Azaya 51:13 - Ika

¹³ Onyẹ k'ị wụ hụn i gi a zọ Osolobuẹ hụn ken'i, hụn shịshịapụ igwere, gbe iyetọ ụwa? Onyẹ k'ị wụdẹ nwan egun gi a tụ ị ụhụọkịn ile makẹ ọnụma onyẹ rị a bịangbuni, hụn rị a sị n'o k'e tikpọrịrị? Kịnị kẹ ọnụma onyẹ hụ rị a bịangbuni k'e mẹdẹ nwan?

Azaya 51:13 ပူးပေါင်းရင်းမြစ်များ

Ẹsta 5:14

Ya nwunyẹ ẹ wụ Zẹrẹshi lẹ ndị ọwụ a hụ ile nọ sị a, “Rụn ebe wẹ nọ e hogbu ịhịan: ojijẹn-elu ẹ k'a wụ ọb'ụkụ mmisẹn kwasị ọgụn-ẹtọ (75). Ụtụntụn ekile y'a gwa eze n'ọ sị wẹ gi ẹ hogbu Mọdikaya, kẹni ẹfọ sụọma ị ụsụọ nị ị sọnjẹn eze oriri hụ.” Iroroni wẹ tụ sụọ Hamanị ụsụọ, ọ nọ kpọ ndị a rụnn'a, wẹ nọ rụnn'a ebe wẹ nọ e hogbu ịhịan.

Ẹsta 7:10

Ya kẹ wẹ nọ gi ihiẹn Hamanị rụntọ n'o gi hogbu Mọdikaya, hogbu Hamanị lẹ enwẹn ẹ. Olulu eze nọ rọ.

Jobu 37:18

n'ị sa nwan ẹka mẹmẹ orukpu hụn o mẹmẹ, mẹ ẹ ze kẹ ughegbe igwe-bronzu?

Jobu 9:8

Ịya sụọ ke igwere hụn shịagbu enwẹn ẹ; ịya sụọ kẹ ẹbiri ohimin rị okpuru ẹ;

Ẹbụ-ọma 104:2

Ukpẹ k'i yi nọkẹ ẹwuru. Ịyụ shịshịapụ igwere rịkẹ okpukpu ụlọ;

Ẹbụ-ọma 106:13

Kanị, a zọ wẹ ihiẹn o mẹ ozigbo; echerikọ wẹ nụ uche ẹ.

Ẹbụ-ọma 76:10

Ịhịan bugụ olulu ẹ, y'e gi olulu ẹ nwọnrin ọjịja-mma — ndị iwe họdụnị e mẹ jụụ!

Azaya 10:24

Di-nwọnni-ẹnyi, Osolobuẹ ihiẹn ile rị okpuru ẹ, sị, “Ndị nke m hụn bi Zayọnụ, atụkwọlẹ ni egun ndị Asiria, hụn gi mkpịnsịn e gbu ụnụ, e gi ẹgbe e gbu ọnụ kẹ ndị Ijiptu dọn mẹ.

Azaya 14:4

ụnụ jẹnkọ d'a rị a mụ eze Babilọnụ ẹmụ, a sị: Onyẹ nwẹn a kịgbu ịhịan, nke ẹ a gụgụọ! Ẹka-ikẹn ẹ hụ ile e bigụọ!

Azaya 16:4

Nị nị ndị Mụabụ ẹnyi gba ọsọ-agha sọn ụnụ nọdị. Anịlẹ ni onyẹ rị e tikpọnị kunrun wẹ.” Onyẹ a bịangbuni a dan! Ntikpọ e bi; nke ndị rị a maye ọgụn, a zọgbu ịhịan, a gụ!!

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 40:21

Ụnụ amarịn? Ụnụ e ke nụ? Agwanị wẹ ụnụ ya isi mbidọn? Ụnụ aghọtan'a kete w'e kelẹ ụwa?

Azaya 40:22

Osolobuẹ nọdị alị ebe mẹ ohi-ohi ghahunmẹ ụwa, ndị ile bi elu ụwa rị kẹ kpamkpam ẹnya a. Ọ shịapụ igwere kẹ ịhara, ọ shịapụ a kẹ okpukpu ụlọ w'e bi.

Azaya 42:5

Lee ihiẹn Chuku wụ Osolobuẹ ku — Chuku hụn ke igwere ile, gbama wẹ; hụn gbama elu-ụwa lẹ ihiẹn ile a gha imẹ ẹ a pụha, Chuku hụn e ye ndị rị elu-ụwa uzun, e ye ndị ile rịn'a ndụn:

Azaya 43:1

Ka lee nwan ihiẹn Osolobuẹ ku — Osolobuẹ hụn ke ịyụ wụ Jekọpụ, Osolobuẹ hụn kpụ ịyụ wụ Izrẹlụ: “Atụlẹ egun, a gbarịgụọ m'ị; a kpọgụọ m'ị ẹfan, họrị ị; nke m kẹ ị wụ.

