹ. Ịghọghọ lẹ obi-ụsụọ k'a rị alị a, Ịkpanmịn Osolobuẹ lẹ ịbụ-ẹbụ.

Azaya 51:3 ပူးပေါင်းရင်းမြစ်များ

Jẹnẹsisi 13:10

Lọtụ e lee ẹnya, hụn a nị alị-aradan Jọdanị, ibe sikọ Zụa, e nwọnhẹn mirin ọhụnma-ọhụnma nọkẹ ugbo-nta Osolobuẹ, nọkẹ alị Ijiptu. (Osolobuẹ eke tikpọ alị Sodọm lẹ Gomora ogẹn ahụn.)

Ẹbụ-ọma 85:8

M jẹnkọ d'e gọn ntịn, nị m nụ ihiẹn Chuku wụ Osolobuẹ k'e ku, makẹni o k'e ku ndụn ye ndị nke ẹ, ndị nsọ a, obi — ka wẹ ezuzumẹzilẹ.

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 25:9

Ogẹn ahụn, wẹ k'a gha a sị, “Ezioku-ezioku, ọnwan wụ Chuku ẹnyi; ịya kẹ ẹnyi gi dọn ẹnya, ọ nọ zụọpụha ẹnyi. Ọnwan wụ Osolobuẹ, ẹnyi gi ẹ dọn ẹnya; nị ẹnyi gi ọzụọpụha ọ zụọpụha ẹnyi ghọghọ, e nwọn anwịnrịn.”

Azaya 35:6

Ndị ngụrọ k'a tụshimẹ elu kẹ ele; ndị odin k'e yimẹdẹ oro ịghọghọ! Isi-mirin k'e jun imẹ alị ọkpọ-nkụn mirin rịlẹni, iyi a rịsọnmẹ ẹ!

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Azaya 43:19

Lee n'ẹ, m rị e mẹ ihiẹn ọhụn! O mẹmẹgụọdẹ nwan! Ụnụ a rị a hụn a? M rị a kwaye ụzọ imẹ atụ, e mẹ iyi a pụhasọnmẹ imẹ alị ọkpọ-nkụn.

Azaya 44:26

Mmẹ e mẹ oku idibo m a bụn, e mẹzu ihiẹn ndị odibo m ku. Mmẹ ku oku Jerusalẹm, sị, ‘Ịhịan k'e bizi imẹ ẹ;’ kuzi oku obodo rịsọnmẹ Juda, sị, ‘Wẹ k'a tụndọnzi wẹ;’ mmẹ ku oku mkpọkọ ụlọ ndịnị, sị, ‘Wẹ k'e welizi wẹ.’

Azaya 49:13

Euu igwere, yimẹ oro ịghọghọ! Elu-ụwa, ghọghọma nwan! Ugu, kwankpọma nị nwan ẹbụ! Makẹni Osolobuẹ rị a rọkọ ndị nke ẹ obi, omikẹn ndị nke ẹ wẹ rị e mẹshi ikẹn rị e mẹ ẹ.

Azaya 49:19

Ọsụọn'a nị wẹ te mẹ alị ị la iwi, mẹ ẹ gba okpokoro, tikpọ a la iwi, yụ wụ alị Izrẹlụ ezukọzị nwan ndị nke i bi, ndị te bu i ri arịkọzị ị nsue.

Azaya 49:8

Lee ihiẹn Osolobuẹ ku, “Ogẹn m k'e gi mẹ ọhụnma, m k'a za ị oku; ụhụọhịn m'e gi zụọpụha ị, m k'e yeni i ẹka. M k'e dọnmẹ i, gi i mẹzu nkwa m kwe ndị alị, kẹni i dọnzi alị, keyesọnmẹzi wẹ alị wẹ hụn te gba okpokoro

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 52:9

Mkpọkọ-ụlọ ile rị Jerusalẹm, bụye ni ẹbụ, makẹni Osolobuẹ a rọkọgụọ ndị nke ẹ obi; ọ gbapụhagụọ Jerusalẹm!

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 65:18

Ka ghọghọma nị jẹnrin ejẹn, nwọnsọnmẹ anwịnrịn, makẹ ihiẹn m jẹnkọ d'e ke! Lee n'ẹ, m'e d'e ke Jerusalẹm n'ọ wụrụ ihiẹn ịghọghọ, ndị Jerusalẹm a wụrụ ndị wẹ gi a ghọghọ.

Jerimaya 31:25

M k'e mẹ ndụn banzị ndị ndụn gụ, mẹ obi ruchanrịn ndị rị a kwannị alị.”

Izikẹlụ 28:13

Imẹ Idẹni wụ ugbo Chuku k'ị te rị. Ọmụma ile rị mkpa e gbukeni kẹ wẹ te gi chọ ị mma: rubi, tọpazị, lẹ ẹmaradị; krisolaịtị, ọnik'si lẹ Jaspa; safaya, tọkwọzị lẹ berilu. Elu goru kẹ wẹ te kụmasọnmẹ wẹ ile, ghakwọrị ụhụọhịn wẹ ke i.

Izikẹlụ 36:11

M k'e mẹ kẹ ịhịan kẹ anụmanụ ba ụba elu ụnụ, mụ ụmụ ọda-ọda, barahị. M k'e mẹ ịhịan biri elu ụnụ kẹ wẹ dọn bi ẹ mbụ, mẹ ihiẹn rịnị ụnụ mma karị k'ọ rị mbụ. Ogẹn ahụn, ụnụ a marịn nị mmẹ wụ Osolobuẹ.

Izikẹlụ 36:35

Wẹ k'a sị, “Alịnị wẹ te lagụ iwi a nọgụọ nwan kẹ ugbo Idẹni! Obodo ndị nwẹn te lagụ iwi, gba okpokoro, dankpọchanrịn, kẹ wẹ tụnhunmẹgụ nwan mgbọn, biri!”

Juwẹlụ 2:3

Ihun wẹ, ọkụn hụ e bu e ri, azụụn wẹ, ọkụn hụzị e nwun. Nị wẹ d'a bịa, alị mẹ wokowoko nọkẹ ugbo ahụn rị alị Idẹni, wẹ ghafegụ, o họnrin atụ, ugbo wẹ yi ọkụn; onwọnni akpụ ihiẹn ohu w'a latọ.

Pita Ibuzọ 1:8

Ihiẹn Jizọsị rị nwan a sụọ ụnụ, ọsụọn'a nị ụnụ eleghatun'ẹ; ụnụ kwerin'ẹ, ọsụọn'a nị ụnụ arị nwan e legha a; ụnụ hụ nwan a ghọghọ ọda-ọda, okẹn ịghọghọ ọnụ ghalẹni a s'ẹka a kọwa,