Azaya 44:24

Lee ihiẹn Osolobuẹ ku — ihiẹn Onyẹ hụn gbapụhan'ị ku, Onyẹ hụn mẹmẹ i imẹ ẹfọ-nnẹ i: ọ sị: “Mmẹ wụ Osolobuẹ hụn ke ihiẹn ile; mmẹ sụọ setịnpụ igwere; gi ẹka m gbama ụwa kẹ ẹkwa.

Azaya 45:12

Mmẹ ke ụwa, mmẹ ke ịhịan butọ elu ẹ; mmẹ gi ẹka m shịshịapụ igwere, kịpụha ihiẹn ile rịn'a che ebe wẹ rịsọnmẹ nwan.

Azaya 45:18

Makẹni ọnwan kẹ Osolobuẹ ku — Osolobuẹ, onyẹ hụn ke igwere; ịya wụ Chuku hụn ke ụwa, mẹmẹ ẹ k'ọ rị. Ịya ke ẹ, ẹlẹ kẹni ọ gba okpokoro, kanị o ke ẹ nị wẹ bi imẹ ẹ. Ọ sị, “Mmẹ wụ Osolobuẹ, ọzọ arịa.

Azaya 48:13

Ẹka m gbe iyetọ ụwa, ẹka-nni m shịshịapụ igwere; m kpọ wẹ, a pụha wẹ.

Azaya 49:26

M k'e mẹ ndị rị e mẹjan'ị ri uru ẹhụ wẹ lẹ enwẹn wẹ; wẹ k'a ra ẹdeke enwẹn wẹ, ọ tụ wẹ kẹ manya. Ogẹn ahụn, ịhịan ile rị ụwa k'a marịn nị mmẹ hụn wụ Osolobuẹ wụ Onyẹ-nzụọpụha ị, Onyẹ-mgbapụha ị, Dikẹn ebọn Jekọpụ.”

Azaya 54:14

I k'e gi ezi-omumẹ turu: Onwọnni onyẹ k'a kịgbun'i, onwọnni ihiẹn i k'a tụ egun ẹ. Ihiẹn k'a tụ ị okẹn egun anọkunmẹkọ ị kaka; ọ nọkunmẹkọ ị.

Azaya 57:11

Onyẹ k'i rị a manị piripiri, a tụ egun ẹ hụnnị ile — i gi a tụ m ntụ ẹnịna; i gilẹni a nyanhan m mọbụ e rodẹ ihiẹn rị e mẹni? Ẹlẹ nkịtịnnị m gbabie haịn i gilẹni a tụ egun m?

Azaya 7:4

Sị a, ‘Hụn a n'i kwọndọn enwẹn i; atụlẹ egun; obi anahịnlẹ i makẹ mkpikpi nkụn ẹbụọ ndịnị rị e tinyụnnị hụn bịa d'a maye ụnụ; obi anahịnlẹ i nị Rẹzini lẹ alị a wụ Aram lẹ nwa Rẹmalịa rị e buni ụnụ olulu.

Azaya 9:4

Makẹni, k'i dọn mẹri ndị Midianị ogẹn mbụ, ẹrịra k'i k'e tibepụ ẹgbụn gini wẹ, gungwọnpụ ihiẹn wẹ gi fiẹdọn wẹ uvun, kpagipụ mkpịnsịn ndị rị a kịgbuni wẹ.

Jerimaya 2:32

Nị nwagbọọ zọ yiri ejije ẹ? Nị okpoho rị a gba ẹkụkwọ zọ yiri ihiẹn-mma a? Bụ ndị nke m a zọgụọ m — zọgele m.

Jerimaya 38:19

Eze wụ Zẹdikaya nọ sị Jerimaya, “M rị a tụ egun ndị Juda ẹnyi hụn fetugụ d'e we enwẹn wẹ ye ndị Babilọnụ, makẹni ndị Babilọnụ we m tan che wẹ ẹka, e ye wẹ m ụya ri.”

Jerimaya 41:18

Egun ndị Babilọnụ kẹ wẹ gi gbapụkọ hụn ahụn Ishmẹlụ nwa Nẹtanịa gbugụ Gẹdalia nwa Ahikam, onyẹ hụn eze ndị Babilọnụ tumẹ n'ọ kị alị Juda.

Jerimaya 51:15

“Kanị, Chuku gi ikẹn ẹ ke ụwa; ịya gi akọ-lẹ-uche ẹ mẹmẹ ụwa, gi nghọta a shịshịapụ igwere.

Jerimaya 51:19

“Kanị Osolobuẹ, Onyẹ ahụn wụ nke Jekọpụ anọnị kẹ uwẹ — makẹni ịya ke ihiẹn ile — kẹ Izrẹlụ, ebọn hụn o gi họnrin nke ẹ; ẹfan a wụ Onyẹ Ihiẹn Ile Rị Okpuru ẹ. “Ọ sị:

Daniẹlụ 3:15

Ụnụ nụ nwan ukwere ọdụ, ẹkpịrị, ụbọ-zita, ụbọ-layẹ, ụbọ-hapụ, ẹrere lẹ ụdị ihiẹn-egu ndị ọzọ ile, nị ụnụ e kweri dannị ihiẹn ahụn m kpụ alị, gbaye ẹ, nsọngbu arịkọ. Kanị, omẹni ụnụ agbayen'ẹ, wẹ k'a tụ ụnụ ye imẹ okẹn ọkụn rị e nwunni ozigbo. Nị m hụn mmọn hụ k'a sa nwan ẹka zụọpụha ụnụ ẹka m.”

Daniẹlụ 3:18

Kanị, ọ sụọn'a n'ọ zụọpụhakọ ẹnyi, marịn nwan nị ẹnyi efekọ mmọn ị mọbụ gbaye ihiẹn goruni ị kpụ.”

Daniẹlụ 3:19

Ya kẹ Nebukadineza nọ gi okẹn olulu sọn Shẹdrakị, Mishakị lẹ Abẹdnego, ihun asụọzịn'a ẹmụ kaka. Ọ nọ sị wẹ kpọyekẹnmẹ ọkụn hụ, n'ọ nụkarị k'o dọn rị a nụ mbụ ụzọ ẹsa.

Ọrụn Ndị-ozi 12:23

Ozigbo, mmọn-ozi Osolobuẹ nọ titu Hẹrọdụ, makẹni o yeni Osolobuẹ ọghọ. Ọhọrị nọ bu ẹ ri, ọ nọ nwụnhụn.

Ndị Kọrẹntị Ibuzọ 1:20

Elebe kẹ onyẹ hụ marịn ihiẹn rị nwan? Elebe kẹ ọka-ẹkụkwọ rị nwan? Elebe kẹ onyẹ hụn kachanrịn ihiẹn e lekpọ rị nwan? Osolobuẹ e mẹgụọnị amamihiẹn ụwanị wụrụ nzuzu?!

Ndị Kọrẹntị Ibuzọ 15:55

Euu ọnwụn! Elebe kẹ mmẹri i rị nwan? Euu ọnwụn! Elebe kẹ ihiẹn i gi e gbu rị nwan?”

Ditrọnọmi 32:18

Ụnụ a la Ọmụma ahụn tọ — Ọmụma ahụn hụn mẹni ụnụ kẹ nẹdi; ụnụ a zọ Chuku, Onyẹ hụn mụnị ụnụ.

Ditrọnọmi 6:12

kpachanpụkwọ nị ẹnya makẹ ụnụ gha a zọ Osolobuẹ hụn gha alị Ijiptu, alị ahụn ụnụ nọ wụ igbọn, wepụha ụnụ.

Ditrọnọmi 8:11

Kpachanpụkwọ ẹnya amamgbe y'a zọ Osolobuẹ wụ Chuku ụnụ, mẹbehi ihiẹn ndị ọ sị ụnụ mẹ lẹ iwu ẹ lẹ uhi ẹ hụn m rị e ye ụnụ tannị.

Hibru 11:15

Omẹni alị hụ wẹ gha pụha kẹ wẹ te rị e ro, efe te hụ a w'e gi kin azụụn.

Rẹvẹleshọnụ 19:20

Kanị wẹ nọ nwụndọn eje-anụ hụ lẹ onyẹ amụma-ntụ ahụn te rị a rụndọnni eje-anụ hụ ọrụn-atụmẹnya, onyẹ-amụma hụ gi ọrụn-atụmẹnya ndị hụ dufie ndị narịn ahịma eje-anụ hụ lẹ ndị fe hụn wẹ leri ẹ kpụ. Wẹ nọ tụ eje-anụ hụ lẹ onyẹ amụma-ntụ ahụn lẹ ndụn ye imẹ odiyiri ọkụn nsịn-ẹnyanwụn;

Rẹvẹleshọnụ 20:9

Wẹ nọ ghakwọrị ebe wẹ rị fetu alị ichẹn-ichẹn rị elu-ụwa bịa d'e fihunmẹ ebẹhụ ndị nke Osolobuẹ rị lẹ obodo ahụn a sụọ Osolobuẹ; kanị, ọkụn nọ gha elu-igwee hidan, bu wẹ ile ri.